e diel 14 gusht 2022
e diel 14 gusht 2022

 

 

Ndërsa Shtetet e Bashkuara vazhdojnë tërheqjen e personelit të ambasadës në Kabul, administrata Biden mbron tërheqjen nga vendi që është shkatërruar nga lufta. Kritikët thonë se largimi i Shteteve të Bashkuara mund të krijojë një krizë humanitare dhe ta kthejë Afganistanin në një strehë për ekstremistët.

 

Skenat nga Kabuli prej nga ShBA po vazhdon tërheqjen e personelit të tyre po marrin vëmendjen e gjithë botës, ndërsa kryengritësit talebanë janë gati të marrin kontrollin e Afganistanit.

 

Administrata Biden e mbrojti vendimin për t’u larguar nga vendi pas 20 vitesh dhe nuk priste që talebanët të përparonin me kaq shpejtësi.

 

“Presidenti vendosi se ishte koha për t’i dhënë fund kësaj lufte për Shtetet e Bashkuara, për të dalë nga mesi i një lufte civile në Afganistan dhe për t’u siguruar që ne po ndjekim interesat tona në të gjitë botën. Kjo është ajo që po bëjmë“, tha Sekretari amerikan i Shtetit Antony Blinken.

 

Disa ligjvënës republikanë nuk po kritikojnë vetëm administratën Biden. Ata fajësojnë edhe administratën e ish Presidentit Donald Trump për vendimin e tërheqjes së plotë nga Afganistani deri në maj 2021, një afat që Presidenti Biden e shtyu deri në gusht.

 

Kritikët gjithashtu thanë se mënyra se si administrata po kryen tërheqjen, dobëson imazhin e ShBA-së në skenën ndërkombëtare.

 

Udhëheqësi republikan i Senatit Mitch McConnell tha në një deklaratë të dielën se terroristët dhe kundërshtarët po shohin “momentin e pakëndshëm në të cilën e gjen veten një superfuqi”.

 

 

“Do të ketë pasoja jo vetëm për Afganistan, jo vetëm për ne në Afganistan, jo vetëm për luftën kundër terrorizmit, por edhe për rolin e Amerikës në botë. Në atë masë që kundërshtarët e dinë se mund të na kërcënojnë, ndërsa aleatët po pyesin këtë mëngjes se ‘a mund të mbështeten më tek ne’”, thotë ligjvënësja republiane Liz Cheney.

 

Sekretari Blinken tha se frika është e madhe se talebanët, të cilët udhëhoqën vendin me një qeveri funamentaliste islamike nga viti 1996 e deri në rrëzimin e saj më 2001, do të vendosë sërish rregulla të ashpra për gratë dhe të tjerët.

 

Ai shtoi se i takon komunitetit ndërkombëtar të ndihmojë popullin e Afgansitanit, ndërsa tha se një qeveri që mbështet të drejtat themelore është në interesin e vetë talebanëve.

 

“Nëse ata kanë pushtetin, por nuk e bëjnë këtë, atëherë unë mendoj se Afganistani do të izolohet nga komuniteti ndërkombëtar”, tha Sekretari Blinken.

 

Sipas një sondazhi të kryer në muajin korrik nga Këshilli i Çikagos për Çështjet Globale, 70 për qind e amerikanëve e mbështesin vendimin për t’u tërhequr.

 

Mbetet për t’u parë nëse marrja e shpejtë e kontrollit të kryeqytetit nga Talebanët do të ndryshojë mendimin e amerikanëve për planin e presidentit. VOA

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara