e premte 3 dhjetor 2021
e premte 3 dhjetor 2021

 

 

Në Romë nisi sot (e shtunë) punimet samiti i G-20-ës. Udhëheqësit botërorë u përqëndruan në çështje si pandemia e koronavirusit, rimëkëmbja e ekonomisë pas COVID-19-ës, ndryshimet klimatike dhe norma minimale globale e taksës ndaj korporatave.

 

Presidentit amerikan Joe Biden, i cili po merr pjesë në këtë samit, zhvilloi takimeve të veçanta me kancelares gjermane Angela Merkel, Presidentit francez Emmanuel Macron dhe kryeministrit të Mbretërisë së Bashkuar Boris Johnson për të diskutuar hapat e ardhshëm mbi programin bërthamor të Iranit.

 

Kryeministri italian Mario Draghi e hapi forumin me një thirrje të fortë për përpjekje të dyfishuara për të shpërndarë vaksina në vendet e varfra.

 

Ai nënvizoi se ndërsa 70% e popullatës në vendet e pasura janë vaksinuar, në vendet e varfra është vaksinuar vetëm 3% e popullatës, duke e quajtur atë “moralisht të papranueshme”.

 

Zoti Draghi bëri thirrje për një angazhim të ri për bashkëpunimin shumëpalësh.

 

Italia shpreson që G-20 të ndërmarrë zotime të rëndësishme nga vendet që përfaqësojnë 80% të Prodhimit të Brendshëm Bruto në nivel global, dhe që njëkohësisht janë përgjegjëse për rreth të njëjtën sasi të emetimit të gazit karbonik në atmosferë, përpara konferencës së OKB-së për klimën që fillon të dielën në Glasgou të Skocisë.

 

Pjesa më e madhe e udhëheqësve të shteteve dhe qeverive që ndodhen në Romë do të shkojnë në Glasgou sapo të përfundojë G-20. Presidenti rus Vladimir Putin dhe udhëheqësi kinez Xi Jinping po marrin pjesë në distancë.

 

Në prag të takimit, Sekretari i Përgjithshëm i OKB-së Antonio Guterres paralajmëroi se takimi i Glasgout rrezikonte të dështonte për shkak të angazhimeve ende të vakëta nga ndotësit më të mëdhenj të planetit.

 

Ndërkohë policia italiane ndërhyri për të larguar disa dhjetëra protestues që kërkojnë që udhëheqësit botërorë të ndërmarrin veprime të forta lidhur me çështjen e ndryshimeve klimatike të cilët po qëndronin në bulevardin kryesor pranë vendit ku po mbahet samiti në Romë.

 

Disa orë përpara se udhëheqësit botërorë të Shteteve të Bashkuara, Britanisë, Francës dhe vendeve të tjera të fuqishme të mbërrinin për fillimin e samitit dy-ditor, aktivistët bllokuan rrugën, duke mbajtur pankarta, në një prej të cilave shkruhej: “Nga Roma në Glasgou, zgjidhjet tuaja janë problemi”.

 

 

Më shumë

Rusia dërgon parashutistë në Bjellorusi

Të premten Rusia dërgoi parashutistë në kufirin e Bjellorusisë me Poloninë, ku qindra migrantë po përpiqen të kalojnë në Bashkimin Evropian.   Kremlini tha se dërgimi i trupave ka të bëjë me një stërvitje të përshpejtuar. Por kjo lëvizje përkon edhe me shtimin e forcave ushtarake ruse përgjatë kufirit me Ukrainën ndërsa veprimi po […]

SHBA, 10 mln dollarë për të gjetur “kokat” e grupit kriminal “REvil”

Zyrtarët amerikanë bënë të ditur se Uashingtoni ka ngritur padi ndaj dy personave, të dyshuar si pjesë e grupit kriminal REvil, lidhur me një valë sulmesh kibernetike, përfshirë një rast që çoi në mbylljen e përkohshme të fabrikës më të madhe të përpunimit të mishit në botë, si dhe sulme të tjera ndaj […]

OKB: 45 milionë njerëz kërcënohen nga uria

Rreth 45 milionë njerëz në të gjithë botën janë aktualisht të kërcënuar nga uria, tha Organizata e Kombeve të Bashkuara.   Sipas Programit Botëror të Ushqimit (WFP), situata është veçanërisht e rëndë në Afganistan. Shefi i këtij programi, David Beasley, u bëri thirrje individëve të pasur që të ndihmojnë me donacione.   Ai […]

Liria e medias dhe krimet e luftës në Siri

Kur bëhet fjalë për dokumentimin e provave të krimeve të luftës në Siri, gazetarët dhe civilët ishin ata që udhëhoqën. Dokumentari “Bringing Assad to Justice”, “Të vësh Assadin para drejtësisë” zbulon rolin e rëndësishëm që gazetarët e huaj dhe vendas mund të luajnë në ekspozimin e abuzimeve të të drejtave, sulmeve dhe torturave […]

  • © 2017 Albanian Profile Të gjitha të drejtat e rezervuara