e premte 22 tetor 2021
e premte 22 tetor 2021

 

U komentua jo pak veprimi i mjekëve shqiptarë në Itali, të cilët festuan në mënyrë jo normale ditën e fundit të qëndrimit atje, pasi mbështetën kolegët e tyre në përballimin e COVID-19.

 

Sipas mediave italiane, stafi shqiptar po festonte me alkool (birra) dhe muzikë të lartë në dhomën e hotelit ku po qëndronin, për përfundimin e misionit të tyre.

 

Pronari i hotelit ku qëndronin mjekët dhe infermierët shqiptarë, pasi dëgjoi zhurmat, lajmëroi policinë. Autoritetet italiane i gjobitën me 500 Euro gjobë, pasi në kuadër të masave në kohë pandemie, Italia ka vendosur ndalimin e të gjitha festave dhe grumbullimeve.

 

Mediat italiane raportuan se mbrëmjen e së mërkurës, mjekët dhe infermierët shqiptarë ishin mbledhur në një prej dhomave të hotelit ku po qëndronin, për të festuar kthimin e tyre në Shqipëri pas përfundimit të misionit në ndihmë të kolegëve italianë.

 

Gjoba e policisë ndaj stafit shqiptar nuk u prit mirë nga ana e partisë Fratelli d’Italia, duke paralajmëruar se do ta ngrejë deri në Parlamentin italian këtë episod.

 

“Ky staf erdhi në Itali me kërkesën e Kryeministrit të tyre për të na ofruar ndihmë në një nga momentet më të errëta për spitalet tona. Tani ata do të kthehen në Shqipëri me një vërejtje dhe gjoba 500 Euro për 9 prej tyre. Duam të kuptojmë çfarë ndodhi mbrëmë në hotel. Do të kërkojmë që kjo çështje të diskutohet në Parlamnet”, tha Gianpaolo Natali, këshilltar politik i partisë Fratelli d’Italia.

 

 

Për këtë situatë ka folur edhe drejtori i hotelit në Breshia, i cili ka deklaruar se ajo që ndodhi ishte e papranueshme.

 

“Recepsionisti më telefonoi rreth mesnatës dhe më informoi se festa vazhdonte prej orësh me alkool e muzikë me volum të lartë, duke shkaktuar protesta mes klientëve të tjerë të hotelit, shumica e të cilëve janë personel shëndetësor dhe punonjës të forcave të rendit.

 

Festonin dhe askush prej tyre nuk kishte maskë e këndonin e ulërinin në ballkone duke prishur qetësinë publike. Dhe fakti më i rëndë është se hoteli është i pozicionuar përballë spitalit civil të Breshës”, ka thënë Luca Adriani për La Repubblica.

 

Ai vijon më tej duke dënuar sjelljen e mjekëve edhe në ditët e kaluara duke thënë se dhomat i linin të papastra.

 

“Shpesh i linin dhomat të pista me të vjella, përpiqeshin të ndiznin pishinën, e cila ishte e mbyllur për shkak të normave anti Covid, e mblidheshin duke tymosur duhan në grup me zhurmë e të ulëritur”, ka deklaruar drejtori.

 

Ndërkohë bluzat e bardha shqiptare e kanë justifikuar veprimin me faktin se po festonin pas rezultateve të tamponëve.

 

 

 

Në foto ministrja e Shëndetësisë duke pritur në Rinas infermierët e kthyer nga Italia

 

 

Në foto ministrat e Shëndetësisë dhe i Punëve të jashtme duke përcjellë në Rinas infermierët për në Itali

 

 

 

Më shumë

“Pacienti zero” i COVID-19 në SHBA mund të jetë prekur në prill të vitit 2019

Tani gjurmimi i origjinës së virusit të COVID-19 është një sfidë e përbashkët e të gjithë njerëzimit. Matematikanët kanë filluar të përdorin metodat e analizës në bazë të të dhënave të mëdha për të gjetur “pacientin zero”.   Të mërkurën, platforma e parapublikimit të artikujve shkencorë e Akademisë së Shkencave të Kinës (ChinaXiv) publikoi […]

Shqipëria e treta në Europë për nivelin e lartë të obezitetit të grave

24.4% e grave në vend konsiderohen obeze, sipas Anketës Demografike dhe Shëndetësore të INSTAT, të vitit 2018, për grup-moshën 15-59 vjeç. Ky tregues matet me Indeksin e Masës Trupore (BMI), që shpreh raportin e pesshës në kg ndaj gjatësisë në metër katror (kg/m2). Niveli mbi 30 konsiderohet obez, 25-29.9 mbipeshë, nga 18.5-24.9 është normal […]

Qendrat shëndetsore në plazhe, në Velipojë e Theth 1 mijë persona kanë kërkuar ndihmë në një muaj

Prej 1 jave në spitalin e Shkodrës nuk është paraqitur asnjë qytetar me simptoma të dyshuara për covid! Për bluzat e bardha ky është një lajm i mirë. Por nuk po ndodh e njejta gjë me virozat e stinës! Kryesisht me simptoma gastro-intensinale apo edhe probleme kardiake, rastet që kanë nevojë për ndihmë mjekësore […]

Shefi i OBSH-së: E përjashtuam para kohe teorinë se koronavirusi mund të ketë rrjedhur nga laboratori

Kreu i Organizatës Botërore të Shëndetësisë pranoi se kishte qenë i parakohshëm përjashtimi i një lidhjeje mes pandemisë së COVID-19-s dhe një rrjedhjeje të mundshme të virusit nga një laborator. Ai tha të enjten se i ka kërkuar autoriteteve kineze të jetë më transparente ndërsa shkencëtarët po kërkojnë të gjejnë origjinën e koronavirusit. […]

  • © 2017 Albanian Profile Të gjitha të drejtat e rezervuara