Dështon identifikimi elektronik në 142 qendra votimi

Kryetari i KQZ-së, Ilirjan Celibashi i ka bërë thirrje kandidatëve dhe liderëve të partive politike që të demonstrojnë maturi, qetësi në komunikimet pulbike.

Celibashi në apelin e tij lëshuar nëpërmjet postimit në rrjetet sociale shprehet se situata e votimit është e qetë dhe me shumë pak probleme teknike.

“Situata e votimit është e qetë & me shumë pak problematikë teknike. Ftoj kandidatët për deputet, e në veçanti udhëheqësve politik & drejtuesve të institucioneve kryesore të shtetit të demostrojnë qetësi, durim & maturi në komunikimet publike & kështu t’i adresohen mbështetësve”, shkruan kryekomisioneri.

Ndërsa ky apel duket si shkon edhe në adresë të krerëve të institucioneve, dukë nënkuptuar edhe presidentin Ilir Meta.

Kryetari i Komisionit Qendror të Zgjedhjeve, Ilirjan Celibashi në një deklaratë për mediat ka bërë një përmbledhje në lidhje me procesin e deritanishëm të votimit në zgjedhjet e 25 prillit.

“Vetëm në 142 qendra votimi procesi i votimit po zhvillohet në mënyrë manuale, ndërsa në të gjithë qendrat e tjera të votimit po bëhet në mënyrë biometrike. E vërteta është se kemi pasur disa problematika, por që deri më tani në varësi të pritshmërisë sonë ka qenë e ulët përqindja e qendrave të votimit ku nuk po zhvillohet identifikimi biometrik. Ka pasur probleme nga informacioni i operatorëve dhe nga  fakti se ka pasur dhe probleme teknike të pajisjes, në raste kur pajisja nuk e printon fletën, procesi i votimit duhet që të vijojë. Nuk ka asnjë arsye që nëse nuk funksionon printeri të mos përdoret pajisja. Kanë qenë më shumë se 5 mijë telefonata në mëngjes, të cilat kanë marrë përgjigje sqaruese në lidhje me problematikat”, ka thënë Celibashi.

“Dua tju bëj një thirrje, për drejtuesit dhe përfaqësuesit që kanë anëtarët në qendrat e votimit. Këta të respektojnë rregullat, kush largohet do të mbajë përgjegjësi dhe me vepra penale”, ka thënë Celibashi.

Në total sipas KQZ kanë votuar 16% e votuesve në shkallë vendi. Këto janë të dhënat paraprake të lëshuara nga ana e KQZ-së.

Berati ka 18.1% pjesëmarrje deri më tani, Durrësi 16,6%,  Qarku i Tiranës ka mbi 19%.

Ndërsa si qytet, Tirana ka arritur 19.86 % e votuesve. Këto janë të dhënat deri në orën 10:00.

• 

  Basha në Kuvend, Berisha në referendum, kundër njëri tjetrit

• 

  Berisha sfidon Bashën; hyn me të vetët në selinë e PD-së

• 

  Kuvendi i Berishës, shkarkon Bashën

• 

  Çarja e PD/ Basha mbush sallën Anti-Foltore, Berisha: Kuvendi i 11 Dhjetorit në Air Albania

• 

  Dy kuvendet e PD, si po përgatiten strukturat për 11 dhe 18 dhjetorin

• 

  “O Sali o hero, Amerika ty të do!”/ Shpërthejnë demokratët në New Jersey. Berisha: U shpalla non-grata prej lobimit të Soros dhe Ramës