e diel 14 gusht 2022
e diel 14 gusht 2022

 

“Bosnjë e Hercegovina me strukturën e saj multikulturore është një vend kyç në gjeografinë e Ballkanit, sigurisë, stabilitetit dhe zhvillimit të të cilës i kushtojmë rëndësi të madhe”, tha presidenti turk para nisjes në Bosnjë e Hercegovinë

 

Presidenti i Turqisë, Recep Tayyip Erdoğan, tha se Bosnjë e Hercegovina me strukturën e saj multikulturore është një vend kyç në gjeografinë e Ballkanit, raporton Anadolu Agency (AA).

 

Erdoğan e bëri këtë vlerësim në konferencën për media në Aeroportin Atatürk në Stamboll, para nisjes në Bosnjë e Hercegovinë, ku do të qëndrojë në një vizitë zyrtare njëditore.

 

“Bosnjë e Hercegovina me strukturën e saj multikulturore është një vend kyç në gjeografinë e Ballkanit, sigurisë, stabilitetit dhe zhvillimit të të cilës i kushtojmë rëndësi të madhe”, tha ai.

 

Duke folur rreth detajeve të vizitës së tij në BeH, Presidenti Erdoğan tha se, gjatë vizitës do të kenë mundësinë të diskutojnë hapat që mund të ndërmarrin së bashku për të çuar më tej bashkëpunimin.

 

“Në Malin e Zi do të takohemi me përfaqësues të komunitetit shqiptar”

 

Ai foli edhe rreth vizitës që do të realizojë të shtunën në Malin e Zi. “Ndihem shumë i lumtur që do të bëj vizitën time të parë zyrtare në Malin e Zi mik dhe aleat”, u shpreh presidenti turk.

 

Duke dhënë detaje rreth takimeve të tij në Malin e Zi, presidenti turk tha se do të takohet me presidentin, kryetarin e kuvendit dhe kryeministrin e këtij vendi.

 

Ai gjithashtu do të vizitojë xhaminë Nizam, restauruar nga TIKA dhe ndërtuar në periudhën e Fatih Sultan Mehmedit në qytetin e Tuzit.

 

“Në Malin e Zi do të takohemi me përfaqësues të komuniteteve boshnjake dhe shqiptare. Si Turqi i japim rëndësi të madhe zhvillimit të tërë Ballkanit në prosperitet, qetësi dhe paqe. Dëshirojmë që struktura multikulturore e rajonit të ruhet dhe mbështesim çdo përpjekje të kryer për këtë qëllim”, theksoi Erdoğan.

 

“Do të përfundojmë evakuimet nga Afganistai sa më shpejtë të jetë e mundur”

 

Presidenti Erdoğan, ndër të tjerat, dënoi sulmin, siç tha ai, gjithëpërfshirës terrorist, fatkeqësinë që ndodhi dje në Kabul.

 

Sipas të dhënave të fundit, 90 persona kanë humbur jetën dhe të paktën 150 të tjerë janë plagosur në sulmet terroriste në zonën ku ndodhet Aeroporti Ndërkombëtar “Hamid Karzai” në kryeqytetin e Afganistanit, Kabul.

 

“Do të përfundojmë evakuimet në kohën më të shkurtër dhe sa më shpejtë të jetë e mundur”, tha ai në lidhje me evakuimin e personelit të ushtrisë turke në Afganistan.

 

Ai duke informuar rreth numri të migrantëve afganë që gjenden në vendin e tij, tha se sipas të dhënave të Ministrisë turke të Brendshme ky numër është 300 mijë.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara