e diel 25 korrik 2021
e diel 25 korrik 2021

 

Komuniteti ortodoks i Tiranës, i ngulur në këtë qytet që prej shek. XVIII, veç gjallërisë që i solli qytetit, barti me vete edhe objektet e veta të kultit. Si të krishterë të ritit Lindor, ortodoksët e Tiranës, kryesisht me prejardhje vllahe- arumune, ndërtuan të parën kishë të tyren më 1780, në atë pjesë të qytetit ku sot ndodhet ndërtesa e Presidencës së Republikës.

 

Ajo kishë e vjetër u shemb më 1937, kur po ndërtohej Bulevardi i kryeqytetit të ri.

 

Komuniteti ortodoks, i kryesuar, atëkohë, nga Fortlumturia e Tij Kristofor Kissi, bleu një truall në kodrat pak më në jug të kishës së parë, ku u ndërtua dhe kisha e re. Vetë komuniteti dëshiroi që projekti t’i besohej arkitektit Skënder Luarasi, kurse zbatimi firmës italiane “Ing. Lucca e Co., Milano”, siç dëshmonte dikur dhe pllaka e mermertë që ndodhej në fasadën e kishës. Ndonëse dashuria për ta përfunduar ishte e madhe, vonesat e kohës bënë që kisha të përurohej më 1945, kurse më 1968, pas ndeshtrashave të kohës, u shtetëzua dhe u shndërrua në bark-restorant.

 

Iu kthye komunitetit më 1993, pas kërkesave të vazhdueshme të besimtarëve.

 

Në këto fotografi të datës 15 korrik 1941, pikërisht 80 vjet më parë, paraqiten pamje nga ndërtimi i kishës së Shën Prokopit, fotografuar nga Istituto Luce dhe që sot ruhen në Fototekën e Arkivit Qendror Shtetëror.

 

 

 

Më shumë

Pashkë 2021 – Kryepiskopi Anastas Janullatos mesazh urimi: Çlirim nga urrejtja dhe variantet e saj

Anastasi, Kryepiskop i Tiranës, Durrësit dhe i Gjithë Shqipërisë ka dhënë një mesazh me rastin e festës së Pashkës 2021.   Çlirim nga urrejtja dhe variantet e saj    “Ditë e Ngjalljes, le të ndriçohemi me panairin… dhe ata që na urrejnë, le t’i falim të gjithë në Ngjalljen.” (Vargëzime të Pashkës, Lavdia)  […]

Besimtarët katolikë festojnë Pashkët – Imzot Frendo: Ëndrra e Jezusit edhe ëndrra jonё pёr njё Shqipëri më tё bukur

Ky është viti i dytë radhazi kur festa e Pashkës kremtohet në kushte pandemie. Besimtarët katolikë janë më të kufizuar për t’u mbledhur në grupime apo për të ndjekur meshën në Kishë. Megjithatë, mesha gjatë Javës së Madhe në vendin tonë ka vijuar, me besimtarët që kanë zbatuar rregullat kundër COVID-19.   Imzot Frendo: […]

Dita e Sulltan Nevruzit – Përkujtohet, 30 vjetori i rihapjes së Kryegjyshatës Botërore Bektashiane

  Kryegjyshi Botëror, Hirësia e tij, Haxhi Dede Edmond Brahimaj: Ngjarje e shënuar në ditën e Sulltan Nevruzit. Mirënjohje për Dede Reshatin e brezat e klerikëve që kanë lënë gjurmë në historinë tetëqind vjeçare të bektashizmit!     Besimtarët bektashinj në Shqipëri e mbarë botë festojnë sot Sulltan Novruzin. Në një mesazh nga Kryegjyshata […]

Media izraelite, reportazh me vlerësime për bektashizmin në Shqipëri

Media izraelite, vlerësime për bektashizmin. Reportazh i gazetarit të njohur hebre, Benny Ziffer, nga vizita në Selinë e Shenjtë dhe biseda me Kryegjyshin, Haxhi Dede Edmond Brahimaj   Me Kreun Botëror të Bektashinjve, Dede Edmond Brahimaj, në mistikën, objektet dhe ritet e këtij besimit të paqtë       Nga Benny Ziffer   Këto […]

  • © 2017 Albanian Profile Të gjitha të drejtat e rezervuara