e mërkurë 20 janar 2021
e mërkurë 20 janar 2021

 

 

Në një publikim të fundit, Autoriteti i Mbikqyrjes Financiare, analizon gjeografinë e Sigurimeve për vitin 2019, pra  pasqyron në mënyrë të detajuar shpërndarjen e primeve të shkruara bruto, dëmeve të paguara si edhe primit për frymë, sipas qarqeve.

 

Ajo që vihet re nga të dhënat është se, shpërndarja gjeografike e primit të shkruar bruto, vërehet e përqëndruar në qarqet e mëdha, si Tirana me 59.63% të totalit të primeve të shkruara bruto gjatë vitit 2019, Durrësi me 7.51%, Fieri 5.29%, Shkodra 4.94%, Vlora 4.56%, Korça 4.72%. Kjo tendencë përqendrimi ka vijuar e tillë për një periudhë 12-vjeçare.

 

Një tregues tjetër i rëndësishëm i tregut të sigurimeve është dendësia e sigurimeve. Për vitin 2019 ky tregues është rreth 6,168 lekë për frymë, me një rritje rreth 275 lekë krahasuar me një vit më parë.

 

Sa i përket primit për frymë sipas qarqeve, Tirana me 11,551 lekë për frymë zë vendin e parë, e pasuar nga Gjirokastra me 5,962 lekë për frymë dhe më tej Durrësi me 4,535 lekë për frymë, Shkodra me 4,332 lekë për frymë dhe Vlora me 4,234 lekë për frymë. Dibra dhe Kukësi, me 2,200 dhe 2,300 lekë për frymë, janë qarqet me shpërndarjen më prezencën më të dobët të policave të sigurimit, mbi 5 herë më pak se Tirana.

 

Edhe sa i përket dëmeve të paguara, sërish pjesën e “luanit” e zë Tirana me 74.84%, e pasuar nga Durrësi me 6.78%.

 

Më shumë

Shqipëri-Kosovë, nis operimin blloku i përbashkët rregullues dhe linja 400 kV

Shqipëria dhe Kosova finalizojnë me sukses një hap të rëndësishëm në sektorin elektro-energjetik. Nga dita e sotme, nis operimi i pavarur i Kosovës, si zonë Rregulluese brenda Bllokut Rregullues Shqipëri-Kosovë, si dhe nis nga funksionimi linja e transmetimit 400 kilovolt Shqipëri-Kosovë.   Bashkëpunimi mes Operatorit të Sistemit të Transmetimit dhe KOSTT në Kosovë kanë […]

Përgjysmohet eksporti i mandarinës, frutat po kalben në pemë

Shitjet dhe eksportet e mandarinave po përballen me krizë këtë vit, për shkak të rënies së kërkesës në vendet fqinjë, kryesisht në rajon dhe Kosovë. Si rrjedhojë, prodhuesit e kualifikuar në zonën e Xarrës dhe Konispolit po ndeshen me humbje të mëdha, kurse prodhimet po kalben në pemë.   “Prodhimi këtë vit ka qenë […]

Eksportet shqiptare me vendet e CEFTA-s shënuan rritje me 14%

Eksportet shqiptare me vendet e CEFTA-s shënuan rritje me 14% në vitin 2019, ndërsa rritje me 4% shënuan edhe importet drejt vendit tonë.   Ministrja e Financave dhe Ekonomisë, Anila Denaj bëri të ditur se së bashku me vendet e rajonit, Shqipëria ka marrë masa për të bërë më të lehtë tregtinë mes vendeve, […]

  • © 2017 Albanian Profile Të gjitha të drejtat e rezervuara