e diel 24 tetor 2021
e diel 24 tetor 2021

Një ngjarje e rëndë ka ndodhur në Sheshin Skënderbej, në kryeqytet. Sikurse raportohet një makinë ka tentuar të futet në qendrën e vaksinimit, duke shkaktuar panik mes qytetarëve.

 

Më pas makina ka tentuar të përplasë qytetarët por është neutralizuar prej tyre.

 

Policia e Tiranës ka dhënë një informacion zyrtar mbi incidentin dramatik të ndodhur në Sheshin Skënderbej, ku një makinë u fut mes njerëzve duke vënë në rrezik jetët e tyre me manovra të rrezikshme.

 

Policia e ka identifikuar autorin e ngjarjes si një 32-vjeçar, me inicialet A.M, i cili nga verifikimet që i janë bërë dyshohet se ishte nën efektin e lëndëve narkotike. Gjithashtu, këtij personi, gjatë kontrollit fizik, iu gjet dhe iu sekuestrua një sasi me lëndë të dyshuar kanabis.

 

“Fillimisht ka përplasur tri automjete në vende të ndryshme duke shkaktuar dëme materiale dhe më pas ka thyer barrierat mbrojtëse dhe ka hyrë në Sheshin “Skënderbej” duke rrezikuar seriozisht qytetarët”, tha Policia.

 

“Erdhi një makinë e aksidentuar drejt turmës së njerëzve në një mënyrë shumë të rrezikshme. Iu hodha me të dyja këmbët në xham, nga dera e pasagjerit, dhe e neutralizova për momentin. E mbajtën qytetarët, policia, se di kush ka qenë tjetër. Hedhjen nuk e di si e bëra. E ndjeva, e bëra! Më shtyu jeta e njerëzve të pafajshëm, nuk meriton askush që të vdesë në Sheshin Skënderbej pa asnjë arsye. I kam rënë me dy këmbët në fytyrë dhe është shtrirë, pastaj e kanë kapur. Makina ishte në ecje”, deklaroi Klodi, i riu i cili parandaloi një ngjarje që mund të kishte marrë përmasa fatale.

 

 

 

 

 

Krahas ngjarjes së rëndë të ndodhur mesditën e sotme, ku një makinë ka rrezikuar të përplasë qytetarët, një tjetër incident ka ndodhur mes policisë bashkiake dhe një qytetari në Sheshin Skënderbej.

 

Sikurse shihet në videon e mëposhtme, policia bashkiake ka tentuar t’i marrë atij derrin, të cilin e mbante varur në biçikletë.

 

Qytetari nuk ka lejuar që kjo gjë të ndodhë, çka ka çuar në një përpasje verbale mes palëve.

 

 

 

 

Më shumë

Del vendimi/ FIFA dënon Shqipërinë për incidentet me Poloninë

Federata Shqiptare e Futbollit është njohur mbrëmjen e sotme me vendimin e marrë nga Komiteti Disiplinor i FIFA-s, në lidhje me incidentet e ndodhura në ndeshjen Shqipëri-Poloni, e luajtur më datë 12 tetor 2021 në “Air Albania Stadium”. Vendimi i sotëm ndëshkon Federatën e Futbollit me një gjobë prej 150 mijë frangash dhe detyron […]

Ndotja nga hidrokarburet mban peng Gjanicën dhe rilindjen urbane në Fier

Qeveria shqiptare shpenzoi miliona euro për rehabilitimin urban të qytetit të Fierit, pa zgjidhur ndotjen e vazhdueshme të Gjanicës nga kompanitë e naftës, që i derdhin mbetjet e tyre në lumë.   Gjatë viteve të fundit, qeveria investoi miliona euro në rehabilitimin urban të Fierit. U prishën ndërtimet pa leje, u rehabilituan brigjet […]

Të verbrit në Shqipëri marshojnë për një jetë më dinjitoze

Dita ndërkombëtare e personave të verbër, e gjen këtë kategori duke vazhduar të përballet me mungesë infrastrukture dhe punësimi.   Me vetëm 12 mijë lekë në muaj si ndihmë shtetërore për të jetuar, ata kërkojnë mundësi për t’u punësuar por edhe semafore e rrugë të dedikuara që t’ua lehtësojnë jetën.   Daniela Nikolli, 25 […]

“Kalendar allaturka apo allafrënga”? – Si sot, më 15 tetor 1582, vitit kalendarik iu hoqën 10 ditë

Si sot, më 15 tetor 1582, vitit kalendarik iu hoqën 10 ditë, për të korrigjuar një gabim në përllogaritje. Kujtohi pak shprehjet që hasen ende në shqip: “kalendar allafrënga” dhe “kalendar allaturka”, ose “kalendar i ri” dhe “kalendar i vjetër”. Në thelb, bëhet fjalë për dy prej kalendarëve më të përdorur në Kontinentin e […]

  • © 2017 Albanian Profile Të gjitha të drejtat e rezervuara