e enjte 27 janar 2022
e enjte 27 janar 2022

Që nga referendumi i vitit 2016 për të lënë BE-në, Holanda i ka marrë Britanisë së Madhe rreth 140 shoqëri biznesi.

Më shumë se gjysma e këtyre firmave kanë ardhur vetëm gjatë vitit të shkuar, sipas Agjencisë Holandeze për Investime të Huaja (NFIA).

Këto shoqëri priten të krijojnë më shumë se 4200 vende pune dhe të injektojnë rreth 375 milionë euro investime në ekonomi.

NFIA tha se interesi u shtua sidomos vitin e shkuar, pasi kompanitë kishin pasiguri në lidhje me daljen e Britanisë nga BE.

Agjencia është duke negociuar me 425 “kompani Brexit-i”, të cilat priten të bëjnë një lëvizje të ngjashme me 175 të tjerat.

Mbretëria e Bashkuar e bëri zyrtarisht daljen nga BE-ja më 31 janar, duke hyrë menjëherë në një periudhë tranzicioni.

Megjithatë, ende nuk janë diskutuar detajet për marrëdhënien e ardhshme të vendit me bllokun europian, si dhe aksesin që do të ketë në tregje.

Kryeministri britanik, Boris Xhonson, ka theksuar se nuk do të kërkonte shtytje të periudhës së tranzicionit, dhe se marrëveshja e tregtisë së lirë do të duhej të mbyllej para përfundimit të vitit.

Megjithatë, zyrtarët e BE-së kanë paralajmëruar se kaq kohë nuk është e mjaftueshme për të arritur një marrëveshje gjithëpërfshirëse.

Shoqëritë e biznesit që po shpërngulen në Holandë nuk janë vetëm britanike, por edhe amerikane e aziatike, të cilat po mendojnë të ruajnë strukturën europiane për sa kohë që vazhdon kjo pasiguri.

“Viti 2020 do të jetë shumë i rëndësishëm për këto shoqëri. Shumë do të varet nga specifika e marrëveshjeve të ardhshme midis Britanisë dhe BE-së”, tha komisioneri i Agjencisë Holandeze për Investime të Huaja, Jeoren Nijland.

“Pasiguria sa vjen e shtohet në shumë kompani të tjera. Shumë gjëra do të varen nga marrëveshjet që do të bëhen në të ardhmen midis Britanisë së Madhe dhe BE-së”, shtoi ai.

Shumica e kompanive që ka tërhequr Holanda ofrojnë shërbime në informatikë, media dhe reklamim.

“Duke pasur popullsi që e flet mirë anglishten, si dhe lidhje të shkëlqyera transporti me Britaninë nëpërmjet rrugëve detare, ajrore e tokësore, si dhe për shkak të infrastrukturës së fortë dixhitale, Holanda mbetet një alternativë shumë tërheqëse”, tha Nijland. euronews.al

Më shumë

Vazhdojnë vuajtjet e mijëra emigrantëve në kufirin Poloni-Bjellorusi

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës […]

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Si në Luftën e Ftohtë – Bjellorusia bllokon DW

Për herë të parë që pas fundit të Luftës së Ftohtë bllokohet informimi nga Deutsche Welle në hapësirën post-sovjetike. Bjellorusia e ka bllokuar median për botën e jashtme. Ç’qendron pas kësaj?   Kjo shënon një pikë-kthese. Mbi 30 vjet Deutsche Welle ka transmetuar pa u penguar programet e saj në BRSS dhe në republikat […]

Gratë në ndërtim – Mungesë punëtorësh të kualifikuar në Gjermani

Industria e ndërtimit ka një problem të madh me mungesën e fuqisë së kualifikuar punëtore – kjo edhe për faktin se punëson shumë pak gra. Çfarë duhet bërë për të ndryshuar gjendjen?   “Püppi në punë” është një influencere e njohur në punën e saj të dytë. Gruaja e re me flokë të kuqe […]

  • © 2017 Albanian Profile Të gjitha të drejtat e rezervuara