e diel 7 mars 2021
e diel 7 mars 2021

 

Është promovuar në Vlorë, libri i këngëtarit të njohur italian Albano Carrisi, “Nëna ime, origjina e botës sime”.

Promovimi shënoi edhe 25-vjetorin e shoqatës Kulturore “Albano Dhe Romina Pauer”, ndërsa aktiviteti u përshëndet nga këngëtari përmes një video-mesazhi. Libri u përkthye nga gazetarja Zenepe Luka.

 

 

“Keqardhje që në këto momente nuk mund te jem mes jush sot. Ju falënderoj pa masë, për botimin e librit tim”, tha Carrizi.

Zenepe Luka kujtoi lidhjet e Albano Carrisit me Shqipërinë, që nisin me të atin dhe më tej duke falënderuar sponsorin, foli për librat shqip të këngëtarit të njohur italian.

 

 

“Libri tregon raportin e Albanos me nënën e tij. Ky është i vetmi libër i Carrizit i botuar me sponsor, pasi të tjerët kanë parë dritën e botimit me borxhe”, tha përkthyesi Luka.

Libri u promovua në ambientet e një ekspozite, që shfaq ardhjet e tij në Shqipëri, në 30 vitet e fundit, që nga vizitat e koncertet e deri të marrja e pasaportës shqiptare.

Libri i tij për nënën është botuar me rastin e 1-vjetorit të ndarjes së nga jeta të nënës së tij. Ai shpërfaq raportin e artistit me të ëmën. Aktiviteti u moderua nga Silvana Braçe.

 

Fjala e mbajtur nga Albano:

Sot është 25 vjetori i shoqatës  “Albano e Romina-  Fans Club”. Nismëtarja është mikesha ime  Zenepe Luka. Ka qenë idea dhe fruti i saj, që më bëri edhe shtetas shqiptar me pasaportë shqiptare. Njëkohësisht organizimin e përvjetorit të festës të shoqatës po e organizon Zenepe Luka, por unë nuk mund  të jem aty mes jush sot, por me këtë rast dua të falënderoj të gjitha ata që kanë kontribuar për shoqatën dhe ata që dhanë kontributin për organizimin e kësaj feste.

 

 

 

 

Më shumë

Pandemia goditi rëndë turizmin kulturor. Të huajt vizituan me shumë Kalatë dhe Monumentet

INSTAT publikon informacion për institucionet e artit dhe kulturës, të trashëgimisë kulturore dhe bibliotekës kombëtare.     Institucione të artit dhe kulturës   Gjatë tremujorit të katërt 2020, janë organizuar gjithsej 80 shfaqje dhe premiera të hapura, 7 shfaqje në Teatrin Kombëtar Popullor, 32 shfaqje në Teatrin Kombëtar Eksperimental, 20 shfaqje në Teatrin Kombëtar […]

Ndërtesa e vjetër e Radio Tiranës do të restaurohet

Gjendja e mjerueshme në të cilën është katandisur ish-godina e Radio Tiranës, monument kulture i kategorisë së dytë, ka tërhequr kohët e fundit vëmendjen e mediave, specialistëve të monumenteve, qytetarëve. Në një prononcim për RTSH, drejtoresha e Institutit të Monumenteve të Kulturës Arta Dollni shpjegon se, ndërtesës ndërkohë po i përgatitet një projekt rikonstruktimi […]

13 janar 1963 u krye premiera e “Halilit dhe Hajrisë”, të parit balet shqiptar!

“Halili dhe Hajria” është një vepër baleti tërësisht shqiptare, e para në skenën e baletit shqiptar. Ishte 13 janari i vitit 1963, kur kompozitori Tish Daija, baletmaestri Panajot Kanaçi, dirigjenti Mustafa Krantja e një suitë e tërë artistësh, vunë në skenë baletin “Halili dhe Hajria”.   Interpretuesit e parë në rolin e Halilit, kanë […]

Muzeu Kombëtar i Fotografisë “Marubi”, i listuar ndër 50 muzetë europianë më novatorë të 40 viteve të fundit

Muzeu Kombëtar i Fotografisë “Marubi” është listuar ndër 50 muzetë europianë më novatorë të dyzet viteve të fundit. Ministrja e Kulturës, Elva Margariti, tha sot se “mes këtyre muzeumeve prestigjioze renditet edhe “Marubi”, i cili falë vizionit të qeverisë shqiptare, nuk mbeti në termat e një arkive, por u shndërrua në një muzeum modern, […]

  • © 2017 Albanian Profile Të gjitha të drejtat e rezervuara