e shtunë 19 qershor 2021
e shtunë 19 qershor 2021

 

Një debat ka ndodhur në parlamentin serb mes deputetit shqiptar të Preshevës, Shaip Kamberi dhe kryeministres Ana Brnabiç.

 

Në Serbi po ndodhin disa ndryshime kushtetuese  dhe Kamberi ka pasur disa kritika, fillimisht për nenin 1 që përcakton Serbinë si shtet të popullit serb.

 

Për Kamberin pakicat përbëjnë 20% të popullsisë në Serbi dhe me këtë nen mbeten qytetarë të dorës së dytë.

 

Ai ka marrë shembull Kushtetutën e Kosovës që përcakton se Kosova është shtet i qytetarëve të saj. Brnabiç është hedhur në replikë për t’i bërë të qartë se në Kuvendin e Serbisë nuk ka apo të njihet ndonjë Kushtetutë e Kosovës.

 

“Nuk është e drejtë që t’i referoheni Kushtetutës së Kosovës pasi që jeni anëtar i Kuvendit në vendin në të cilën është ky territor, ajo është krahina jonë dhe ju duhet ta respektoni atë. Nuk ka Kushtetutë të Kosovës për këtë shtëpi ndërsa pavarësinë e fituan pa e pyetur askënd. Tash do t’ua tregojë më thjesht se çka do të thotë për mua Kushtetuta e Kosovës. Unë jam nga Karaburmi nga një pjesë e Beogradit dhe një mëngjes kam mundur të zgjohem dhe pa e pyetur askënd nga kjo pjesë unë e shpallë Republikën e Karaburmit. Një ditë më vonë e kam nënshkruar dhe sjellë ne Kuvend Kushtetutën e Karaburmit. E kjo Kushtetutë për këtë shtëpinë time këtu e ka të njëjtën vlefshmëri si ajo e Kushtetutës së Kosovës”, ka thënë Brnabiç.

 

Ndërkohë Kamberi i ka përmendur Brnabiçit varret masive me trupa shqiptare në Serbinë qëndrore, por për to Brnabiç kishte thënë se Serbia ka bërë hetime mbi informacionet nga Prishtina ndërkohë që sipas saj Prishtina s’ka bërë asgjë në këtë drejtim.

 

“Më vjen keq për të gjithë të vrarët, familjet e tyre, të gjithë të zhdukurit që po i kërkojmë edhe sot, por Serbia në territorin e saj qendror ka kërkuar absolutisht të gjitha varrezat për të cilat kemi marrë informacione nga Prishtina, Kryqi i Kuq. Ky është një shembull se si punohet dhe mos abuzoni me këtë dhe mund të ju them se Prishtina nuk ka bërë asgjë”- theksoi kryeministrja e Serbisë.

 

Më shumë

Një bust për Nënë Terezën në Kroaci

Një bust për të vlerësuar figurën e shenjtë të Nënë Terezës do të vendoset në Osijek, Kroaci.   Deputetja shqiptare në parlamentin kroat Ermina Lekaj Prljaskaj së bashku me anëtarët e komunitetit shqiptar të Osijek, qarkut Baranja, kanë vizituar shëtitoren e këtij qyteti ku do të ndërtohet monumenti i Nënë Terezës.   Lajmin e […]

Kasapi i Ballkanit – përjetësisht në burg

Gjykatësit e Kombeve të Bashkuara vendosën të martën të lënë në fuqi dënimin me burgim të përjetshëm për ish-komandantin ushtarak të serbëve të Bosnjës, Ratko Mladiç, për gjenocid, krime lufte dhe krime kundër njerëzimit.   I cilësuar si “kasapi i Ballkanit”, ai u dënua në nëntor të vitit 2017 nën akuzat që përfshinin […]

Shqetësimet e shqiptarëve të Luginës së Preshevës me fshirjen e adresave

Përfaqësues politik të shqiptarëve të Luginës së Preshevës po bëjnë thirrje për mbështetje nga komuniteti ndërkombëtar dhe përfshirjen e tyre në bisedimet Kosovë-Serbi të lehtësuara nga Bashkimi Evropian, ndërsa ankohen për qasje diskriminuese të autoriteteve serbe.   Ragmi Mustafa, që drejton Këshillin Kombëtar të shqiptarëve në Serbi, me seli në Bujanoc, thotë se shteti […]

Viktimat e luftës shpresojnë dënim të dyfishtë për gjenocid për Ratko Mlladiçin

Të mbijetuarit boshnjakë të luftës duan që ish shefi-ushtarak serb i Bosnjës Ratko Mlladiç të shpallet fajtor këtë javë për gjenocid në pesë komuna boshnjake në vitin 1992 si dhe gjenocid në Srebrenicë në 1995, por ekspertët besojnë se kjo nuk ka gjasa të ndodhë.     Më 8 qershor, të mbijetuarit e luftës në […]

  • © 2017 Albanian Profile Të gjitha të drejtat e rezervuara