e diel 18 prill 2021
e diel 18 prill 2021

 

Monedha e gjelbër ka shënuar një rënie të fortë ditët e fundit në tregun vendas. Sot, një dollar u kumbye me 103.82 lekë, me një rënie prej 0.29 lekë në raport me një ditë më parë, sipas kursit zyrtar të Bankës së Shqipërisë.

 

Ky është niveli më i ulët në 6 vjet, që nga fundi i korrikut të vitit 2014, sipas serive kohore të Bankës së Shqipërisë.

 

Aktorët e tregut pohojnë se rënia e dollarit në tregun vendas lidhet me nënçmimin e tij kundrejt euros në tregjet ndërkombëtare, por edhe me faktin se rritja e monedhës së përbashkët në bursa nuk po reflektohet në tregun vendas.

 

Ndonëse në bursa euro arriti në 1.19 dollarë, niveli më i lartë në gati tre vjet, në tregun vendas ajo ishte në rënie të lehtë. Monedha e përbashkët u këmbye me 123.8 lekë, me një rënie prej 0.02 lekësh në raport me ditën e mëparshme.

 

Si rrjedhojë, në mënyrë që të ruhen raportet e kryqëzuara me bursat ndërkombëtare, kjo sjellje është reflektuar në një tkurrje më të fortë të dollarit në tregun vendas, raporton monitor.

 

Aktorët e tregut pohojnë se euro mbetet e nënçmuar në vend, pavarësisht rritjes së saj në bursa, për shkak të efekteve sezonale, të cilat ndonëse të dobëta, për shkak të kufizimit të turizmit dhe ardhjes së emigrantëve nga pandemia, po ndihen edhe gjatë këtij gushti.

 

 

 

Dollari bie në nivelin më të ulët në 27 muaj në bursa

 

Në bursat ndërkombëtare, dollari ra më tej të mërkurën, duke u luhatur afër nivelit më të ulët në 27 muaj, pasi një vale shitjeje në bursën e  Wall Street, që iu shtua presioneve mbi monedhën pas tensioneve të tregtisë mes Uashingtonit dhe Pekinit.

 

Marshall Gittler, kreu i departamentit të investimeve në BDSwiss Group, tha se ka dyshime lidhur me progresin e SHBA-ve për kontrollin e përhapjes së COVID-19, shqetësimeve për bisedimet tregtare Kinë-SHBA ndërsa ka dilema nëse Kongresi do të arrijë të miratojë një tjetër paketë lehtësuese. Të gjitha këto po peshojnë mbi dollarin.

 

Euro ka qenë përfituesja kryesore nga dobësimi i dollarit, duke u forcuar me 6% kundrejt dollarit, që nga fundi i qershorit Monedha u rrit me 0.1% hgjatë ditës, duke qëndruar mbi $1.19.

 

 

Më shumë

Dy kompani amerikane do të venë në punë TEC-in e Vlorës

Qeveria shqiptare do të nënshkruajë marrëveshje me dy kompanitë amerikane Exxonmobile dhe Excelerate Energy të cilat do të marrin përsipër të riparojnë e të venë në punë termocentralin e Vlorës.   Njoftimi është bërë nga ministrja e Infrastrukturës dhe Energjisë Belinda Balluku, e cila ka publikuar një letër që zv/Sekretari i Shtetit për […]

Dhoma Amerikane e Tregtisë: Korrupsioni, ndër 3 pengesat kryesore ndaj biznesit në Shqipëri

Në Tiranë, Dhoma Amerikane e Tregtisë tha se korrupsioni është një ndër 3 pengesat kryesore të bizneseve në Shqipëri.   Sipas drejtuesit të Dhomës Amerikane, Enio Jaço, është nevojë urgjente përmirësimi i klimës së biznesit përmes 40 rekomandimeve të hartuara nga komuniteti i biznesit.   Dhoma Amerikane e Tregtisë dhe Industrisë bëri sot të […]

2020, Qeveria shton faturat e papaguara – Ministria e Financave: Stoku i borxhit të institucioneve 230 milionë dollarë në total

Viti 2020 është mbyllur me një nivel mjaft të lartë detyrimesh të papaguara nga ana e institucioneve qendrore dhe atyre vendore. Ministria e Financave ka publikuar totalin e detyrimeve të prapambetura nga administrate publike, të cilat arrijnë në total 23.8 miliardë lekë, afërisht rreth 280 milionë dollarë. Pjesa më e madhe e detyrimeve […]

  • © 2017 Albanian Profile Të gjitha të drejtat e rezervuara