e diel 14 gusht 2022
e diel 14 gusht 2022

 

 

Një pjesë e madhe e elektoratit gjerman duket se është ende e pavendosur përpara zgjedhjeve që do të përcaktojnë se kush do të pasojë Angela Merkelin si kancelare, pas 16 vitesh në pushtet. Anketimet e fundit tregojnë se mbështetja për partitë politike është në nivele të njëjta dhe se asnjë parti nuk parashikohet të marrë më shumë se një të katërtën e votave.

 

Blloku i Bashkimit të qendrës së djathtë të zonjës Merkel dhe social demokratët e qendrës së majtë radhiten pranë njëri-tjetrit në anketime, të pasuar nga afër nga të gjelbrit ambientalistë, të cilët gjithashtu synojnë të marrin drejtimin e vendit.

 

Kancelarja Merkel njoftoi në vitin 2018 se nuk do të kërkonte një mandat të pestë katërvjeçar.

 

Njoftimi i udhëheqëses së hershme gjermane çeli një seri garash të brendshme politike që përfunduan me partinë e saj duke propozuar Armin Laschetin, guvernatorin e rajonit Nordrhein-Westfalen, si kandidatin kryesor.

 

Por shanset e zotit Laschet ranë muajin e kaluar kur rajoni i tij u godit nga përmbytjet vdekjeprurëse dhe 60-vjeçari bëri disa hapa të gabuar, si e qeshura në sfond gjatë një fjalimi të zymtë të presidentit të Gjermanisë dhe hezitimin në reagimin ndaj ndryshimet klimatike, të cilat ekspertët thonë se i kanë bërë më të mundshme katastrofa të tilla.

 

Të gjelbrit panë që kuotat e tyre u rritën në prill pasi nominuan 40-vjeçaren Annalena Baerbock si kandidaten e tyre për kancelare, me një paraqitje të qetë, ndryshe nga rivalët e saj.

 

Por edhe kjo nuk zgjati shumë.

 

Mungesa e përvojës ekzekutive të zonjës Baerbock dhe debati mbi plagjiaturën në një libër që kishte shkruar, shkaktoi rënien e mbështetjes për partinë e saj.

 

“Jam mbështetës i hershëm i CDU-së, por nuk do të votoj më për ta. Është e pamundur me një njeri të tillë në krye. Nuk mund të votoj as për të gjelbrit; gënjeshtrat dhe mashtrimi nuk bëjnë për mua,” thotë pensionisti Lothar Wirth, mbështetës i hershëm i CDU-së.

 

Anketimet e fundit nga transmetuesit publikë ARD dhe ZDF tregojnë se pak votues duan zotin Laschet apo zonjën Baerbock për kancelare, duke rritur nivelin e vlerësimit për Olaf Scholzin – ministër i financave dhe zëvendëskancelar i Gjermanisë – dhe për Partinë e tij Social Demokrate.

 

Ish -kryebashkiaku i Hamburgut dhe ministri i punës dikur njihej për atë që kritikët thonë se ishte zakoni për të përsëritur shpesh të njëjtat fraza pavarësisht se çfarë pyetjeje i bëhej.

 

“Zoti Scholz ka shanse të mira tashmë. Do të shohim që në debatet e ardhshme televizive, kandidatët Bearbock dhe Laschet do të mundohen t’ia kalojnë”, thotë Gregor Zons, shkencëtar politik në Universitetin e Dyseldorfit.

 

Rishtazi, 63-vjeçari ka theksuar përvojën e tij të gjatë në qeverisje duke shmangur me shkathtësi vëmendjen mbi krizat si përmbytjet dhe Afganistani, ku Gjermania, si vendet e tjera, po përpiqet të evakuojë qytetarët dhe aleatët e saj pasi u zu në befasi nga marrja nën kontroll e talebanëve.

 

Social demokratët kanë përfituar nga kjo, me një anketim këtë javë që tregon një epërsi të vogël ndaj bllokut të Bashkimit – avantazhi i tyre i parë prej shumë vitesh.

 

Më shumë

Vazhdojnë vuajtjet e mijëra emigrantëve në kufirin Poloni-Bjellorusi

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës […]

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Si në Luftën e Ftohtë – Bjellorusia bllokon DW

Për herë të parë që pas fundit të Luftës së Ftohtë bllokohet informimi nga Deutsche Welle në hapësirën post-sovjetike. Bjellorusia e ka bllokuar median për botën e jashtme. Ç’qendron pas kësaj?   Kjo shënon një pikë-kthese. Mbi 30 vjet Deutsche Welle ka transmetuar pa u penguar programet e saj në BRSS dhe në republikat […]

Gratë në ndërtim – Mungesë punëtorësh të kualifikuar në Gjermani

Industria e ndërtimit ka një problem të madh me mungesën e fuqisë së kualifikuar punëtore – kjo edhe për faktin se punëson shumë pak gra. Çfarë duhet bërë për të ndryshuar gjendjen?   “Püppi në punë” është një influencere e njohur në punën e saj të dytë. Gruaja e re me flokë të kuqe […]

  • © 2017 Albanian Profile Të gjitha të drejtat e rezervuara