e mërkurë 18 maj 2022
e mërkurë 18 maj 2022

 

Perspektiva e antarësimit në BE, që ka qenë prej vitesh premtimi i madh për vendet e Ballkanit Perendimor, mund të mos jetë më e tillë. Vendet anëtare mund ta fshijnë përgjithmonë këtë garanci, që nga takimi i parë që BE do të mbajë me vendet e rajonit. Ky lajm është konfirmuar nga agjensia prestigjoze e lajmeve Reuters e cila ka pasur mundësi të lexojë një dokument të takimit të gjashtë vendeve të gadishullit me Bashkimin Europian që do të mbahet në 6 tetor në Slloveni.

Bashkimi Evropian, nga frika e reagimit politik në vendet anëtare, nuk mund të pajtohet më për të dhënë garanci për anëtarësimin e gjashtë vendeve të Ballkanit Perëndimor në BE, citon agjencia e lajmeve Reuters katër diplomatë të bllokut dhe një dokument të brendshëm. Lajmi vjen përpara një samiti të BE-së dhe gjashtë vendeve të Ballkanit Perëndimor- Kosovës, Shqipërisë, Maqedonisë së Veriut, Serbisë, Malit të Zi dhe Bosnje e Hercegovinës- që do të mbahet më 6 tetor në Slloveni.

Sipas draft- deklaratës që mban datën 11 shtator, të cilën ka pasur mundësinë ta shohë agjencia Reuters, në këtë samit, BE-ja ka planifikuar të përsërisë premtimin e saj të bërë 18 vjet më parë, për “mbështetjen e saj të qartë për perspektivën evropiane të Ballkanit Perëndimor”. Por pikërisht për këtë pikë, pra për mbajtjen e këtij premtim me sa duket ka pasur mosmarrëveshje. Sipas Reuters, kanë qenë vendet e pasura të veriut ato që kanë treguar rezerva për mbajtjen e këtij angazhimi.

“Shtetet e BE -së nuk i zbulojnë pozicionet e tyre, por vendet e pasura veriore si Danimarka, Franca dhe Holanda kanë frikë nga përsëritja e pranimit të nxituar të Rumanisë dhe Bullgarisë në 2007 që nxiti një valë migrimi të pakontrolluar të punëtorëve drej Britanisë, e cila qe një nga shkaqet që i ktheu shumë britanikë kundër BE -së”, shkruan Reuters.

Pas këtij lajmi bombë të Reuters, Lapsi.al arriti ta sigurojë dokumentin (shiko faksimilet poshte) që u kthye në mollë sherri në dy raunde bisedime, pasi disa vende europiane nuk qenë dakord që aty të mbetej premtimi për “mbështetjen e saj të qartë për perspektivën evropiane të Ballkanit Perëndimor”.

Ky premtim erdhi pas një samiti të mbajtur në vitin 2003 në Selanik të Greqisë, ku shtetet anëtare të BE-së miratuan një deklaratë të përbashkët, ku kanë shprehur mbështetjen e tyre ndaj perspektivës evropiane të vendeve të Ballkanit Perëndimor. “E ardhmja e Ballkanit është brenda BE-së”, nënshkruhej aty. Që atëherë, vetëm Kroacia nga vendet e rajonit është anëtarësuar në BE, në vitin 2013.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara