e shtunë 8 maj 2021
e shtunë 8 maj 2021

 

Reshjet e dendura të shiut që kanë vijuar gjatë gjithë natës kanë rënduar situatën në qarkun e Shkodrës ku përmbytjet kanë prekur edhe qytetin.

 

Rritja e nivelit të liqenit si pasojë e reshjeve intensive kanë bërë që uji të jetë prezent edhe në hyrje të qytetit. Lumi Buna ka dalë nga shtrati ndërsa ka rritje të prurjeve të lumit Drin. Si pasojë e situatës së krijuar gjatë natës janë evakuuar nga shtëpitë e tyre në qytet mbi 10 familje.

 

Dy familje janë evakuuar edhe në zonën e Livadheve pasi banesat e tyre janë përfshirë nga vërshimi i ujit.

 

“Nëse është mundësia me u shpërngul nga këtu, më shumë për bagëtitë”.

 

“Pa ujë pa ushqim. Të na ndihmojnë të paktën për bagëtinë, të shpëtojnë”.

 

Probleme janë krijuar në disa akse rrugore të qytetit të Vlorës. Rruga pranë portit aksi është bërë i pakalueshëm për shkak të nivelit të ujit.

 

Probleme janë krijuar edhe në autostradë. Nënkalimi në  fshatin Panaja, në autostradën Levan-Vlorë ka mbledhur një sasi të konsiderueshme uji.

 

Ndërsa në Llogara autoritetet rrugore kanë kërkuar nga drejtuesit e automjeteve kujdes të shtuar për shkak të dëborës dhe breshrit në këtë aks.

 

Edhe rrugët e Durrësi u përmbytën nga shirat. Moti i keq dhe deti i trazuar kanë shkaktuar problem edhe në porte. Kapiteneria e Durrësit njoftoi se lundrimi është pezulluar në një kohë të pacaktuar për mjetet e tonazhit të ulët, të mesëm si dhe për mjetet e peshkimit. Vijon lëvizja e trageteve të pasagjerëve, por me probleme.

 

Përmbytje të vogla ka edhe në qytetin e Lushnjes dhe disa fshatra të saj ku uji arrin në 30cm. Por sinoptikanët japin shpresë se situata do të përmirësohet nga kjo e premte.

Moti i keq ka shkaktuar probleme edhe në furnizimin me energji elektrike në disa fshatra të Shkodrës, Elbasanit dhe të Korçës.

 

 

 

Situata e përmbytjeve në territorin e Bashkisë Shkodër, datë 11.02.2021, pasdite:

Nga monitorimi periodik në terren ditën e sotme datë 11.02.2021,ora 14.30, situata e përmbytjeve në terren vazhdon të jetë si më poshtë:

  • Hidrometri në Dajç në orën 14.30, shënon kuotën 6.96 m.(Kuota max 6.30 m).
  • Hidrometri i Liqenit të Shkodrës në orën 14.30, shënon kuotën 9.22 m.(Kuota max 8.70 m).
  • Hidrometri i lumit Drin në orën 14.30, shënon kuotën 7.50 m. (Kuota max 7.50 m).

Bashkia Shkodër

Sipërfaqe totale e përmbytur 5300 Ha

  1. Tokë e pakultivuar 1080 Ha
  2. Foragjere të dyta, jonxhe 3800 Ha
  3. Grurë 240 Ha
  4. Bimë Dekorative 127 Ha
  5. Pemtore 50 Ha
  6. Serra ​​          3 Ha​​​​

 

Nj.A. Ana e Malit

  1. Rruga e Obotit është e pakalueshme me mjete të larta. Niveli i ujit mbi rrugë arrin rreth 140 cm.
  2. Në fshatin Obot ka prezencë uji në oborre 100cm.
  3. Ujësjellësi Oblika 1,si pasojë e përmbytjeve është jashtë funksionit.
  4. UKSH Vazhdon të furnizojë me ujë të pishëm banorët e fshatit Oblikë
  5. Sipërfaqja e tokës bujqësore e përmbytur vlerësohet në 1300 Ha, kryesisht në fshatrat Obot, Muriqan, Oblikë, Velinaj, Shtuf.
  • Tokë e pakultivuar 220 Ha
  • Foragjere të dyta, jonxhe 980 Ha
  • Grurë 50 Ha
  • Pemtore 40 Ha
  • Bimë dekorative 7 Ha
  • Serra 3 Ha
  1. Shtëpi të përmbytura 4.
  2. Në disa toka bujqësore niveli i ujit arrin në 2 – 2.5m.
  3. Ujesjellësi Oblika 2 i bllokuar nga uji ( jashte funksioni)..
  4. Rruga Goricë është e pakalueshme me mjete të ulta. Niveli i ujit mbi rrugë arrin rreth 60 cm.
  5. Eshtë vështirësuar gjëndja nga përmbytjet në lagjen Gallube, fshati Oblikë ( përmbytur garazhe edhe stalla bagëtish)
  6. Eshtë vështirësuar gjëndja nga përmbytjet në lagjen Xhakaj, Kurtaliaj, fshati Muriqan.
  7. Makina e Ushtrise në gatishmeri tek Lagja Goricë
  8. Varkat e ushtrise f.a reparti BMR Tirane janë në gatishmeri (sipas nevojave) tek ura Sadiçit (fshati Obot).
  9. Fshati OBOT ne gjendje te jashtezakonshme rrezikshmerie!

