Gazsjellësi TAP fillon operimin tregtar, gati t’u ofrojë gaz transportuesve

Katër vjet e gjysmë pas përurimit të nisjes së ndërtimit të tubacionit në Selanik, gazsjellësi Transadriatik (TAP), një sistem i transportimit të gazit prej 878 km i gjatë, i cili kalon nëpër Greqi, Shqipëri, detin Adriatik dhe Itali, filloi operimin tregtar.

Luca Schieppati, drejtori menaxhues i TAP-it, u shpreh se TAP-i mundëson një diversifikim të dyfishtë, një korridor i ri, i besueshëm dhe i qëndrueshëm energjie, si dhe një burim gazi për miliona përdorues europianë, për dekadat që do të vijnë

“Sot, një vizion afatgjatë u bë realitet! Jam shumë krenar për këtë arritje, që u bë e mundur pikë së pari, falë përkushtimit dhe angazhimit të njerëzve tanë e gjithkujt tjetër që është përfshirë, besimit të patundur e mbështetjes së palëkundur të aksionerëve, të gjitha qeverive në zinxhirin e vlerave dhe Bashkimin Evropian, si dhe kontraktorëve e furnitorëve që punuan në këtë projekt. Si një operator i ri i sistemit të transmetimit, i zhvilluar dhe ndërtuar në përputhje me praktikat dhe standardet më të mira të industrisë, TAP-i mundëson një diversifikim të dyfishtë: një korridor i ri, i besueshëm dhe i qëndrueshëm energjie, si dhe një burim gazi për miliona përdorues europianë, për dekadat që do të vijnë”, tha ai.

“Mbi 50 milionë orë pune, shumë sfida të fituara dhe mbi të gjitha, asnjë incident madhor – një rekord sigurie në punë i rangut botëror”, përfundoi Luca Schieppati, drejtori menaxhues i TAP-it.

• 

  “Suezi” ndikon dhe në Shqipëri: Do ketë vonesa të mbërritjes së mallrave nga Kina

• 

  Projekti për Gazin Natyror të Lëngshëm në Shqipëri mund të fillojë në vitin 2023

• 

  Fillon edhe në Shqipëri epoka e “bankingut të hapur”

• 

  Dy kompani amerikane do të venë në punë TEC-in e Vlorës

• 

  Dhoma Amerikane e Tregtisë: Korrupsioni, ndër 3 pengesat kryesore ndaj biznesit në Shqipëri

• 

  Fiskalizimi do të zbatohet edhe për bizneset pa TVSH