e mërkurë 19 janar 2022
e mërkurë 19 janar 2022

 

Artistja Dua Lipa ka kërkuar rritje të pagës për punëtorët shëndetësorë në Mbretëri të Bashkuar, pasi fitoi dy çmime në ceremoninë e ndarjes së çmimeve muzikore për artistët më të mirë në Britani.

“Është shumë mirë që të duartrokasim për stafin shëndetësor, mirëpo neve na duhet t’i paguajmë ata”, ka thënë ajo, teksa ia ka dedikuar njërin çmim infermieres pioniere Dame Elizabeth Anionwu.

Lipa ka fituar çmimin e artistes më të mirë dhe atë për albumin më të mirë në Britani, për projektin Future Nostalgia.

Ajo ka fituar dy nga tri kategoritë në të cilat ishte nominuar.

Little Mix është bërë grupi i parë me të gjitha anëtaret gra, që ka fituar cmimin për grupin më të mirë britanik.

Kjo njëherësh ka qenë ceremonia e parë e madhe që është mbajtur në Britani me prezencë fizike prej shpërthimit të pandemisë.

Në mesin e fituesve të mëdhenj kanë qenë edhe J Hus, Harry Styles dhe Taylor Swift.

Kjo ceremoni është mbajtur në sallën O2 Arena të Londrës, me 4,000 persona, pa distancë fizike apo maska.

Më shumë

Promovohet studimi monografik “Banda kombëtare “Vatra”, një histori unike shqiptaro-amerikane” e autorit akad. Vasil S. Tole

Monografia “Banda Kombëtare Vatra”, një histori unike shqiptaro-amerikane e autorit akademik Vasil S. Tole, që i kushtohet historisë së ardhjes së vullnetarëve shqiptaro-amerikanë në vitin 1920 për të nxitur ndjenja entuziaste besimi dhe frymë atdhetare në popull, pas rikonfirmimit të Pavarësisë me Kongresin e Lushnjes, u promovua në Akademinë e Shkencave të Shqipërisë. […]

“Western Balkans Youth Orchestra”: Orkestër e re kundër konflikteve të vjetra

Ata vijnë nga vende që përpara 30 vjetësh luftonin brutalisht njeri-tjetrin. 25 të reja e të rinj takohen tani në turne koncertesh për të bërë muzikë së bashku. “Western Balkans Youth Orchestra” nis turneun e koncerteve.   Ata të gjithë janë fëmijë të luftës, të të ashtuquajturave „luftëra të Jugosllavisë”. Tani ata takohen për […]

Shqipëria në Panairin Ndërkombëtar të Librit në Torino, me më shumë se 200 tituj

Shqipëria dhe letërsia e saj janë të pranishme edhe këtë vit, me një stendë të posaçme, në Panairin Ndërkombëtar të Librit, edicioni i 33-të i të cilit zhvillohet në Torino nga data 14 deri më 18 tetor 2021.   I vizituar çdo vit nga qindra mijëra vizitorë nga e gjithë Italia, Panairi Ndërkombëtar […]

Zbulohet stera 2300-vjeçare në sitin arkeologjik të Bylisit

Neritan Ceka: I përket shekullit III para Krishtit. Stera është e gjatë 50 metra dhe e thellë 8 metra dhe e mbuluar nga një sistem harqesh. Kërkimet arkeologjike në Bylis kanë nisur nga njësia e re “ArkeoBylis” e ngritur në Akademinë e Shkencave, kryesuar nga Neritan Ceka. Skënder Muçaj: Janë zbuluar dhe objekte të […]

  • © 2017 Albanian Profile Të gjitha të drejtat e rezervuara