e enjte 25 shkurt 2021
e enjte 25 shkurt 2021

 

 

Çdo ditë, Mehdi Kryeziu nga Lipjani në Kosovë, del në një nga sheshet e Prishtinës për të shitur instrumentet muzikore, të cilat i krijon vetë.

 

“Se i dua, se kur isha i vogël, 3 vjeç, ma ka blerë babai një [çifteli]. Pastaj dalëngadalë u mësova të luaj, kur isha çoban me dele. Pas një kohe kur i bëra 12 ose 13 vjeç, i thash babai kush e ka bërë këtlë, e ka bërë njeriu? Po më tha, njëfar Beqir Prelezi i Ferizajt. E prej atij më tha e kam blerë. E nga ajo kohë kam filluar t’i krijoj, e deri më tash dhe i shes e kështu nga-pak ushqehem prej tyre,” – tha Mehdi Kryeziu.

 

Por kohët kanë ndryshuar. Tani pak kush dëshiron të blejë çifteli.

 

“Tani shumë pak. Kjo pandemia po na pengon në shitje e çdo gjë. Nuk po mund të dalim përditë edhe ashtu po shkon puna pak më lëmsh sepse përpara më mirë ishte,” – thotë Kryeziu.

 

 

Ardhja e diasporës së madhe kosovare, viteve të kaluara, e ngjallte tërë vendin e mes të tjerëve sillte më shumë shitje edhe për Mehdiun.

 

“Para pandemisë më mirë ishte sesa tani. Pak më mirë sepse vinin edhe këta nga jashtë e ata janë më kurbetçi dhe atyre më shumë iu pëlqen kjo vegël e ky zanat. E këtu jemi lodhë tani, s’ka rroga, s’ka pare, skamje, skamje e madhe,” – thotë më tej Mehdiu.

 

Varfërinë që ka pllakosur vendin, Mehdiu e ilustron me një rast që thotë se i ndodhi një ditë më parë.

 

“Dje i ka ndodhur një njeriu, ka ardhur dhe i ka rënë sharkisë edhe gati sa qau. Me shpirt ai qau sepse s’kam para më tha sepse qejf kam shumë ta marr, s’ia mbërrinte. Kjo ka punë shumë, për ta bërë vegël muzikore,” – vijoi më tej tregtari i instrumenteve muzikore.

 

Çmimet me të cilat Mehdiu i shet veglat tradicionale muzikore, megjithatë nuk janë të lira për standardin kosovar.

 

“Sharkijat i kam nga 200 euro deri në 350. Çiftelia i kam nga 15 euro deri në 80 ose 90 euro, varet se si mund t’i shes. Çiftelitë i kam të mira,” – tha Mehdiu.

 

Edhe pse familja e tij e ka në traditë punën me veglat muzikore folklorike, tashmë të rinjtë nuk kanë edhe aq interesim.

 

“Jo familja ime, gjyshi i ka rënë, babai ka kënduar e s’i ka rënë e unë i bie e këndoj nga pak, por tani më pak por tani populli ka zënë të harrojë sepse këta të rinjtë nuk po duan fort,” – u shpreh tregtari.

 

Kështu, Mehdiu e mbylli edhe një ditë tjetër pa shitur asnjë nga veglat muzikore, me shpresë që vitit që vjen, nuk do t’i ndërrohen vetëm numrat.

 

 

Më shumë

NATO njofton hapjen e linjave të reja në hapësirën e ulët ajrore të Kosovës

NATO ka njoftuar për hapjen e linjave të reja në hapësirën e ulët ajrore mbi Kosovën. Në një njoftim të Aleancës Veri-Atlantike thuhet se kjo është një arritje e rëndësishme për normalizimin e hapësirës së ulët ajrore mbi Kosovën.   Kjo masë, sipas njoftimit, do të përmirësojë trafikun ajror civil nga dhe në […]

Paratë nga diaspora mbajnë “gjallë” ekonominë e Kosovës. BQK: 900 mln € remitenca në 2020

Ismail Rrustaj nga Komuna e Klinës, që jeton në Prishtinë, qe tre vjet me radhë pranon para nga djali i tij 21-vjeçar, që jeton në shtetin e Italisë. Ai ndërkaq thotë se gjatë vitit të kaluar, djali i ka dërguar më shumë para për shkak të gjendjes së krijuar në Kosovë nga pandemia e […]

Gjykata Supreme lë jashtë listës së zgjedhjeve Albin Kurtin

Gjykata Supreme që është shkalla e fundit për ankesat e partive politike e vërtetoi se çdo kush që është i dënuar për vepër penale në tri vitet e fundit nuk certifikohet për zgjedhje.   Kryetari i Lëvizjes Vetëvendosja Albin Kurti, përfundimisht nuk do të mund të konkurojë për deputet në listën zgjedhore të […]

Kosova dhe Izraeli vendosin të hënën marrëdhëniet diplomatike

Të hënën më 1 shkurt, Kosova dhe Izraeli do të nënshkruajnë vendosjen e marrëdhënieve diplomatike.   Ministrja e Jashtme e Kosovës Meliza Haradinaj – Stublla tha përmes një postimi në facebook se nënshkrimi bashkë me ministrin e Jashtëm të Izraelit, Gabriel Ashkenazi. do të bëhet në një ceremoni virtuale.   “Republika e Kosovës po […]

  • © 2017 Albanian Profile Të gjitha të drejtat e rezervuara