e hënë 19 prill 2021
e hënë 19 prill 2021

 

Libani ndodhet në situatë ferri, pas shpërthimit shkatërrues të ndodhur këtë të martë në kryeqytetin Bejrut.

Ministri i Shëndetësisë së Libanit, Hamad Hasan, këshilloi që kushdo që mundet të largohet nga Bejruti.

Qyteti ka mbetur i shkatërruar nga dy shpërthimet e fuqishme, të cilat shkaktuan të paktën 100 të vdekur dhe 4000 të plagosur, sipas bilancit të deritanishëm.

Hasan deklaroi se materialet e rrezikshme të përhapura në ajër mund të kenë efekt të gjatë vdekjeprurës, për shkak se janë toksike.

Ndërkohë ministri i Brendshëm, Mohammed Fahmi, deklaroi se nga të dhënat e para, dyshohet se shkak për shpërthimin e ndodhur pranë portit, u bë një sasi e madhe nitrati amoni, e cila ishte vendosur në depo pasi u kap nga një anije tregtare në vitin 2014. Dëshmitarët raportuan se kishin parë një re portokalli si ajo që shfaqet nga gazi toksik azotik pas një shpërthimi që përfshin nitratet, duke shtuar shqetësimin për toksinat e pranishme në ajër.

Bëhet fjalë për 2700 tonë lëndë toksike që është përfshirë në shpërthim. Shpërthimi ishte ekuivalent me rreth 3 kilotonë TNT, 20% e madhësisë së bombës bërthamore që shkatërroi Hiroshimën.

Sakaq sipas Kryqit të Kuq libanez, janë rreth 100 viktima dhe 4000 të plagosur, por ky mbetet ende një bilanc paraprak.

Nga ana tjetër janë të paktën tre spitale të shkatërruara nga shpërthimet e ndodhura në portin e Bejrutit dhe dy të dëmtuar rëndë.

Franca ka njoftuar dërgimin e një ekipi ndihme si dhe disa tonë pajisje mjekësore, teksa edhe shtete të tjera janë solidarizuar.

 

 

 

 

 

 

 

 

 

Më shumë

Mbërrijnë në Greqi turistët e parë nga Izraeli, secili me çertifikata vaksinimi

Një nga fluturimet e para me turistë nga Izraeli, mbërriti pak para orës 11 të mëngjesit në Greqi. Turistët nga Tel Aviv kishin në duar çertifikatën e vaksinimit, e cila u lejon atyre të fillojnë pushimet menjëherë, pa karantinë.   Sipas Presidentes së Komisionit, Ursula von der Leyen, çertifikata dixhitale e gjelbër është një […]

Provokimi i ri i Kremlinit – Putin ka gjithnjë me vete valixhen bërthamore

Presidenti rus, Vladimir Putin ka gjithnjë me vete instrumentet e nevojshme të komunikimit, përfshirë ata strategjikë, kudo që ai ndodhet. Këtë e ka pohuar zëdhënësi i Kremlinit, Dimitri Peskov, kur u pyet nëse Putini kishte me vete valixhen e tij bërthamore, gjatë fundjavës së kaluar në Siberi, bashkë me ministrin e tij të mbrojtjes. […]

A është mirë presidenti? Joe Biden pengohet disa herë në shkallët e avionit , Air Force One

Në një video të fundit të presidentit amerikan Joe Biden shihet ky i fundit teksa pengohet në shkallët e avionit Air Force One.   Ai është parë të pengohet disa herë duke ngjitur shkallët e avionit të premten.   Presidenti 78-vjeçar pavarësisht incidentit, u ngrit, por përsëri u pengua për herë të dytë […]

Takim i tensionuar SHBA-Kinë në Alaskë

Administrata e Presidentit Biden filloi të enjten bisedimet e para të nivelit të lartë në prani fizike me Kinën rivale, duke thënë se veprimet kineze kërcënojnë rendin global të bazuar në rregulla dhe duke u zotuar se Uashingtoni do të mbështesë miqtë e tij.   “Ne nuk kërkojmë konflikt, por ne e mirëpresim konkurrencën […]

  • © 2017 Albanian Profile Të gjitha të drejtat e rezervuara