Del vlerësimi zyrtar, dëmet nga tërmeti: 958 milionë euro

Del vlerësimi zyrtar për dëmet e shkaktuara nga tërmeti i 26 nëntorit, ku në vlerë financiare shkon 958 milionë euro.

Ministri fuqiplotë për emergjencat dhe tërmetin, Bledi Çuci deklaroi ditën e sotme se “Ekspertët që janë angazhuar në këtë proces, në bazë të metodologjisë së gjithëpranuar, kanë vlerësuar dëme dhe humbje në shumën prej 985 milionë 74 mijë e 906 euro”.

Sipas tij, raporti është hartuar sipas standardeve të Bashkimit Europian, Bankës Botërore dhe Agjencive të Kombeve të Bashkuara si në vendet e tjera të botës.

Ai e cilësoi një tërmet shkatërrimtar me magnitudë 6.3 ballë i cili shkaktoi 51 viktima, plagosi 900 të tjerë, si dhe zhvendosi nga banesat e dëmtuara rreth 17 mijë njerëz dhe.

Ministri detajoi se ë total prej kësaj katastrofe natyrore u prekën 202 mijë e 291 persona në 11 njësi të qeverisjes vendore.

Nga ana e tij ambasadori i BE, Luigi Soreca tha se u bë një vlerësim i plotë i nevojave dhe se tani është faza e rindërtimit.

“Ky dokument do të ndahet me ndërkombëtarët, që mezi po e prisnin për të kuptuar se çfarë fondesh do të ishin. Nevojat janë mjaft të mëdha, deri në shifrën 1 miliard euro. Konferenca e donatorëve do të bëjë bashkë përfaqësues nga më shumë se 100 vende”, deklaroi Soreca.

• 

  Habit ambasadori turk në Tiranë: Osmanët erdhën për të mbrojtur shqiptarët

• 

  Zhvarrimet e kundërshtarëve të diktaturës, vazhdojnë debatet për procedurat

• 

  ATP e bllokuar nga Kushtetuesja, por paditë rriten

• 

  Shifra të frikshme/ 3212 aksidente nga janari deri në nëntor të këtij viti, 165 jetë të humbura

• 

  Tirana feston Hanukkhah, festivalin e dritave të hebrenjve

• 

  100 vjet – Hasan Prishtina, Kryeministër i Shqipërisë: Ekspozitë me dokumente arkivore në Shkup, Prishtinë e Tiranë