 

 

Nj.A Dajç

1.Sipërfaqja e tokës bujqësore e përmbytur vlerësohet në 1900 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:

  • Tokë e pakultivuar 380 Ha
  • Foragjere të dyta, jonxhe 1300 Ha
  • Grurë 100 Ha
  • Bimë dekorative 120 Ha
  1. Rruga që lidh fshatrat Shirq- Darrgjat është e bllokuar. Ka prezencë uji rreth 150 cm.
  2. 121 shtëpi kanë prezencë uji në oborre.
  3. Në disa toka bujqësore niveli i ujit arrin në 2 m.
  4. Rruga në lagjen Mazia-fshati Suka Dajç është e pakalueshme me mjete të ulta.
  5. Makina e Ushtrisë në gatishmëri tek Dispeçeri Mushan.

 

 

Nj.A.Velipojë

1.Sipërfaqja e tokës bujqësore e përmbytur vlerësohet në 300 Ha.Kryesisht fshatrat Baks i Ri, Luarz. Ças, Reç i Ri.

  • Tokë e pakultivuar 90 Ha
  • Foragjere të dyta, jonxhe 210 Ha
  1. Fshati Reç i Vjetër është që nga ora 22.00 pa energji elektrike.

 

 

Nj. A. Guri i Zi

1.Sipërfaqja e tokës bujqësore e përmbytur vlerësohet në 30 Ha, konkretisht në fshtrat Kuç, Guri i Zi dhe Rrencë.

  • Tokë e pakultivuar 10 Ha
  • Foragjere të dyta, jonxhe 15 Ha
  • Grurë 5 Ha

2.Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.

 

 

Nj.A.Bërdicë

1.Sipërfaqja e tokës bujqësore e përmbytur vlerësohet në 1200 Ha, konkretisht në fshtrat Trush, Berdicë e Siperme, Berdice e Madhe.

  • Të pakultivuara 230 Ha
  • Foragjere të dyta, jonxhe 880 Ha
  • Grurë 90 Ha

2.Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.

3. 25 Shtëpi janë të rrethuara nga uji ( kryesisht në fshatin Trush).

4.Rruga Malsorët e Mullinit me gjtësi rreth 150 m, ka prezencë uji rreth 50-60 cm.

5.Ka prezencë uji në lagjet Maksuti, Qokthi dhe Malsorët e Mullinit.

 

 

Nj.A.Rrethina

1.Sipërfaqja e tokës bujqësore e përmbytur vlerësohet në 600 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç

  • Tokë e pakultivuar 160 Ha
  • Foragjere të dyta, jonxhe 430 Ha
  • Pemtore 10 Ha

2.Mjeti ushtrisë vazhdon që të jetë në gatishmëri tek hidrovori Dobrac për çdo nevojë eventuale që mund të kenë banoret.

Lagje Nr.1

Eshtë përkeqësuar ndjeshëm situata nga përmbytjet në zonen e Livadheve. Si pasojë e përmbytjeve, rreth 200 shtëpi kanë prezencë uji në oborre, 5 familje kanë prezencë uji në banesa ( 3 familje zona e livadheve), (2 familje zona e ish Zukthat).

Lagje Nr.4

Eshtë përkeqësuar ndjeshëm situata nga përmbytjet në lagjen Ajasëm. Si pasojë e përmbytjeve nga rreshjet e shiut, 2 familje kanë prezencë uji në banesa dhe 8 familje kanë prezencë uji në oborre.

