e diel 16 maj 2021
e diel 16 maj 2021

 

Rasti i parë në këto 30 vjetë demokraci që emigrantët nuk do të votojnë! Pas dështimit të procesit për t’u dhënë mundësi të votojnë përmes postës, Komiteti i Ekspertëve Teknik vendosi karantinim 14 ditor për emigrantët që hyjnë nga sot në Shqipëri, duke iu ndërprerë mundësinë për të votuar.

Shëndeti i qytetarëve dhe ruajtja e ulët e kurbës së infektimeve nga koronavirus janë më të rëndësishme se vota, tha  Zv/ministrja e Shëndetësisë, Eugena Tomini për ABC. Arsyet që nxitën në vendimmarrje Komitetin Teknik të Ekspertëve të vendosin që duke nisur nga e marta e 20 prillit çdo emigrant që do të hyj në Shqipëri nga Greqia apo Maqedonia e Veriut t’i nënshtrohen një karantine 14 ditore. Për Tominin, vendimmarrja nuk ka lidhje me zgjedhjet.

“Është shumë e rëndësishme që shëndeti publik të prevalojë mbi cdo element tjetër jetësor siç mund të jenë zgjedhjet, në këtë rast koncidon me problemin e zgjedhje dhe absolutisht e lidhur kjo me pjesën politike sepse ekspertët janë ekspertë shëndetësore të fushës së tyre” tha ajo.

Përfaqësuesja e Komitetit Teknik të Ekspertëve sqaron se emigrantëve nuk i është ndaluar të hyjnë në territorin shqiptar. “Nuk privohet lëvizja e tyre, por aktualisht meqënëse kriteret epidemiologjike janë në nivele të ulëta për shkak të qarkullimit të mutacioneve në vende të tjera që kanë një tendencë në rritje nuk duam që kjo situatë të ndikojë nga prurjet e kësaj kohe”.

Ekspertja e shëndetit publik nuk i kursen kritikat për partitë politike dhe sjelljen e tyre në fushatë, duke paralajmëruar për një numër të rritur të infektimeve në muajin maj. “Rreziku do të shihet në vijim. Do të kenë impakt në vijim, pasi është prishur distancomi fizik, grumbullimet kanë qenë të reflektuara, ose kemi parë grumbullime masive në kuadër të zgjedhjeve”.

Ekspertëve vendosi që çdo qytetar shqiptar që do të kalojë kufirin e Maqedonisë së Veriut dhe Greqisë, do të duhet t’i nënshtrohet një karantine të detyrueshme 14 ditore. Vendim që i heq mundësinë për të votuar këtë të diel emigrantëve që dëshironin të votonin të dielën e 25 prillit.

 

Më shumë

Nis në Shqipëri stërvitja “Defender Europe 2021”, marrin pjesë tre gjeneralët më të lartë të NATO

Me pjesëmarrjen e veçantë të tre gjeneralëve më të lartë të Aleancës së NATO, por edhe të mjaft autoriteteve të larta nisi nga Durrësi stërvitja më e madhe ushtarake në rajonin e Ballkanit Perëndimor, “Defender Europe 2021”.   Ministri i Mbrojtjes Niko Peleshi teksa shprehu mirënjohjen që u zgjodh Shqipëria si një ndër 12 […]

Socialistët nisin procedurat për shkarkimin e Metës, Presidenca: Kuvendi nuk ka legjitimitet për të hetuar pasi nuk ka opozitë

Pas përfshirjes në axhendën parlamentare, Kuvendi vendosi që të mos humbasë kohë dhe të nisë shqyrtimin e kërkesës së një grupi deputetësh për shkarkimin e Presidentit Ilir Meta duke e kaluar atë në Komisionin  Ligjeve. Por në një letër të gjatë dërguar Komisionit të Ligjeve thuhet se Presidenca është njohur me mbledhjen që pritet […]

Riaktivizohet lobi shqiptar në SHBA

Sistemi politik amerikan u mundëson qytetarëve pjesëmarrjen në procese vendim-marrëse, përmes ndikimit ose lobimit në çështje të caktuara. Komuniteti shqiptaro-amerikan ka qënë shumë aktiv, kur Kosova po luftonte për liri dhe pavarësi. Por pas arritjes së këtij synimi, angazhimi sikur u zbeh. Kohët e fundit, një grup veprimtarësh synojnë të rigjallërojnë përpjekjet lobuese. Në […]

  • © 2017 Albanian Profile Të gjitha të drejtat e rezervuara