e shtunë 18 shtator 2021
e shtunë 18 shtator 2021

 

 

Ndërsa një numër i madh migrantësh kalojnë me barka të vogla Kanalin e la Manshit nga Franca në Britani, qeveria e Londrës po synon ta frenojë këtë prirje. Britania ka në plan që ta bëjë vepër kriminale hyrjen e parregullt në vend.

 

Nëpër korridorin më të ngarkuar të transportit në botë, të hypur në gomone të mbingarkuara, dhjetëra, e në disa raste qindra migrantë, kalojnë nga Franca në Britani për të kërkuar azil pothuajse çdo ditë.

 

 

Ky grup u filmua pranë brigjeve britanike muajin e kaluar, me sa duket pasi kishte vozitur tridhjetë kilometra përgjatë La Manshit.Nga larg, një gazetar i pyet se nga janë.Përgjigja e tyre është nga Sudani. Ata thonë se gomonia e tyre nuk ka motor dhe se kanë vetëm dy litra ujë të pijshëm me vete.

 

Migrantët vijnë nga shumë vende të ndryshme të Afrikës, Lindja e Mesme dhe Azia Jugore. Shumica largohen nga konfliktet ose varfëria.

 

Një numër rekord prej 430 migrantësh u futën në Britani në një ditë të vetme muajin e kaluar. Deri tani këtë vit janë futur 8,500 migrantë, shifër më e lartë se totali i përgjithshëm i vitit të kaluar. Sekretarja e brendshme britanike, Priti Patel, tha muajin e kaluar se qeveria do të ndërmarrë veprime për të penguar ardhjen e migrantëve.

 

“Po shohim njerëz të trafikuar, kontrabandistë dhe banda kriminale që shfrytëzojnë sistemin tonë të azilit, për të sjellë migrantë ekonomikë dhe njerëz që po menjanojnë ligjet e emigracionit, duke u futur ilegalisht në vendin tonë.”

 

Institucioni Mbretëror Kombëtar i Varkave të Shpëtimit është organizata më e madhe e bamirësisë që shpëton njerëzit në det rreth brigjeve të Mbretërisë së Bashkuar.

 

Rritja e prurjeve ka çuar në angazhimin e shoqatës së njohur britanike RNLI që shpëton jetët në brigjet e Britanisë së Madhe. Kjo ogranizatë ka ndihmuar migrantët në det.

 

Kritikët e akuzojnë organizatën si “shërbim taksie” drejtBritanisë. Institucioni Mbretëror Kombëtar i Varkave të Shpëtimit thotë se ndihmon këdo që rrezikohet në det, pavarësisht se kush janë ata.

 

Londra po shqyrton miratimin e ligjeve të reja, që parashikojnë deri në katër vjet burg për emigrantët që hyjnë ilegalisht në Britani.

 

Bridget Chapman punon me shoqatën e bamirësisë “Kent Refugee Action Network”duke ndihmuar migrantët që kalojnë Kanalin e la Manshit. Në një bisedë me Zërin e Amerikës ajo shpreh kundërshtimin për projekt-ligjin e propozuar.

 

“Ai bie ndesh me ligjin ndërkombëtar. Konventa e Gjenevës thotë se njerëzit kanë të drejtë të kërkojnë azil në vendet që duan ata. Propozimi duket se është qëllimisht ndëshkues dhe tronditës. Duket si gjuhë e ashpër që njerëzit të ndihen se Britania nuk është vend mikpritës. E vërteta është se ligji nuk do të frenojë ardhjen e njerëzve.”

 

Një komision ligjvënësish britanik kritikuan ashpër javën e kaluar kushtet e jetesës sëmigrantëve të sapoardhur në portin e Doverit. Pamjet tregojnë fëmijët refugjatë që flenë në dyshemetë e qendrave pritëse. Qeveria lokale në Kent thotë se nuk mund ta përballojë numrin e lartë të prurjeve.

 

Ndërkohë, Britania i ka dhënë Francës 75 milionë dollarë për të forcuar rojën e bregdetare në pjesën veriore franceze në përpjekje për të ndaluar migrantët. Vitin e kaluar Londra i dha Parisit 39 milionë dollarë për këtë qëllim.

 

Më shumë

20 vjetori i sulmeve terroriste në SHBA, Biden në kërkim të mbylljes së një epoke

Sulmet e 11 shtatorit 2001 ndodhën brenda një periudhe prej më pak se 102 minutash, duke shkaktuar vdekjen e 2,996 njerëzve në atë ditë. Ky është sulmi më i rëndë terrorist në historinë moderne të Shteteve të Bashkuara.   Sulmet u pasuan nga lufta në Afganistan që zgjati gati 20 vjet, që sipas […]

Senatori amerikan: “Agjencia e Faucit i dha fonde Institutit të Wuhan e financoi studime për Covid-19 në Kinë”

Këshilltari kryesor i Shtëpisë së Bardhë për Covid-19, Anthony Fauci, po përballet me thirrjet për të dhënë dorëheqjen pasi dokumentet e sapo publikuara sugjeruan që agjencia e tij financoi kërkime ‘të rrezikshme’ lidhur me Institutin e Wuhan në Kinë, pavarësisht mohimeve të mëparshme.   Kërkesat për shkarkimin e këshilltarit shëndetësor vijnë pasi Intercept […]

Afganistan: Turqia iu afrohet talibanëve

SHBA janë tërhequr nga Afganistani. Turqia po përpiqet të zerë vendin e amerikanëve si fuqi rajonale, edhe për shkak të interesave të saj. Shumë turq nuk e shohin me sy të mirë afrimin e presidentit Erdogan me talibanët.     Shifrat e Kombeve të Bashkuara e bëjnë të qartë gjendjen dramatike në Afganistan: […]

Talebanët: Kina do të mbajë ambasadën e saj në Kabul

Kina do të mbajë ambasadën e saj në kryeqytetin e Afganistanit, Kabul, theksuan talebanët, raporton Anadolu Agency (AA).   Njoftimi erdhi pasi Abdul Salam Hanafi, zëvendës drejtor i zyrës politike të talebanëve në Doha, Katar, foli në telefon me zëvendësministrin e Jashtëm të Kinës, Wu Jianghao, tha zëdhënësi i talebanëve, Suhail Shaheen.   […]

  • © 2017 Albanian Profile Të gjitha të drejtat e rezervuara