e diel 5 dhjetor 2021
e diel 5 dhjetor 2021

 

Mike Pompeo do të jetë sot në selinë e OKB-së në New York për të informuar  Presidentin e Këshillit të Sigurimit se SHBA po ndërmerr mekanizmin e quajtur “snapback” kundër Iranit.

Tentativat e mëparshme amerikane në Këshillin e Sigurimit kanë dështuar pasi disa anëtarë të përhershëm dhe provizorë kanë dalë kundër propozimeve amerikane për sanksione të reja ndaj Iranit. Motiv për të cilin Shtetet e Bashkuara ndjehen të detyruar të aplikojnë një manovër diplomatike që rallëherë është përdorur, atë të quajtur “snapback”, e cila mund të izolojë më tej qëndrimin amerikan ndaj Iranit.

Sanksionet ndaj Iranit ishin lehtësuar disi me marrëveshjen bërthamore të 2015-tës, nga e cila Presidenti Trump u tërhoq dy vjet më parë. Tentativa të ndryshme diplomatike, edhe pranë Këshillit të Sigurimit të OKB-së, për zgjatjen e sanksioneve për një kohë të pacaktuar, nuk gjetën mbështetjen e duhur nga disa vende, përfshirë Anglinë dhe Francën.  Nuk është çështje parimesh, por interesash ekonomike që cënohen nga sanksionet amerikane. Kjo po shtyn SHBA të ndërrojë linjë diplomatike.  Mekanizmi “snapback” i bën të mundur anëtarëve të ndryshëm të rivendosin të gjitha sanksionet e Kombeve të Bashkuara nëpërmjet një proçedure të komplikuar, e cila nuk mund të bllokohet nga e drejta e vetos që kanë vende si Rusia dhe Kina në Këshillin e Sigurimit, vende që e kundërshtojnë në mënyrë konstante politikën amerikane ndaj Iranit.  Kjo proçedurë i bën të mundur 15 vendeve të Këshillit që kanë qënë pjesmarrës në Marrëveshjen Bërthemore, të kërkojnë rivendosjen e sanksioneve ndaj Iranit.

Proçedura që propozojnë amerikanët është përqeshur nga rusët dhe kinezët dhe është nënçmuar nga europianët, por edhe brenda politikës amerikane ka mëdyshje. Ish këshilltari për sigurinë kombëtare John Bolton, një nga më anti-iranianët në administratën amerikane, mendon se SHBA, me tërheqjen nga Marrëveshja, e kanë humbur pozicionin e tyre snapback dhe të çosh përpara një proçedurë të tillë mund të jetë e dëmshme për reputazionin e SHBA. Po ashtu mendon edhe ish zëvendëssekretarja e Shtetit Wendy Sherman, një ndër negociatoret e Marrëveshjes nën administratën Obama.

Mike Pompeos do t’i duhet të paraqesë provat e një moskonformiteti të rëndë nga ana e Iranit, të dhëna që mund t’i japë Agjencia Ndërkombëtare për Energjinë Atomike.  Nga ana e tij, Irani nuk e mohon se ka shkelur disa aspekte të Marrëveshjes, por pretendon se veprimet e tij kanë qënë pasojë e tërheqjes së SHBA nga Marrëveshja dhe të rivendosjes së sanksioneve nga ana e administratës Trump.

Marrëveshja e 2015-tës e administratës Obama parashikon se cilido anëtar i përhershëm i Këshillit të Sigurimit të OKB mund të përdorë veton për të bllokuar zbutjen e mëtejshme të sanksioneve, çka do të thotë se, në parim, kjo do të përkthehej me rivendosjen e sanksioneve. Por mund të ndodhë edhe e kundërrta, sipas Marrëveshjes, që cilido anëtar me të drejtë vetoje, të kërkojë zbutjen e mëtejshme të sanksioneve.

“SHBA mund të paraqesin një rezolutë të tyren e pastaj të vendosin veton, vetëm për të treguar se po përballojnë mocionet proçeduriale, edhe pse kjo do të dukej paksa si farsë”. Loja është e hapur.

 

Më shumë

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Irani kryen manovra ushtarake para rifillimit të bisedimeve bërthamore

Ushtria e Iranit ka nisur manovrat ushtarake të përvitshme pranë Gjirit Persik, njoftoi televizioni shtetëror iranian, disa javë përpara rifillimit të bisedimeve mes Teheranit dhe fuqive botërore për ringjalljen e marrëveshjes bërthamore të vitit 2015. Manovrat po zhvillohen në një territor të gjerë, në pjesën lindore të ngushticës së Hormuzit deri në atë veriore […]

32-vjetori i Rënies së Murit të Berlinit

09 Nëntori shënon 32-vjetorin e rënies së Murit të Berlinit. Kjo datë simbolizon rënien e komunizmit të Evropë. Pak pas mesnatës së 13 gushtit 1961, qeveria gjermane u dha urdhër 40 mijë ushtarëve dhe policëve gjermano-lindorë të bllokonin me tela me gjemba gjithë kufirin, duke lënë vetëm 13 pika kalimi për në Berlinin Perëndimor. […]

SHBA rihap kufijtë me Europën

Shtetet e Bashkuara kanë rihapur kufijtë për udhëtarët ndërkombëtarë të vaksinuar, duke i dhënë fund ndalimit 20-mujor të udhëtimit, në të njëjtin moment që Europa po lufton me një rritje të rasteve të Covid-19, duke e çuar kontinentin e vjetër sërish në epiqendrën e pandemisë.   Udhëtarët e vaksinuar plotësisht nga 33 vende, duke […]

  • © 2017 Albanian Profile Të gjitha të drejtat e rezervuara