 

 

MASAT E MARRA NGA BASHKIA SHKODER

  • Bashkia e Shkodrës në bashkëpunim me efektivë të FA- ve, ka nisur evakuuimin e familjeve në lagje të qytetit dhe Njësi Administrative. Deri tani janë evakuuar 3 familje , ku dhe janë vënë në dispozicion kapacitetet tona akomoduese.
  • Efektivët e MNSH Shkodër (zjarrëfikësit), kanë punuar gjatë gjithë natës dhe ditës së sotme për largimin e ujit nga banesat dhe mbrojtjen e orendive shtëpiake. Janë rreth 10 banesa ku është larguar uji, dhe puna po vazhdon.
  • Sot 16 familje janë furnizuar me çizme të gjata në zonën e Livadheve për të krijuar aksesin dhe qarkullimin në shtëpi. (furnizuar nga Bashkia Shkodër).
  • 2 familje janë evakuuar nga fshati Oboti dhe janë dërguar në Shkodër tek afërmit e tyre (me kërkesën e tyre).
  • Janë evakuuar dhe akomoduar 2 familje nga zona e Livadheve në ambjentet në dispozicion për akomodim (një familje me 3 persona dhe një tjetër me 5 persona).
  • Eshtë realizuar evakuimi i 150 krerë bagëti në Dobraç të Nj.A. Rrethina.
  • Janë furnizuar me 700 bidona ujë ( 8 litër bidoni ), dhe 100 pako ushqimore banorët e zones së Livadheve. Puna dhe furnizimi me bazë ushqimore do të vazhdojë përsëri.

Në  mbështetje të E. Civile janë angazhuar forcat dhe mjetet e B1K të FA si më poshtë:

  1. Në Bashkinë Shkodër. Janë në gatishmëri 3 forca me 1 mjet, të cilët kanë evakuuar 2 familje nga lagjia Liria për tek Universiteti, dhe kanë transportuar 16 palë çizme për tek Prokuroria.
  2. Në Nj. Administrative Ana e Malit.
  • Në fshatin Gorice janë në gatishmëri 4 forca me 1 mjet të kalushmërisë së lartë, të cilët kanë transportuar 20 banorë,
  • Në fshatin Obot janë në gatishmëri 7 forca me 2 mjete dhe 2 motovarka, të cilët kane transportuar 34 banore.
  1. Ne Nj. Administrative Dajç.
  • 5 forca, 1 mjet kane transportuar 2 banore dhe shpërndarë 9 pale çizme.
  • Jane duke u evakuuar 2000 shpendë nga fshati Dajc në fshatin Shirq,
  1. Ne Nj. Administrative Rrethina
  • Nga forcat e ushtrisë është realizuar evakuuimi i 150 krerë bagëti në Dobraç të Nj.A. Rrethina.

-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.

-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “Përroit të kufirit” Muriqan në Nj.A Ana e Malit.

-SITUATË EMERGJENTE.KËRKOHET MBËSHTETJE ME BAZË USHQIMORE, SASIA 640 TON PËR GJËNË E GJALLË (KONCENTRAT) PËR NJ.A. ANA E MALIT, DAJÇ DHE RRETHINA.

 

 

 

 

 

 

 

 

Më shumë

Etna shpërthen sërish, hera e gjashtë në tetë ditë

Mali Etna në ishullin italian të Siçilisë, ka nxjerrë shatërvanë llave dhe hi nga dy vatra të hapura në kraterin juglindor, për të gjashtën herë radhazi në tetë ditët e fundit.   Etna ka mahnitur madje edhe vetë vullkanologët ditët e fundit, me shatërvanët spektakolarë të llavës që kanë ndriçuar qiellin siçilian thuajse çdo […]

IGJEUM: Në 24-26 janar reshje intensive shiu, borë në zonat malore

Sipas llogaritjeve të IGJEUM, përgjatë dt. 24-26 Janar 2021 priten reshje intensive, të cilat do të jenë më të përqëndruara në veri dhe në jug të territorit. Nga llogaritjet hidrologjike të IGJEUM, këto reshje do të sjellin rritje të prurjeve dhe niveleve në Lumenjtë Drin-Buna, Liqenin e Shkodrës dhe Lumin Vjosa. Në pjesët e […]

Saharaja mbulohet nga dëbora

Jemi mësuar që janari të sjellë borë dhe ngrica në shumë vende të botës, por shkretëtirat e Afrikës dhe Lindjes së Mesme nuk janë zakonisht midis tyre.   Janari i këtij fillimviti ka sjellë reshje dëbore në Sahara dhe temperatura të ulta në Arabinë Saudite, duke shkuar në -2C (28F).   Një fotograf ka […]

“Filomena” vjen në Ballkan: E gjithë Shqipëria, e ngrirë në fundjavë

Stuhia “Filomena” që mbuloi një pjesë të Spanjës me dëborë po i drejtohet Ballkanit. Udhëtimet rrugore, hekurudhore dhe ajrore u ndërprerë, ndërsa autoritetet thanë se Spanja po përballej me “stuhinë më të fortë në 50 vitet e fundit”.   Madridi, një nga zonat më të prekura, ka parë deri në 20 cm dëborë. Më […]

  • © 2017 Albanian Profile Të gjitha të drejtat e rezervuara