e premte 30 korrik 2021
e premte 30 korrik 2021

 

Maqedonia e Veriut po shënon 1 vjetorin e anëtarësimit në NATO. Me këtë rast, në një ceremoni që u mbajt në një kazermë të Shkupit, tre aeroplanë ushtarakë të Aleancës fluturuan mbi kryeqytetin e vendit, ndërsa pjesëtarë të ushtrisë së Maqedonisë së Veriut shfaqën pjesë të stërvitjeve para krerëve të institucioneve më të larta shtetërore e diplomatëve të huaj.

 

Në ceremoni mori pjesë edhe Admirali Robert Burk, i Komandës së forcave të bashkuara në Napoli (të Italisë). Admirali Burk theksoi vendosmërinë dhe guximin si të autoriteteve edhe të ushtrisë, teksa tha se vendi po jep një kontribut të shkëlyer për Aleancën e NATO-s.

 

Ndërkohë, Ndihmës-Sekretari amerikan i Shtetit, Philip Reeker në një video-mesazh, me këtë rast, nënvizon kontributin e Maqedonisë së Veriut edhe para anëtarësimit në NATO.

 

“Ju mirëpritët aleatët dhe partnerët e NATO-s për t’u trajnuar në tokën tuaj; Dërguat ushtarë për të mbështetur operacionet e NATO-s që nga viti 2002 dhe po përmbushni përkushtimin lidhur me shpenzimet në fushën e mbrojtjes”, thekson zyrtari i lartë amerikan. “Tani që Maqedonia e Veriut e ka vendin në tryezën si anëtare e Aleancës më të fuqishme ushtarake në botë – presim që ta përdorni atë për të mirën e të gjithë aleatëve”, shton më tej zoti Reeker. Ai thekson mbështetjen e fuqishme të Shteteve të Bashkuara për synimet e vendit ballkanik drejt integrimit në Bashkimin Evropian. VOA

 

Më shumë

1 vjetori i anëtarësimit të Maqedonisë së Veriut në NATO

Maqedonia e Veriut po shënon 1 vjetorin e anëtarësimit në NATO. Me këtë rast, në një ceremoni që u mbajt në një kazermë të Shkupit, tre aeroplanë ushtarakë të Aleancës fluturuan mbi kryeqytetin e vendit, ndërsa pjesëtarë të ushtrisë së Maqedonisë së Veriut shfaqën pjesë të stërvitjeve para krerëve të institucioneve më të larta […]

Xhepçishti – Fshati i Tetovës ku nuk ka të papunësuar

Fshati Xhepçisht, është fshat 4 km larg Tetovës, në aksin rrugor Tetovë-Jazhincë-kufiri me Kosovën. Fshat i njerëzve punëtor dhe bujar, ku papunësia është më e ulët në Maqedoninë e Veriut. Punojnë pothuajse të gjithë.   Të gjithë ish-mërgimtarët që janë kthyer në vendlindjen e tyre, në Xhepçisht kanë investuar në reparte prodhuese (jo tregtare) […]

Regjistrohet Bashkësia Islame Selefiste në Maqedoni, reagon ashpër BFI

Më datë 16 shkurt 2021, Rijaseti i Bashkësisë Fetare Islame të RMV në mbledhjen e rregullt me në krye Reis Ulemanë e BFI-së Hfz. Shaqir ef. Fetain, shqyrtoi zhvillimet e fundit, gjegjësisht regjistrimin e të ashtuquajturës Bashkësia Islame Selefiste Dar el Hadith dhe solli këto vendime:   Me indinjatë të thellë reagojmë kundër […]

Debati në Shkup: Etniteti në letërnjoftim – po ose jo?

Në Maqedoninë e Veriut po diskutohet shënimi i përkatësisë etnike në letërnjoftim. Partitë shqiptare në përgjithësi e mbështesin këtë propozim të iniciuar nga Lëvizja Besa.     Lëvizja Besa ka propozuar ndryshimin e ligjit për letërnjoftim, me të cilin do të mundësohet që në letërnjoftime të ekzistojë shënimi i etnisë në mënyrë që krahas […]

  • © 2017 Albanian Profile Të gjitha të drejtat e rezervuara