e diel 18 prill 2021
e diel 18 prill 2021

 

 

Qeveria shqiptare do të nënshkruajë marrëveshje me dy kompanitë amerikane Exxonmobile dhe Excelerate Energy të cilat do të marrin përsipër të riparojnë e të venë në punë termocentralin e Vlorës.

 

Njoftimi është bërë nga ministrja e Infrastrukturës dhe Energjisë Belinda Balluku, e cila ka publikuar një letër që zv/Sekretari i Shtetit për Europën dhe Eurazine, Philip T. Reeker i ka dërguar asaj për ta përgëzuar për marrëveshjen e arritur.

 

Marrëveshja do të përmabjë 3 pika kryesore: futjen e gazit të lëngshëm në Shqipëri, konvertimin e TEC-it të Vlorës që të punojë me këtë gaz si dhe ndërtimi i një terminali të ri gazifikimi, e deri tek shpërndarja në shkallë të vogël e gazit, duke shndërruar Vlorën në një treg rajonal.

 

Kjo marrëveshje shihet nga Departamenti Amerikan i Shtetit, si një siguri më shumë për Europën në tregun e energjisë dhe ka marrë përshëndetjen e zyrtarëve të lartë të këtij shteti.

 

“Shtetet e Bashkuara mbështetin Shqipërinë në avancimin e sigurisë energjetike në Europë. Objekti i TEC-it të Vlorës do të shënojnë një hap të rëndësishëm në zgjerimin e aksesit për diversifikimin e burimeve energjitike. Një Europë e sigurtë në burimet e energjisë është një partner më i fortë në arritjen e objektivave tanë në rajon dhe botë”.

 

Ministrja Belinda Balluku ndodhet për një vizitë zyrtare në Houston, Texas, dhe pritet që brenda ditës së sotme të formalizojë me dy kompanitë lider në tregun e energjisë të Shteteve të Bashkuara këtë memorandum.

 

Kompania Exxon Mobile kap një vlerë të ardhurash prej 265 miliardë Dollarësh, ndërsa asetet e kompanisë Excelerate Energy kapin vlerën e 3 miliardë Dollarëve.

 

Bisedimet me zyrtarë të lartë të qeverisë amerikane kanë nisur në fillim të vitit 2020 e janë përqëndruar në futjen e teknologjisë së tyre më të fundit, e cila lidhet me shpërndarjen e gazit natyror me konteinerë, pa patur nevojë për tubacione.

 

Më shumë

Mbyllja e Kapshticës lë stok mollët e Korçës

Më shumë se gjysma e prodhimit të mollëve në Korçë ka mbetur stok.  Në Zëmblak fermerët ankohen se tonelata mollë po kalben në magazina për shkak të mungesës së tregut ose po  përdoren si ushqim për bagëtinë.   “Gjysmat i hëngrën dhitë. Nuk qarkullojnë mollët jashtë. Nuk i ha tërë Korça mollët dhe Tirana. […]

Eksportet shqiptare me vendet e CEFTA-s shënuan rritje me 14%

Eksportet shqiptare me vendet e CEFTA-s shënuan rritje me 14% në vitin 2019, ndërsa rritje me 4% shënuan edhe importet drejt vendit tonë.   Ministrja e Financave dhe Ekonomisë, Anila Denaj bëri të ditur se së bashku me vendet e rajonit, Shqipëria ka marrë masa për të bërë më të lehtë tregtinë mes vendeve, […]

22 shoqata biznesi kundër bllokimit të llogarive të administratorëve – aksionarëve

22 shoqata biznesi janë shprehur njëzëri kundër ndryshimeve të fundit të udhëzimit të procedurave tatimore, i cili parashikon cenimin e llogarive personale të administratorit, ortakut dhe aksionarit të kompanisë lidhur me detyrimin tatimor të kompanisë pa patur një vendim të formës së prerë të gjykatës i cili ngarkon me përgjegjësi individuale për pagesën e […]

Gazsjellësi TAP fillon operimin tregtar, gati t’u ofrojë gaz transportuesve

Katër vjet e gjysmë pas përurimit të nisjes së ndërtimit të tubacionit në Selanik, gazsjellësi Transadriatik (TAP), një sistem i transportimit të gazit prej 878 km i gjatë, i cili kalon nëpër Greqi, Shqipëri, detin Adriatik dhe Itali, filloi operimin tregtar.   Luca Schieppati, drejtori menaxhues i TAP-it, u shpreh se TAP-i mundëson një […]

  • © 2017 Albanian Profile Të gjitha të drejtat e rezervuara