e martë 21 shtator 2021
e martë 21 shtator 2021

 

 

Dy truprojat e ish ministrit socialist të punëve të brendshme, Saimir Tahiri, u arrestuan sot në Gjermani dhe në Francë pak ditë pasi u shpallën në kërkim ndërkombëtar për trafikim të lëndëve narkotike.

 

Prokuroria e Posaçme bëri të ditur se ka kërkuar ekstradimin drejt atdheut për të pandehurit Hekuran Marku i arrestuar në Gjermani dhe Agustin Deda në Francë.

 

Emrat e trup-rojave të ish-ministrit të brendshëm ishin në mesin e një liste prej 38 personash të arrestuar apo të kërkuar gjatë operacionit ndërkombëtar të antidrogës “Shqiprti”, mes të cilëve edhe zyrtarë të lartë të policisë dhe prokurorisë si dhe tregtarë e biznesmenë.

 

Hetuesit i akuzojnë Markun dhe Dedën se kanë kultivuar dhe trafikuar afro 1 ton bimë narkotike në bashkëpunim me një grup personash të tjerë shqiptarë dhe italianë.

 

Ata i kanë mohuar akuzat në median vendase përmes përfaqësuesve të tyre ligjorë, duke pretenduar se janë të pafajshëm dhe se emrat e tyre në përgjime janë ërmendur qëllimisht për t’i përzjerë në veprimtari kriminale.

 

Katër grupe kriminale u goditën më 2 korrik, gjatë një operacioni kur ranë në pranga zyrtarë të lartë shqiptarë, të dyshuar se janë përfshirë në trafikun e bimëve narkotike.

 

Disa nga emrat më të njohur janë prokurori i Vlorës Maksim Sota, ish nëndrejtori i policisë së Vlorës, Ilirjan Balla, së fundi në sektorin e luftës kundër trafiqeve në Policinë e Shtetit, ish shef i Rendit në Fier dhe një periudhë kohe pjesë e sektorit të antidrogës, Festim Lelaj, i arrestuar më herët si i përfshirë në trafikimin e 2.5 tonë marijuanë drejt Italisë, oficeri i policisë në Portin e Durrësit Artur Krasniqi, si dhe Agustin Deda e Hekuran Marku, anëtarë të grupit të shoqërimit të ish ministrit të brendshëm Saimir Tahiri në periudhën për të cilët akuzohen se kishin role aktive në grupet kriminale.

 

Më shumë

Kapitullimi i Italisë fashiste – si u hapën dyert e shtëpive shqiptare për të mbrojtur trupat italiane nga nazistët gjermanë

Në foto: Pamje nga filmi “Tomka dhe shokët e tij” ku tregohet se si mbroheshin ushtarët italianë në familjet shqiptare     Më 8 shtator 1943, Italia fashiste shpalli kapitullimin para trupave aleate, edhe pse kushtet e marrëveshjes ishin vendosur që më datë 3 shtator. Kapitullimi ndodhi për të ndaluar veprimet e aleatëve në Itali […]

Shqiptarët, të ndarë mbi vendimin për të pritur refugjatët afganë

Shqipëria po strehon refugjatë afganë që do të skanohen para marrjes së vizës amerikane. Disa shqiptarë mendojnë se Shqipëria duhet të ndihmojë SHBA, të tjerë se duhet të zgjidhë fillimisht problemet e brendshme.   Vija bregdetare shqiptare është e mbushur me turistë vendas dhe të huaj që po mbyllin pushimet verore. Por qyteti bregdetar […]

Më 1 shtator 1928 u shpall Monarkia Shqiptare

Asambleja Kushtetuese, e dalë nga zgjedhjet e 17 gushtit 1928 me 58 deputetë, sanksionoi në statut formën monarkike të qeverisjes dhe parashikoi sistemin njëdhomësh parlamentar.   Shqipëria shpallej mbretëri demokratike, parlamentare, dhe e trashëgueshme, ndërkohë që Mbret i shqiptarëve sanksionohej Lart Madhëria e tij Zogu I.   Në prill 1938 Mbreti Zog martohet me […]

Djali i George Soros takon punonjësit afganë të fondacionit

Alex Soros, djali i miliarderit George Soros ka mbërritur në Shqipëri dhe ka vizituar punonjësit afganë të fondacionit, të cilët janë strehuar në hotelet në Durrës. “Kam patur privilegjin të takoj kolegët e Fondacionit Shoqëria e Hapur dhe të evakuuar të tjerë që u shpëtuan nga Afganistani drejt Shqiërisë. Ky grup përfshin gazetarë, mbrojtës […]

  • © 2017 Albanian Profile Të gjitha të drejtat e rezervuara