e mërkurë 18 maj 2022
e mërkurë 18 maj 2022

 

Në vitin e nëntë në pushtet, Partia Socialiste vazhdon të përdorë si mjet krahasimi për arritjet e veta, vitin 2013. I tillë është edhe ky kapërcim i Taulant Ballës, kur bie fjala për buxhetin.

 

“Shifrat janë kokëforta, dy herë më i madh se sa në vitin 2013, buxheti i vitit 2022”, deklaroi kreu i grupit të PS në Parlament.

 

Të ardhurat në buxhetin e vitin 2013, kur qeveria ‘Berisha’ la pushtetin ishin 2.9 miliardë euro dhe gradualisht ato janë rritur pas çdo viti.

 

Por, sapo mori mandatin e tretë, qeveria shpall nevojën për të marrë borxh në treg të huaj. Kërkesa është për 700 milionë euro.

 

Kjo nevojë lind, teksa borxhi publik ka arritur në nivelin 80% të PBB ose 11.6 miliardë euro. Në vitin 2013, stoku i borxhit ishte 7.2 miliardë euro.

 

E thënë ndryshe, një individi sot i është rritur ndjeshëm barra e borxhit që nga viti 2013. Një familje mesatare prej katër personash sot mbart 16,464 euro borxh, nga 9,976 që kishte 9 vjet më parë.

 

Edhe deficiti ka dalë jashtë pritshmërie, me vlera të dyfishuara nga viti 2013. Diferenca mes të ardhurave dhe shpenzimeve sot është sa 5.4% e Prodhimit të Brendshëm Bruto.

 

Më shumë

Politikat e copëtuara për bujqësinë

Shqipëria është vendi më bujqësor në Europë, me këtë sektor jetik që sjell gati 19% të Prodhimit të Brendshëm Bruto (PBB). Pavarësisht rënies së fortë në krahasim me fillimin e viteve ’90, kjo peshë është shumë më e lartë se mesatarja e Bashkimit Europian (2%) dhe gati dy herë më e lartë se […]

Shqiptarët shpenzuan 13.6 milionë euro në 9 muaj për të siguruar pronat, si ndahet tregu mes kompanive

Për nëntë muajt e parë të këtij viti, shqiptarët shpenzuan rreth 1.67 miliardë lekë ose rreth 13.6 milionë euro për sigurimin e pronave.   Të dhënat nga Autoriteti i Mbikëqyrjes Financiare (AMF) tregojnë se primet e shkruara bruto nga sigurimet e pronës u rritën me 31% krahasuar me të njëjtën periudhë të një […]

Drafti: Rritet kufiri i pagës së pataksueshme në 40 mijë lekë, përgjysmohet nga 30-50 mijë lekë, pragu për shtresën e mesme bëhet 200 mijë lekë

Nga korriku i vitit 2022 pritet që të ndryshojë sërish tatimi mbi pagat, duke rritur si dyshemenë për kufirin e pataksueshëm të pagës minimale në 40 mijë lekë (nga 30 mijë lekë që është sot), po ashtu dhe kufirin mbi të cilin pagat taksohen me normën maksimale prej 23%, në 200 mijë lekë, nga […]

Çmimet e naftës shtrenjtohen për herë të gjashtë në pak muaj, arrijnë 184 lekë, afër rekordit historik

Çmimet e karburanteve kanë shënuar një tjetër rritje ditët e fundit, për herë të gjashtë radhazi në vetëm pak muaj.   Në pikat e tregtimit të“Kastrati”, më i madhi në vend për shumicën dhe pakicën, nafta tregtohet me 184 lekë, ose 8 lekë më shumë se më parë. Benzina është shtrenjtuar në 186 lekë, […]

  • © 2017 Albanian Profile Të gjitha të drejtat e rezervuara