e hënë 16 maj 2022
e hënë 16 maj 2022

 

 

12 vjeçari Aldo Kodra sapo ka publikuar romanin e tij të tretë “Xhuxhi dhe gjithçka mbi Universin”, libër ky i zhanrit fantastiko-shkencor. Nxënës i klasës së shtatë, të shkollës austriake në qytetin e Shkodrës, Aldo njihet mes bashkëmoshatarëve për pasionin për librin dhe fantashkencën.

 

“Në gjeneratën e sotme fantashkenca mbizotëron dhe është një lloj fushe shumë e pëlqyer për të gjithë fëmijët, edhe për mua. Jam bazuar edhe tek librat dhe filmat me fantashkencë dhe kam krijuar një lloj stili unik, që ka për bazë fantashkencën”.

 

Aldo thotë se që në moshën 8 vjeçare ishte një lexues i zjarrtë, pasion që vazhdon t’a ruajë edhe tani, kur ka botuar tre libra. Ishin librat që e shtynë atë, krejt papritur, të shkruajë faqe pas faqeje librin e tij të parë “Heronjtë e vegjël”. Në qendër të tre librave të 12 vjeçarit Kodra janë 10 fëmijë, bashkëmoshatarë të tij, të gërshetuar me shumë personazhe të fantashkencës, pjesë e fantazisë së tij.

 

Përveç leximit dhe shkrimit, 12 vjeçari Kodra ka pasion edhe pianon e cila, thotë ai, e ndihmon në procesin krijues, duke e futur në botën magjike të fantashkencës, nëpër labirintet e saj, ku imagjinata ime, shton ai, nuk ka kufij.

 

“Unë mbështetem në ngjarjet e përditëshme, i gërshetoj me elemente fantastike dhe, nga ky brum i bërë, krijohet një recetë me këto personazhe. Gjatë çdo veprimi, çdo gjëje, në mendjen time ka labirinte, të cilat krijohen në atë moment dhe, në atë labirint, mund të ketë çdo gjë, ku futen edhe këto personazhe”.

 

Poeti Lazër Kodra, duke vlerësuar procesin krijues dhe pasionin e Aldos për librin dhe letërsinë, thotë se ai është një shembull për të gjithë bashkëmoshatarët e tij, duke krijuar besim për të ardhmen.

 

“Kjo është përgjigja ma e mirë që mund t’i jepet mendimit të krijuar në opinionin shqiptar se ky vend nuk bahet. Në qoftë se ne do të respektojmë dhe do të mbështesim njerëz të tillë si Aldoja, kjo asht përgjigja ma e mirë se ky vend mund të bahet”.

 

Gjatë promovimit të librit të tij të tretë, “Xhuxhi dhe gjithçka mbi Universin”, Aldo pati edhe një porosi për bashkëmoshatarët, shumë prej të cilëve po e harxhojnë kohën në celular apo kompjuter.

 

“Teknologjija nuk mund të zëvendësojë jetën tonë. Është shumë e nevojshme dhe e dobishme, por libri është një thesar më i çmuar, për të cilin duhet kujdesur dhe pasur nevojë”.

 

 

 

Më shumë

Promovohet studimi monografik “Banda kombëtare “Vatra”, një histori unike shqiptaro-amerikane” e autorit akad. Vasil S. Tole

Monografia “Banda Kombëtare Vatra”, një histori unike shqiptaro-amerikane e autorit akademik Vasil S. Tole, që i kushtohet historisë së ardhjes së vullnetarëve shqiptaro-amerikanë në vitin 1920 për të nxitur ndjenja entuziaste besimi dhe frymë atdhetare në popull, pas rikonfirmimit të Pavarësisë me Kongresin e Lushnjes, u promovua në Akademinë e Shkencave të Shqipërisë. […]

“Western Balkans Youth Orchestra”: Orkestër e re kundër konflikteve të vjetra

Ata vijnë nga vende që përpara 30 vjetësh luftonin brutalisht njeri-tjetrin. 25 të reja e të rinj takohen tani në turne koncertesh për të bërë muzikë së bashku. “Western Balkans Youth Orchestra” nis turneun e koncerteve.   Ata të gjithë janë fëmijë të luftës, të të ashtuquajturave „luftëra të Jugosllavisë”. Tani ata takohen për […]

Shqipëria në Panairin Ndërkombëtar të Librit në Torino, me më shumë se 200 tituj

Shqipëria dhe letërsia e saj janë të pranishme edhe këtë vit, me një stendë të posaçme, në Panairin Ndërkombëtar të Librit, edicioni i 33-të i të cilit zhvillohet në Torino nga data 14 deri më 18 tetor 2021.   I vizituar çdo vit nga qindra mijëra vizitorë nga e gjithë Italia, Panairi Ndërkombëtar […]

Zbulohet stera 2300-vjeçare në sitin arkeologjik të Bylisit

Neritan Ceka: I përket shekullit III para Krishtit. Stera është e gjatë 50 metra dhe e thellë 8 metra dhe e mbuluar nga një sistem harqesh. Kërkimet arkeologjike në Bylis kanë nisur nga njësia e re “ArkeoBylis” e ngritur në Akademinë e Shkencave, kryesuar nga Neritan Ceka. Skënder Muçaj: Janë zbuluar dhe objekte të […]

  • © 2017 Albanian Profile Të gjitha të drejtat e rezervuara