Tuesday 27 February 2024
Tuesday 27 February 2024

 

Një revoltë studentësh të Universitetit të Prishtinës në fillim marsit të vitit 1981, për pak ditë u shndërrua në një lëvizje në shkallë të gjerë dhe pranvera e atij viti ishte periudhë demonstratash të mëdha, në të cilat u kërkua që Kosova të kishte statusin e Republikës në kuadër të Federatës Jugosllave.

 

Pas shtypjes me dhunë të demonstratave të pranverës së vitit 1981, autoritetet jugosllave të cilat i cilësuan si “veprime kundërrevolucionare”, filloi një periudhë të gatë ndjekjeje të organizatorëve dhe udhëheqësve të grupeve të fshehta.

 

Sipas ish drejtuesve komunist të Kosovës vetëm deri në vitin 1987, mbi 570 mijë shqiptarë kishin kaluar nëpër duart e sigurimit jugosllav, ndërsa deri nga fillimi i viteve të 90-ta mijëra shqiptarë ishin dënuar me 25 shekuj burg.

 

Dyzet vjet më pas në qendrën e studentëve të Universitetit të Prishtinës, u hodh gurthemeli i një obelisku në nderim të atyre ngjarjeve dhe u hap një ekspozitë fotografish e dokumentesh.

 

 

Disa nga organizatorët e demonstratave thonë se bashkë me lëvizjen “Solidarnost” në Poloni, demonstrata në Kosovë ishin njëra nga lëvizjet më të fuqishme në Evropën lindore që më vonë u përfshi në proceset demokratizuese.

 

Por, ata theksojnë se derisa në Poloni dhe vendet tjera të bllokut komunist, lëvizjet synonin rrëzimin e sistemit totalitar, në Kosovë lëvizja e vitit 1981 kishte për qëllim jo vetëm demokratizimin por edhe çlirimin e saj.

 

Dyzet vjet më pas, pjesëmarrësit e demonstrative që vuajtën dënime të gjata më heqje lirie, thonë se ende nuk është i plotë vlerësimi i ngjarjeve të vitit 1981, që sipas tyre, paraqesin një shkallë të lartë të përpjekjeve të pa dhunshme politike në Kosovë pas Luftës së Dytë Botërore.

 

Në përvjetorin e dyzetë të demonstratave të vitit 1981, Kosova shënoi 13 vjetorin e pavarësisë së saj që e kanë njohur mbi 100 vende të botës, përfshirë Shtetet e Bashkuara dhe vendet kryesore të Bashkimit Evropian, ndërsa kundërshtohet nga Serbia dhe aleatja e saj, Rusia.

 

 

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara