e martë 25 janar 2022
e martë 25 janar 2022

 

Mes mijëra pushuesve në bregdetin e Shëngjinit gjen edhe familjet afgane të cilat janë akomoduar në një resort në vijën e parë të plazhit…

 

Ditët e bukura me diell po i shijojnë bashkë me pushuesit vendas, buzë detit ku duket se janë përshtatur shpejt.

“Unë jam nga Afganistani. Shqipëria është një vend shumë i mirë, ka njerëz shumë të mirë dhe dua të falënderoj qeverinë dhe popullin shqiptar për mikpritjen e treguar dhe përpjekjet për të ndihmuar të gjithë refugjatët afganë”, shprehet një afgan, ndërsa mban në krah një fëmijë.

 

Pushuesit në Shëngjin vlerësojnë vendimin e qeverisë shqiptare për strehimin e shtetasve afganë, disa prej tyre e krahasojnë me eksodin e kosovarëve dy dekada më parë.

 

“Jam nga Kosova, e kuptoj shumë mirë se sa kanë vuajtur afganët, është e rëndësishme t’i ndihmojmë”, thotë një pushues nga Kosova

 

 

“Ata janë larguar kundër dëshirës së vet, duhet t’i ndihmojmë”, shprehet një tjetër pushues në Shëngjin.

 

 

“Ata kanë ikur nga plumbat, jo nga dëshira, nuk ka njeri që të lerë vendin e vet, shtëpinë  e vet”, thekson një tjetër pushues.

 

Janë 400 afganë të akomoduar në Shëngjin, mes tyre Baha, i cili ka punuar si asistent pedagog në universitetin e Kabulit dhe gazetar.  Gjëja që i ka pëlqyer më shumë është mikpritja dhe nuk nguron të falënderojë në gjuhën shqipe.

 

“Në dy dekadat e fundit ne kemi pasur goxha zhvillim sepse atje kishte demokraci dhe të huajt ishin aty duke na ndihmuar ne. Por tani duhet të them se ne jemi kthyer mbrapa, s’ka më të ardhme të ndritur për ne. Unë ndihem i sigurt dhe shumë mirë këtu. Faleminderit popullit shqiptar “, thotë ai.

 

Ndërsa të ardhmen e tij e sheh në Shtetet e bashkuara të Amerikës.

 

“Kur erdhëm këtu Ministria e Jashtme na tha se mund të aplikojmë për leje qëndrimi, por rruga që ne kemi zgjedhur është SHBA-ja. Autoritetet amerikane na sollën këtu, dhe na mbështesin dhe do të na transferojnë në SHBA”, shton Baha.

 

Në orët e para të mëngjesit kanë mbërritur në aeroportin e Rinasit kontigjenti i fundit me 37 shtetas afganë, duke e çuar 644 numrin total të refugjatëve të strehuar në Shqipëri. Ata vendosen fillimisht në Qytetin Studenti e mandej tranferohen drejt hoteleve në Durrës dhe Shëngjin.

 

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara