e diel 18 prill 2021
e diel 18 prill 2021

 

Kryeministri Edi Rama i ka kërkuar shefes së Spitalit Infektiv, Najada Çomo që të bëhet pjesë e Partisë Socialiste, për të garuar në zgjedhjet e 25 Prillit. Këtë kërkesë shefi i qeverisë e bëri publike gjatë prezantimit të planit për shëndetësinë dhe tha se Çomo e ka pranuar.

 

“Është momenti për ta thënë këtë që të gjithë ta dëgjojnë, jam shumë mirënjohës edhe për një fakt tjetër, që duke pasur parasysh që në këtë udhëkryq që është kjo përballje, kjo ndeshje, kjo garë e 25 Prillit, Shqipëria duhet të flasë, duhet të ndjejë, duhet të jehojë zërin, në radhë të parë të atyre që qoftë në vijën e parë të kësaj lufte, po qoftë dhe në anën tjetër të kësaj vije, është me siguri një arsye për të reflektuar lidhur me vetë skuadrën tonë, është një arsye për të bërë një hap dhe për të shtrirë dorën e lutjes duke kërkuar që dikush dhe kush më mirë sesa komandantja e vijës së zjarrin e njohur nga të gjithë të vijë me ne, jo për t’u bërë deputetja e radhës në grup e deputeteve dhe deputetëve. As për të lënë vijën e zjarrit dhe për t’u ulur në një nga karriget që sidoqoftë janë shumë më të rehatshme sesa qëndrimi në këmbë 24 orë në 7 ditë të javës, sa herë që duhet që zëri i brendshëm i atyre hapësirave ku lufta është një luftë sy më sy dhe kacafytëse me armikun të mos i mungojë  parlamentit, njerëzve, të mos i mungojë shumicës dhe të mos i mungojë qeverisë që do të duhet të dëgjojë edhe më shumë, do të duhet të kuptojë edhe më shumë në sinkron me njerëzit dhe sigurisht në këtë rast në sinkron me të gjithë ju. Kështu që në mënyrë spontane nxorra një sekret të vogël që nuk ishte i presupozuar të dilte sot, pasi ne me shumë kënaqësi morën aprovimin tënd dhe të jap fjalën që ne nuk duam që ti të bëhesh si ne, ne duan që ne të bëhemi si ty, dhe për këtë na ndihmon prania jote, shumë faleminderit”, tha Rama.

 

Najada Çomo është drejtuesja e Spitalit për Sëmundjet Infektive. Ajo është gjithashtu pjesë e Komitetit Teknik të Ekspertëve, i ngritur gjatë periudhës së epidemisë së Covid-19 në vendin tonë.

 

Më shumë

Një muaj nga zgjedhjet, Rama dhe Basha çelin fushatën nga qendra e Tiranës

Dy partitë e mëdha politike hapën të enjten në mbrëmje fushatat e tyre për zgjedhjet e 25 prillit.   Në sheshin “Nënë Tereza” të tejngjeshur me përkrahës opozitarë dhe automjetet e tyre, Partia Demokratike zhvilloi tubimin e vet, duke shkelur rregullat e pandemisë për t’u mbrojtur nga koronavirusi, ku mijëra pjesëmarrës nuk ruanin distancën […]

Incidente mes militantëve partiakë në Ditën e Verës

Grupe militantësh partiakë të qeverisë dhe të opozitës u përplasën fizikisht mes tyre në qytetin e Elbasanit, qendra tradicionale festive e Ditës së Verës.   Përkrahës të dy partive kryesore pritën me brohoritje fyese kryetarët socialist dhe demokrat, duke u përplasur edhe fizikisht me njëri tjetrin, pa ndonjë dëmtim shëndetësor midis tyre.   Të […]

Presidenti konfrontohet me policët bashkiakë për partinë Fryma e re Demokratike (video)

Presidenti Ilir Meta është përplasur me efektivë të policisë në ambientet e Partisë Fryma e re Demokratike. Kreu i shtetit tha se ishte telefonuar nga drejtuesi i kësaj partie Sali Shehu, ndërkohë që policia kishte shkuar në zyrat e FRD-së me një vendim të Bashkisë së Tiranës.   Në shkresën e dërguar 10 […]

Partitë shpallin listat e kandidatëve për deputetë: Ngelen jashtë figura të njohura të PD dhe PS

Dy partitë më të mëdha dorëzuan pak pas mesnate listat e kandidatëve të tyre për deputetë në zgjedhjet e 25 Prillit. Si socialistët ashtu dhe demokratët kanë bërë ndryshime të forta krahasuar me emrat e 4 viteve më parë, por ato dallojnë nga qasja në rreshtimin e kandidatëve në atë që quhet zona e […]

  • © 2017 Albanian Profile Të gjitha të drejtat e rezervuara