e shtunë 18 shtator 2021
e shtunë 18 shtator 2021

 

Drejtoria e Përgjithshme e Arkivave të Shqipërisë dhe Agjencia Shtetërore e Arkivave të Kosovës kanë nisur punën për përgatitjen dhe botimin e numrit të 57 të revistës shkencore “Arkivat shqiptare”.

 

Drejtoresha e komunikimit pranë Arkivit Qendror të shtetit, Elsa Saka, u shpreh se synimi i kësaj reviste është të mbledhë ekspertë dhe studiues të arkivave të vendeve shqipfolëse dhe të arkivave të rajonit, të cilët për çdo vit diskutojnë për problematikat, metodologjinë e studimit, digjitalizimin dhe përmirësimin e infrastrukturës së përmbajtjes, inovacionit, si dhe vizionit të punës të arkivave në realitetin e sotëm.

 

Drejtoria e Përgjithshme e Arkivave të Shqipërisë dhe Agjencia Shtetërore e Arkivave të Kosovës ftojnë studiuesit, nëpunësit dhe të gjithë të interesuarit e kësaj fushe, të kontribuojnë në këtë revistë me studime.

 

Përveç arkivistëve të rrjeteve arkivore kombëtare, ftesa për pjesëmarrje u bëhet të gjithë profileve të tjerë të arkivistëve, institucioneve që ruajnë apo atyre që ndërveprojnë për ruajtjen e kujtesës kolektive.

Afati i dërgimit të artikujve është data 3 shtator 2021 dhe për të gjithë artikujt e pranuar do të dërgohet email më 17 shtator 2021.

 

Temat e propozuara:

– Crowd sourcing: konteksti dhe metadatat e dokumenteve të krijuara nga përdoruesit

– Automatizimi i arkivave dhe etika

– Siguria kibernetike dhe administrimi i të dhënave

– Risitë digjitale dhe shfrytëzimi i dokumentacionit

– Zhvillimi i njëtrajtshëm përmes bashkëpunimit me komunitetin

– Trashëgimia arkivore e përbashkët përtej kufijve gjeografikë

– Arkivat, përgjegjësia, qasja në të dhënat dhe mbrojtja e të dhënave personale

– Bashkëpunimi rajonal në fushën e arkivave dhe trashëgimisë kulturore arkivore

– Trafiku ilegal i trashëgimisë dokumentare

– Etika dhe arkivat

– Ndryshimet klimaterike dhe arkivat

– Trajnimi arkivor dhe përmirësimi profesional

– Turizmi dhe promovimi i arkivave

 

(Shënim: temat e propozuara nuk janë tituj të detyruar temash apo artikujsh, as s’kanë qëllim kufizues, por vetëm sugjerime tematike.)

 

Në artikujt duhen respektuar këto kritere:

 

Artikujt nuk duhet të jenë më të gjatë se 15 faqe të formatit A4, në gjuhën shqipe apo angleze, përgatitur sipas udhëzimeve të mëposhtme:

Formati i tekstit: MS Word (format: *.docx; *doc)

Tipi i shkronjave: Times New Roman

Formati i faqes: A4

Hapësirat mes rreshtave (Line spacing): 1.00

Emri i autorit: 12 pt, pozicionuar majtas, bold, emri me germa të vogla, mbiemri me germa kapitale, poshtë emrit të vendoset titulli i institucionit të autorit, me germa të vogla, jo bold

Titulli i artikullit: 12 pt, bold, germa kapitale, në qendër të fletës

Nëntitujt: 12 pt, bold, germa të vogla, pozicioni i tekstit justified

Teksti: 12 pt, pozicioni i tekstit justified

Abstrakti: në gjuhën shqipe dhe angleze, titulli me germa 12 pt, kapitale, bold, teksti me germa 12 pt, edhe titulli, edhe teksti në pozicion justified

Ilustrimet/fotografitë: në fund të tekstit

Legjendat e ilustrimeve/fotografive: 12 pt, në qendër të fletës, nën ilustrim/fotografi

Formati i ilustrimeve/fotografive: TIF, GIF, JPG, BMP, WMF

Sistemi i referencave dhe i bibliografisë duhet të bëhet sipas rregullave The Chicago Manual of Style, i cili gjendet në: https://www.chicagomanualofstyle.org/home.html

 

Vërejtje: Artikujt që nuk respektojnë kriteret e mësipërme nuk do të botohen.

 

Për me tepër informacion dhe specifika të tjera  mund të shihni faqen tonë zyrtare www.arkiva.gov.al.

 

Punimet mund t’i dërgoni në email-et: dpa@arkiva.gov.al, sokol.cunga@arkiva.gov.al, elsa.saka@arkiva.gov.al,

 

Më shumë

Si sot, 75 vjet më parë, në Postribë u organizua kryengritja e parë antikomuniste në vend

Zona e Shkodrës kishte filluar organizimin për një rezistencë antikomuniste me shpresën se do të kthehej në një kryengritje të madhe popullore. Në pjesën më veriore të vendit, komunizmi ende nuk kishte lëshuar rrënjë dhe qëndronte dobët. Në Postribë filloi të organizohej një lëvizje e nxitur kryesisht nga kleri me mbështetjen e elementëve nacionalistë. […]

Më 1 shtator 1928 u shpall Monarkia Shqiptare

Asambleja Kushtetuese, e dalë nga zgjedhjet e 17 gushtit 1928 me 58 deputetë, sanksionoi në statut formën monarkike të qeverisjes dhe parashikoi sistemin njëdhomësh parlamentar.   Shqipëria shpallej mbretëri demokratike, parlamentare, dhe e trashëgueshme, ndërkohë që Mbret i shqiptarëve sanksionohej Lart Madhëria e tij Zogu I.   Në prill 1938 Mbreti Zog martohet me […]

Djali i George Soros takon punonjësit afganë të fondacionit

Alex Soros, djali i miliarderit George Soros ka mbërritur në Shqipëri dhe ka vizituar punonjësit afganë të fondacionit, të cilët janë strehuar në hotelet në Durrës. “Kam patur privilegjin të takoj kolegët e Fondacionit Shoqëria e Hapur dhe të evakuuar të tjerë që u shpëtuan nga Afganistani drejt Shqiërisë. Ky grup përfshin gazetarë, mbrojtës […]

Shpenzimet për shëndetin u kushtojnë shqiptarëve 34 herë më shumë se mesatares së BE

Pandemia, që ka zhytur botën në kaos dhe në vitin e dytë ende nuk po i duket fundi, nxori më të pah rëndësinë dhe mundësinë, apo pamundësinë e kujdesit për shëndetin.   Të dhënat krahasuese të Eurostat, që publikon treguesin e barazisë së fuqisë blerëse për shëndetin dhe shërbimet spitalore për vendet e Bashkimit […]

  • © 2017 Albanian Profile Të gjitha të drejtat e rezervuara