e diel 24 tetor 2021
e diel 24 tetor 2021

 

 

Kompania Facebook tha të mërkurën se ka çaktivizuar llogaritë e përdorura nga organizata e brendshme e inteligjencës palestineze për të spiunuar gazetarët, aktivistët e të drejtave të njeriut dhe kundërshtarët politikë.

 

Këto operacione të spiunazhit “të motivuara politikisht”, sipas Facebook-ut, janë bërë nga krahu kibernetik i Shërbimit të Sigurisë Parandaluese Palestineze (PSS), e cila është besnike ndaj presidentit të Autoritetit Palestinez, Mahmoud Abbas.

 

Operacionet shënjestruan reporterët, aktivistët dhe disidentët palestinezë, si dhe grupe të tjera në Siri dhe gjetkë në Lindjen e Mesme.

 

Raporti u lëshua përpara zgjedhjeve të rëndësishme legjislative palestineze që janë planifikuar të mbahen muajin e ardhshëm.

 

Duke operuar nga Bregu Perëndimor, fushata u bë përmes virusëve të infiltruar në pajisjet Android dhe qëllimi i të cilëve ishte që të mbledhin informacione, duke përfshirë “regjistrat e thirrjeve, vendndodhjen, kontaktet dhe mesazhet me tekst”, tha raporti.

 

Raporti gjithashtu vuri në dukje ato që ai i quajti “operacione spiunazhi kibernetik” nga i ashtuquajturi grup Arid Viper.

 

Ekspertët e pavarur thonë se grupi ka filluar sulme kibernetike nga Gaza drejt Izraelit që nga viti 2013.

 

Shënjestra e Arid Viper kësaj here nuk ishte Izraeli, por përkundrazi palestinezët.

 

Muajin e ardhshëm është paraparë të mbahen zgjedhjet palestineze në të cilat lëvizja Fatah e presidentit të Autoritetit Palestinez, Mahmoud Abbas vihet përballë lëvizjes Hamas. Lëvizja Hamas, që kontrollon Rripin e Gazës, konsiderohet organizatë terroriste nga Izraeli, Shtetet e Bashkuara dhe Bashkimi Evropian.

 

 

Më shumë

Paralajmërimi i zbulimit amerikan: Kina rrezikon të mbizotërojë teknologjitë e përparuara

Zyrtarët amerikanë të zbulimit paralajmëruan jo për herë të parë të premten lidhur me rrezikun që paraqesin ambiciet e Kinës në fushën e inteligjencës artificiale dhe një sërë teknologjish të përparuara.   Ata shtuan se ato mund t’i japin Pekinit një avantazh ushtarak të rëndësishëm dhe mbizotërim të mundshëm në sektorin e kujdesit […]

Trump hap rrjetin e tij social

Ish-presidenti i SHBA-së, Donald Trump ka njoftuar planet për të lëshuar në përdorim aplikacionin e tij të mediave sociale.   Llogaritë e Trumpit janë të ndaluara nga Twitter dhe Facebook.   Rrjeti i mediave sociale të Trumpit do të quhet TRUTH Social dhe do të fillojë së funksionuari në muajin nëntor për një […]

Rusia njofton pezullimin e misionit rus në NATO

Ministri i Jashtëm rus Sergey Lavrov njoftoi të hënën se vendi i tij do të pezullonte misionin rus në NATO.   Zoti Lavrov tha se masa ishte në përgjigje ndaj vendimit të javës së kaluar të NATO-s, për të dëbuar tetë anëtarë të misionit rus në aleancën ushtarake.   Pas njoftimit se Rusia […]

Ish-Sekretari i Shtetit Colin Powell, humb jetën nga COVID-19

Colin Powell, Sekretari i parë afrikano-amerikan i Shtetit dhe një ushtarak i lartë amerikan, vdiq të hënën në moshën 84 vjeçare si pasojë e ndërlikimeve të shkaktuara nga sëmundja e COVID-19-s.   Në një deklaratë në Facebook, ku njoftohej lajmi i vdekjes së zotit Powell, familjarë të tij shkruanin se ai ishte plotësisht […]

  • © 2017 Albanian Profile Të gjitha të drejtat e rezervuara