e martë 22 qershor 2021
e martë 22 qershor 2021

 

Instituti i Shëndetit Publik në Gjermani, “Robert Koch Institute” (RKI) e ka listuar Shqipërinë në vendet të cilat nuk përbëjnë më rrezik për COVID-19.

 

Në informacionin e bazuar tek analiza e ministrive përgjegjëse gjermane, RKI bën me dije se Shqipëria ishte në listën e vendeve që kanë paraqitur rrezik të paktën në 10 ditët e fundit por tanimë, rreziku nga pandemia COVID është më i ulët dhe situata nuk është problematike.

 

Në fjalën e saj në kuvendin e Shqipërisë sot, ministrja e Shëndetësisë Ogerta Manastirliu konfirmoi se vendi kishte dalë nga “zona e kuqe” e rrezikut të coronavirusit.

 

Listës së Gjermanisë i shtohen si zona të rrezikut të lartë Kosta Rika, Gjeorgjia, Maldivet dhe Nepali.

 

Ndërkaq, komisioneri Evropian për Fqinjësinë e Mirë dhe Zgjerimin, Oliver Varhelyi gjatë vizitës në Shqipëri ka deklaruar se KE u ka propozuar vendeve anëtare të BE që të rihapin sërish kufijtë e mbyllur për shkak të pandemisë, sidomos për vendet e Ballkanit Perëndimor, transmeton euronews.albania.

 

“Ne i kemi bërë një propozim shteteve anëtare, janë ato që do të vendosin. Në rekomandimet tona, ne kemi sugjeruar që shtetet anëtare të hapin sërish kufijtë dhe të lejojnë edhe qytetarët e shtete e tjera të hyjnë në BE, në veçanti nga Ballkani Perëndimor, edhe pa pasur arsye thelbësore.  Pra që të rifillojë udhëtimi i tyre”, tha Varhelyi.

 

Shtetasit shqiptarë pa leje qëndrimi apo viza kanë mbetur jashtë kufijve të BE që prej rritjes së numrit të lartë të infektimeve, në përllogaritjen 2-javore që unioni raporton.

 

Më shumë

BE i mohon hapësirën ajrore, ulet në Rinas avioni me pasagjerë nga Bjellorusia

Ka mundur që të ulet në aeroportin “Nën Tereza” avioni I ardhur nga Bjellorusia edhe pse vendet e Bashkimit Evropian i kanë bërë “bllok” në grup për fluturimet e këtij shteti, në formë sanksionesh kundër regjimit të diktatorit Aleksandër Lukashenko. Mbërritja e avionit nga Bjellorusia ka qenë në orën 15:35 të pasdites së sotme. […]

Hera e parë për këtë vit që nuk raportohet për të infektuar me COVID-19 në kryeqytet

E ndërsa Tirana, qendra më e madhe përhapjes së koronavirusit, sipas të dhënave zyrtare, për herë të parë për këtë vit, nuk shënon asnjë rast të ri të infektuar me COVID-19. Sipas ekspertëve epidemiologë pritej që pas zgjedhjeve të 25 Prillit, të kishte një valë të madhe infektimesh me koronavirus për shkak të grumbullimeve […]

Nis zyrtarisht gara për kreun e PD, përballë Bashës tre sfidantë

Gara për kreun e Partisë Demokratike mund të konsiderohet zyrtarisht e hapur, pas vendimit në mbrëmjen e së hënës të kryesisë, e cila miratoi emrat që ishin ofruar për konkurrim. Mes 5 kandidatëve, jashtë mbeti Ibsen Elezi, për të cilin u vlerësua se nuk plotësonte kriteret “për shkak të qëndrimeve denigruese ndaj partisë”.   […]

  • © 2017 Albanian Profile Të gjitha të drejtat e rezervuara