e hënë 6 dhjetor 2021
e hënë 6 dhjetor 2021
Shqipëria

Ambasadori i Izraelit, Gendler: Populli shqiptar ka mbajtur gjithmonë anën e vërtetë të historisë

 

Ambasadori i Izraelit në Tiranë, Noah Gal Gendler, përmes një letre drejtuar z. Gjinushi ka falënderuar Akademinë e Shkencave për aderimin në Lëvizjen për Luftën kundër Anti-Semitizmit (Combat Anti-Semitism Movement).

 

Në kuadër të veprimtarive për Ditën Ndërkombëtare të Kujtesës, kryetari i Akademisë së Shkencave të Shqipërisë, akad. Skënder Gjinushi ka komunikuar këtë të martë, më 26 janar 2021, vendimin e Asamblesë për aderimin në Lëvizjen për Luftën kundër Anti-Semitizmit (Combat Anti-Semitism Movement), duke miratuar Përkufizimin e përdorshëm për Antisemitizmin sipas kuptimit në dokumentin e Aleancës Ndërkombëtare për Përkujtimin e Holokaustit (Insternational Holocaust Remembrance Alliance – IHRA).

 

Ambasadori i Izraelit në Tiranë, Noah Gal Gendler, përmes një letre drejtuar z. Gjinushi ka falënderuar Akademinë e Shkencave për këtë akt.

 

Mes të tjerash ai kërkon të falënderojë dhe të shprehë mirënjohjen ndaj Akademisë së Shkencave të Shqipërisë për miratimin e përkufizimit të Anti-Semitizmit, si dhe për iniciativën për t’iu bashkuar IHRA-s dhe CAM.

 

“Habitem, shkruan ai, se si akoma në shekullin e 21-të, në një botë të globalizuar dhe ekonomi të hapur, ku ka liri mendimi, arritje të mëdha teknologjike, mësime të pafundme historike, ne akoma duhet të merremi me urrejtje, racizëm dhe diskriminim.

 

Është e domosdoshme të kujtojmë të kaluarën në mënyrë që të mos e përsërisim në të ardhmen.

 

Ky akt shpreh veprimin e një vendi të lirë dhe të njerëzve që ia njohin vlerat lirisë dhe respektit ndaj të tjerëve. Toleranca fetare në Shqipëri mbetet një shembull për t’u ndjekur nga e gjithë bota.

 

Populli shqiptar ka mbajtur gjithmonë anën e vërtetë të historisë”, përfundon z. Noah Gal Gendler, ambasador i Izraelit në Tiranë. / I S

 

Më shumë

112-vjetori i çeljes të së parës shkolle kombëtare pedagogjike në Shqipëri

Shkolla Normale e Elbasanit është e para shkollë kombëtare pedagogjike në Shqipëri e themeluar më 1 dhjetor të vitit 1909, në bazë të vendimeve të Kongresit Kombëtar i mbajtur më 2-8 shtator 1909, në Elbasan. Shkolla Normale e Elbasanit, gjatë vitit akademik 1909-1910 numëronte 160 nxënës të ardhur nga të gjitha anët e Shqipërisë. […]

Si ishte aeroporti i Vlorës në vitet 1914-1916 dhe në vitet ’40. Sa kushtonin fluturimet drejt Romës, Gjirokastrës e Tiranës

Shqipëria ka një histori relativisht të hershme të transportit civil e ushtarak ajror.  Fluturimet e para janë realizuar në Shqipëri për qëllime ushtarake, e më pas në vitet ’20 ka nisur të zhvillohet aviacioni për transport civil.   Fillimisht, ishin italianët që pushtuan Vlorën në fundin e vitit 1914, që ngritën edhe një […]

Ngrihet “shqiponja” te sheshi “Nënë Tereza”, akrobatja performancë të jashtëzakonshme në Ditën e Flamurit

Akrobatja e njohur, Fiona Rushiti, e cila njihet për performancat e saj në qiell të hapur ka zgjedhur të ngrejë “shqiponjën” te “Sheshi Nënë Tereza” me rastin e Ditës së Flamurit!   Së bashku me tifozët kuqezi, pjesë e të cilëve është dhe vetë, ajo ka dhuruar një performancë të jashtëzakonshme, me të gjitha […]

Ndërtesa më e lartë në botë ndriçohet me flamurin shqiptar

DUBAI – Ndërtesa më e lartë në botë, Burj Khalifa, është ndriçuar me ngjyrat e flamurit shqiptar në orët e mbrëmjes së 28 nëntorit.   Kjo ka ardhur në shenjë urimi në ditën e Pavarësisë së shpallur më 28 nëntor 1912 për Shqipërinë.   Ka qenë deputeti i Kuvendit të Kosovës nga radhët […]

  • © 2017 Albanian Profile Të gjitha të drejtat e rezervuara