e diel 25 korrik 2021
e diel 25 korrik 2021

 

 

Arabia Saudite është e shqetësuar me rritjen e aktiviteteve bërthamore nga ana e Iranit, tha për agjencinë Reuters një zyrtar i Ministrisë së Jashtme Saudite.

 

“Këto aktivitete kërcënojnë sigurinë rajonale”, tha ky zyrtar.

 

Agjencia Ndërkombëtare për Energji Bërthamore njoftoi se Irani ka nisur pasurimin e uraniumit në 20 për qind – një hap që e çon atë më pranë zhvillimit të materialeve që mund të përdoren për të bërë armë bërthamore.

 

Irani tha se aktivitetet e tij kanë për qëllim zhvillimin e karburantit për një reaktor kërkimor, jo prodhimin e një arme bërthamore.

 

Shtetet e Bashkuara dhe aleatët evropianë e vlerësuan masën si një kërcënim i negociatave për ringjalljen e një marrëveshjeje bërthamore të vitit 2015, përmes së cilës u kufizuan aktivitetet bërthamore të Iranit në këmbim të heqjes së sanksioneve ndërkombëtare.

 

Zyrtari saudit tha se veprimet e fundit e Iranit pengojnë përpjekjet për të siguruar “një marrëveshje gjithëpërfshirëse bërthamore që garanton sigurinë dhe stabilitetin global dhe rajonal”.

 

Arabia Saudite e qeverisur nga sunitët dhe Irani me shumicë shiite janë në rivalitet të gjatë që ka ndikuar në konfliktet në të gjithë rajonin, nga Jemeni në Siri.

 

Sidoqoftë, zyrtarët sauditë dhe iranianë kohët e fundit kanë zbutur gjuhën e tyre dhe thanë se ishin të përgatitur për pajtim.

 

Në vitin 2018, Shtetet e Bashkuara u tërhoqën nga marrëveshja bërthamore midis fuqive botërore dhe Iranit pasi presidenti i atëhershëm amerikan, Donald Trump thoshte se ajo nuk ishte e negociuar mirë dhe se në plan afatgjatë i mundëson Iranit të posedojë armë bërthamore.

 

Teherani filloi pastaj të mos i zbatojë kushtet e marrëveshjes.

 

Që nga muaji prill i këtij viti, SHBA-ja dhe Irani janë përfshirë në bisedime jo të drejtëpërdrejta në Vjenë të Austrisë për të ringjallur marrëveshjen e cila kishte kufizuar aktivitetet bërthamore të Teheranit.

 

Negociatat koordinohen nga Bashkimi Evropian.

 

Shtetet e Bashkuara thanë të mërkurën (7 korrik) se prisnin zhvillimin e një raundi të shtatë të bisedimeve “në momentin e duhur”, por nuk dhanë ndonjë datë.

 

Më shumë

Bush: Tërheqja e trupave nga Afganistani, e gabuar

Ish-Presidenti i Shteteve të Bashkuara, George W. Bush, i cili mori vendimin për të dërguar trupat amerikane në Afganistan në vitin 2001 për të luftuar al-Kaidën pas sulmeve të 11 shtatorit, thotë se mendon se është e gabuar që trupat amerikane të tërhiqen tani ndërsa kryengritësit talebanë marrin kontrollin e një pjese gjithnjë […]

Tërheqja amerikane nga Afganistani, vendet e rajonit rrisin angazhimin diplomatik

Ndërsa tërheqja ushtarake Amerikane nga Afganistani është afër përfundimit, vendet e rajonit po shtojnë përpjekjet diplomatike që synojnë të ushtrojnë trysni mbi fraksionet afgane për të rifilluar bisedimet e bllokuara të paqes, të ndërmjetësuara nga Shtetet e Bashkuara, dhe për të parandaluar rrëshqitjen e vendin në një luftë të plotë civile.   Frika […]

Monstra e Kaspikut – Avioni sovjetik që duhej të kërcënonte perëndimin

Ekranoplani ka qenë gjatë Luftës së Ftohtë kërcënimi luftarak më serioz i sovjetikëve. Sot atraksion turistik.      

Talibanët marrin nën kontroll vendkalimin kryesor kufitar me Iranin

Zyrtarët afganë kanë njoftuar se talibanët kanë marrë nën kontroll një vendkalim të madh kufitar midis Afganistanit dhe Iranit.   Disa pamje të publikuara kanë treguar sesi forcat e talibanëve e heqin flamurin afgan nga çatia e zyrës doganore kufitare.   Vendkalimi kufitar – Islam Qala – është një nga pikat doganore më […]

  • © 2017 Albanian Profile Të gjitha të drejtat e rezervuara