e enjte 27 janar 2022
e enjte 27 janar 2022

Pas njoftimeve për atentate të planifikuara ndaj xhamive në Gjermani, disa shoqata myslimane shprehen, se myslimanët nuk ndjehen më të sigurtë. Ato kërkojnë mbrojtje më të mirë nga shteti.

Këshilli Qendror i Myslimanëve, shoqata turke, Ditib dhe Komuniteti i Bashkësisë Islame, Milli Görüs kanë kërkuar së fundmi mbrojtje më të mirë të xhamive në Gjermani. Pas kërcënimeve të fundit ndaj xhamive e zbulimit të një grupimi terrorist ekstremist të djathtë, organizatat kryesore të myslimanëve në Gjermani kërkojnë një koncept të zgjeruar për sigurinë. Sekretari i Përgjithshëm i Këshillit të Myslimanëve, El Yazidi bëri fjalë për një “dimension që nuk ka ekzistuar më parë.” “Myslimanët janë bërë shumë të pasigurtë. Ata ndjehen të lënë vetëm”, tha El Yazidi për Deutsche Wellen. Ata vrasin mendjen, se çfarë duhet të bëjnë që të mbrojnë xhamitë”, tha Yazidi duke shtuar, se ajo që i bën më të pasigurtë myslimanët është, se “lajme të tilla tronditëse kalojnë pa u komentuar në shoqëri, dhe se “nuk ka angazhim, nuk ka një shprehje të qartë të solidaritetit në një formë që ne do e dëshironim.”

Zbulimi i një grupimi terrorist

Edhe ata që janë në funksione në shoqatat myslimane ndjehen të kërcënuar. “Ne si funksionarë përballemi me urrejtjen.” Ajo vjen përmes rrjeteve sociale, por edhe me letra kërcënuese. Kryetari i Këshillit Qendror të Myslimanëve, Aiman Mazyek është kërcënuar personalisht nga radikalët e djathtë. “Ne nuk marrim mbrojtjen e duhur nga policia, të cilën ne e presim as për përfaqësuesit tanë e as për xhamitë.”

Kurse Komuniteti Islam Milli Görüs deklaroi në Köln, se në Gjermani aktualisht ka një rrezik të shtuar për xhamitë, sinagogat e për institucione të tjera të pakicave fetare. Nuk ka mundësi, që xhamitë që janë ngritur me donacione të financojnë vetë për sigurinë e tyre. Shteti ka detyrimin e sigurisë për të gjithë qytetarët e tij. “Këtu bëjnë pjesë edhe myslimanët.”

Së fundmi u bë e ditur se disa anëtarë të grupimit terrorist të nxitur nga Werner S. kishin planifikuar atentate terroriste në 6 xhami. Pas bastisjeve të policisë në disa lande gjermane u dhanë urdhra arresti për 12 persona. Po ky grup kishte planifikuar atentate edhe kundër politikanëve, azilkërkuesve dhe myslimanëve. Të mërkurën dhe të enjten e kaluar, disa xhami në qytete Unna, Hagen, Essen dhe Bielefeld morën letra kërcënuese.

Ministria e Punëve të Brendshme të landit, Renani Veriore Vestfali ka deklaruar, se policia i merr seriozisht kërcënimet ndaj xhamive. Policia në terren i mbron xhamitë dhe institucionet e tjera fetare në bazë të shkallës së rrezikimit. Masat mbrojtëse janë megjithatë sekret, prandaj edhe nuk publikohen informacione të tjera. Partia e Majtë i bëri thirrje qeverisë së landit që të paraqesë një plan konkret së afërmi si të mbrohen xhamitë nga dhuna e ekstremistëve të djathtë. Ajo kërkoi që të merret më seriozisht racizmi antimysliman e të fillohen fushata sqaruese. DW

Më shumë

Vazhdojnë vuajtjet e mijëra emigrantëve në kufirin Poloni-Bjellorusi

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës […]

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Si në Luftën e Ftohtë – Bjellorusia bllokon DW

Për herë të parë që pas fundit të Luftës së Ftohtë bllokohet informimi nga Deutsche Welle në hapësirën post-sovjetike. Bjellorusia e ka bllokuar median për botën e jashtme. Ç’qendron pas kësaj?   Kjo shënon një pikë-kthese. Mbi 30 vjet Deutsche Welle ka transmetuar pa u penguar programet e saj në BRSS dhe në republikat […]

Gratë në ndërtim – Mungesë punëtorësh të kualifikuar në Gjermani

Industria e ndërtimit ka një problem të madh me mungesën e fuqisë së kualifikuar punëtore – kjo edhe për faktin se punëson shumë pak gra. Çfarë duhet bërë për të ndryshuar gjendjen?   “Püppi në punë” është një influencere e njohur në punën e saj të dytë. Gruaja e re me flokë të kuqe […]

  • © 2017 Albanian Profile Të gjitha të drejtat e rezervuara