e diel 28 shkurt 2021
e diel 28 shkurt 2021

 

Drejtoria e Përgjithshme e Arkivave ka prezantuar sot projektet më të reja, Bibliotekën dhe Fototekën e dixhitalizuar, që përbën një fond me mijëra tituj dhe fotografi, që tani janë më afër studiuesve dhe gjithkujt tjetër. Prezantimi u krye nga drejtori i Drejtorisë së Përgjithshme të Arkivave Dr. Ardit Bido dhe ministrja e Kulturës znj. Elva Margariti, në mjediset e Sallës së Studimit të DPA-së duke respektuar masat kundër COVID-19.

 

U prezantua gjithashtu dhe faqja e re e Katalogut online, e rinovuar në aspektin grafik dhe e pasuruar me përmbajtje dhe funksionalitet. Faqja e re është më e thjeshtuar dhe lineare duke e bërë më të lehtë lundrimin brenda bazës së të dhënave të dokumenteve.

 

Këto sisteme elektronike do të sjellin lehësi maksimale për studiuesit dhe të tjerët që kanë interes për librat dhe fotografitë që ruajmë. Në fototekën online gjenden të gjitha fotografitë para vitit 1945 që ruhen në AQSH, e që tani janë vetëm një klikim larg në www.fototeka.arkiva.gov.al ku mund të blihen fotografitë me rezolucion të lartë, pa qenë nevoja për të qenë të pranishëm në sallat e studimit të DPA-së.

 

Sa i përket Bibliotekës, ajo për vite të tëra ka qenë një magazinë me libra, tha Drejtori i Përgjithshëm Dr. Ardit Bido, duke treguar se tashmë kjo pasuri është sistemuar dhe ka marrë formën e një biblioteke, ndërsa aplikimet për në sallën e studimit po ashtu kryhen online një ditë para.

 

“Mjafton që të përcaktohen ato libra që studiuesi do të shohë, në mënyrë që Drejtorinë e Përgjithshme të Arkivave ta kthejmë në një One-Stop-Shop Albanologjik, në një vend ku studiuesi vjen, sheh librin që ai do, dokumentet që ai ka porositur, sheh dhe fotot që nuk mund t’i shohë në sallë por i sheh drejtpërdrejtë nga shtëpia. Në këtë mënyrë ne besojmë se ja kemi arritur që për studiuesin shërbimi të jetë shumë i lehtë, që e çojnë arkivin në shtëpinë e studiuesit, në telefonin e tij, në kompjuterin e tij, pa qenë nevoja që ai të vijë në sallën tonë të studimit”, u shpreh Dr. Bido.

 

Në prezantimin e këtyre projekteve e pranishme ishte edhe ministrja e Kulturës, znj. Elva Margariti, e cila tha se kjo është një punë kolosale që po bëhet në gjithë Shqipërinë për dixhitalizim e shërbimeve.

 

“Më bëhet qejfi që sot jemi në Arkivin e Shtetit për ta bërë këtë, sepse ka qenë simbolika e një vendi të mbyllur, e një vendit të pa aksesueshëm, e një hapësire kur të gjithë ne e dimë se sa e vëshirë ka qenë të gjendte një dorëshkrim apo studim, pa qasje politike. Gjatë gjithë diktaturës këto kanë qenë hapësira vërtetë të ngurta, ndërsa sot arrijmë në dimension komplet tjetër. Jo vetëm që janë të hapura, e studiuesit arrijnë të kenë më shumë mundësi, por mbi të gjitha dhe të rinjtë”, u shpreh ministrja Margariti.

 

Ky sistem online i mundëson gjithkujt që çdo gjë sa i përket Bibliotekës dhe Fototekës ta bëjë përmes sistemit online. Në fototekë të gjitha fotografitë janë të ndara sipas tematikave, ku gjenden rreth 130 mijë fotografi të Para Luftës së Dytë Botërore dhe përbën fototekën më të madhe në Shqipëri, pas asaj të Marubit.

 

Këtu mund të gjenden edhe fotografi të Institutit “Luce”, që shteti shqiptar i sekuestroi në vitin 1945 dhe një pjesë e tyre më nuk gjenden as në Itali. Fototeka do të pasurohet edhe më shumë me fotografitë e Vani Burdës dhe Thimi Racit, të cilat janë në proces dixhitalizimi. Ndërsa Biblioteka online përmban mbi 12 mijë njësi si antikuar, librin shqip e të huaj, periodik, dhe lexuesi nga sot mund të kërkojë në faqen www.biblioteka.arkiva.gov.al

 

 

 

 

Më shumë

39 vjet më parë u inaugurua Muzeu Historik Kombëtar

Për ngritjen e këtij muzeu u mblodh një ekip me specialistët më të mirë të vendit, të fushave të historisë, gjuhësisë, arkeologjisë, etnografisë, hartografisë, arkitekturës e artit. Për këtë muze u punua në mënyrë të organizuar, sipas seksioneve përkatëse, për gati 3 vjet, deri në hapjen e tij. Grupi i punës është drejtuar nga […]

Gjykata Kushtetuese mbetet në vendnumëro

Dy thirrje paralele të hapura nga Kuvendi i Shqipërisë dhe Presidenti i Republikës nuk prodhuan asnjë kandidat të vlefshëm për Gjykatën Kushtetuese, duke e shtyrë edhe më tej vënien e saj në funksionim.   Këshilli i Emërimeve në Drejtësi njoftoi pas një mbledhjeje të zhvilluar deri në orët e vona të së premtes […]

Nga Ardian Civici te Pëllumb Xhufi, Akademia e Shkencave zgjedh 12 anëtarët e rinj

Në përmbushje të rendit të ditës të Mbledhjes së Asamblesë, pikat 1, 2 dhe 3, rinjoftuar më datë 15 qershor 2020, Asambleja e Akademisë së Shkencave, në mbledhjen e saj të datës 29 qershor 2020, kreu procedurat e parashikuara në nenet 7 dhe 11 të Statutit për zgjedhjen e anëtarëve të rinj akademik e […]

Një vit në sirtarët e Kuvendit! – Nis shqyrtimi i ligjit të ri “Për Shtetësinë”, lehtësi për shqiptarët me banim jashtë vendit

Pas një periudhe pritjeje prej rreth një viti nëpër sirtarë, Kuvendi ka futur në axhendën e punës ligjin e ri “Për Shtetësinë. Drafti është depozituar në Kuvend nga qeveria që në gushtin e vitit 2019 dhe synon të sjellë një seri risish në ligjin aktual që është në fuqi që prej vitit 1998.   […]

  • © 2017 Albanian Profile Të gjitha të drejtat e rezervuara