e shtunë 23 janar 2021
e shtunë 23 janar 2021

 

Zv. ministri i Jashtëm që mbajti prej afro 2 vitesh drejtimin e këtij dikasteri si Ministër në Detyrë, Gent Cakaj, ka dhënë dorëheqjen këtë mëngjes.

 

Duke deklaruar se nuk ka ambicie të bëhet deputet në Kuvendin e Shqipërisë, 30 vjeçari Gent Cakaj njoftoi dorëheqjen nga posti i Ministrit të Jashtëm në detyrë të martën.

 

 

Mesazhi i Cakajt:

 

Të nderuar qytetarë,

Dëshiroj të ju njoftoj që sot, e martë, 29 dhjetor 2020, i kam paraqitur Kryeministrit të Republikës së Shqipërisë, z. Edi Rama, dorëheqjen e parevokueshme dhe me efekt të menjëhershëm si Ministër në detyrë për Evropën dhe Punët e Jashtme të Republikës së Shqipërisë.

Pas përfundimit me shumë sukses të kryesisë së OSBE-së, hapjes së negociatave për anëtarësim me BE-në, punës së jashtëzakonshme për të siguruar një ulëse në Këshillin e Sigurimit për 2022-2023, zbatimit të një sërë masash të pashembullta për ngritjen e faktorit shqiptar në Ballkanin Perëndimor, si dhe duke qenë se Shqipëria është në pragfushatë zgjedhore, ku unë nuk synoj të angazhohem si kandidat për deputet, konsideroj që kapitulli i shërbimit tim në krye të diplomacisë shqiptare është i përfunduar.

Dua të shpreh mirënjohjen dhe falënderimin tim ndaj Kryeministrit Rama, për besimin e dhënë dhe bashkëpunimin e ngushtë në rrethana jo të lehta për Shqipërinë. Po ashtu, u jam shumë mirënjohës të gjithë bashkëpunëtorëve dhe stafit të MEPJ, për mbështetjen e vazhdueshme në rrugëtimin e përbashkët, për të ndërtuar një sistem diplomatik të denjë për ambiciet e Shqipërisë evropiane dhe të pakompromis në mbrojtje të interesit qytetar e kombëtar.

Në mbyllje, nënvizoj, mes tjerash, se angazhimi i Shqipërisë për të thelluar bashkëpunimin e forcuar marrëdhënien me shqiptarët në rajon duhet të vazhdojë me çdo kusht apo çmim.

Faleminderit nga thellësia e zemrës të gjithëve për mbështetjen, kritikat e punën e përbashkët! E keni për jetë mirënjohjen time – shërbimi ndaj jush ka qenë nderi më i madh i jetës sime!

 

 

 

Olta Xhaçka u zgjodh po sot nga nga kryeministri si emri që do të vihet në krye të diplomacisë duke hequr në këtë mënyrë dhe peshën që atij ju desh të mbante duke drejtuar vetëm dejure Ministrisë e Jashtme pasi Meta refuzoi ta dekretonte emrin e 28 vjeçarit nga Prishtina.

 

Lëvizja e Xhaçkës nga Ministria e Mbrojtjes të cilën e drejtoi për afro 3 vjet pasi një tjetër eksperience vetëm disa mujore si ministre e Mirëqenies Sociale në 2017, ka diktuar një tjetër ndryshim në postet ministrore.

 

Ish zv. kryeministër për 4 vite dhe ish-ministër Bujqësie për afro 1 vit, në qeveri rikthehet Niko Peleshi për të drejtuar dikasterin e Mbrojtjes.

 

Brenda këtij viti ky është riformatimi i 3-të që i bëhet kabinetit qeveritare. 2 javë më parë dorëheqja e Sandër Lleshajt pas vrasjes së Klodian Rashës nga policia detyroi lëvizjen e Bledi Çuçit nga Bujqësia tek ministria e Brendshme si dhe zëvendësimin e tij nga Milva Ikonomi.

 

Ditën e parë të fillimit të vitit të ri akademik njësoj si Gent Cakaj dhe Besa Shahini dha dorëheqjen e paralajmëruar në mënyrë të parevokueshme duke sjellë në kabinetin qeveritar deputeten e Elbasanit Evis Kushi.

 

 

Më shumë

Komisioni i Venecias: Legjislacioni zgjedhor nuk ndryshon para 25 prillit

Komisioni i Venecias e ka zyrtarizuar pa ndryshime nga drafti paraprak opinionin final që presidenti Meta kërkoi për ndryshimet kushtetuese të 30 korrikut dhe kodin zgjedhor të 5 tetorit. Venecia kritikon hartimin e shpejtë e pa konsultim të gjerë të këtyre ndryshimeve, por asgjë nuk do të ndryshojë para zgjedhjeve të 25 prillit.   […]

PD përmbyll Vlerësimin e Kandidatëve, 13 ish deputetë nuk zgjidhen

Komisioni i Vlerësimit të Kandidatëve pranë PD, përmbylli dje procesin për vlerësimin e kandidatëve për përfaqësimin politik të PD në nivel qendror dhe lokal.   Periudha e punës së Komisionit, e ndarë në 3 faza, zgjati nga data 3 Gusht deri në 22 Tetor 2020.   Mes emrave bien në sy prezenca e anëtares […]

PD përzgjedh kandidatët për deputetë në Qarkun e Tiranës

Partia Demokratike përzgjedh listën e kandidatëve për deputetë në Tiranë, qarku më i madh i vendit, prej nga dalin 32 mandate.   Mes kandidatëve bie në sy në Kavajë, ai i ish-futbollistit të kombëtares së futbollit, Andi Lila dhe në Tiranë, aktori i humorit Jul Deda, apo atletja Klodiana Shala.   Janë 140 emra […]

Komisioneri për Zgjerimin, Varheli në Tiranë: Reforma zgjedhore, kusht për konferencën e parë ndërqeveritare

Komisioneri për Fqinjësinë dhe Zgjerimin, Oliver Varheli, deklaroi gjatë një vizite në Tiranë se reforma zgjedhore është kusht për konferencën e parë ndërqeveritare mes Shqipërisë dhe BE-së. Ai shtoi se vijimësia e reformave është shumë e rëndësishme për ecjen përpara të Shqipërisë drejt Bashkimit Europian. Varheli mbajti pasdite një fjalim para Kuvendit të Shqipërisë, […]

  • © 2017 Albanian Profile Të gjitha të drejtat e rezervuara