e diel 7 mars 2021
e diel 7 mars 2021

 

Autoritetet gjermane kanë dhënë leje për vazhdimin e ndërtimit të gazsjellësit Rjedha Veriore 2 – nga Rusia – pavarësisht kërcënimeve të SHBA-së për sanksione dhe kundërshtimit nga grupet mjedisore. Vendimi i Agjencisë Federale Detare dhe Hidrografike më 15 janar ende mund të apelohet.

 

Organizata Aksioni për Mjedisin e Gjermanisë, e cila bën fushatë për të mbrojtur mjedisin, tha se do ta kundërshtonte vendimin në gjykatë, duke argumentuar se projekti kërcënon klimën dhe disa nga habitatet më të rëndësishme të shpendëve migruese të Evropës në bregdetin e Detit Baltik të Gjermanisë.

 

Qeveria amerikane dhe disa anëtarë të BE-së duan të parandalojnë punën për ndërtimin e tubacionit, pasi argumentojnë se kjo do të fuqizojë prezencën energjetike në Rusisë në Evropë dhe do të zvogëlojë rolin e Ukrainës si një vend tranzit për gazin rus.

 

Gazsjellësi, ka qenë një pikë grindjeje midis Berlinit dhe Uashingtonit.

 

Ministri i Jashtëm gjerman Heiko Maas tha më 15 janar se ai shpreson të ketë bisedime të nivelit të lartë me administratën e ardhshme të presidentit të zgjedhur, Joe Biden, lidhur me sanksionet e reja të mundshme të SHBA-së kundër projektit.

 

Kërcënimi me sanksione amerikane detyroi një kompani tubash me qendër në Zvicër të ndërpresë ndërtimin e Rrjedhës Veriore në dhjetor të vitit 2019 pak para përfundimit të saj. Projekti Rrjedha Veriore 2, udhëhiqet nga gjigandi rus i gazit Gazprom.

 

Sipas Gazprom, 94 për qind e tubacionit është përfunduar. Sipas kësaj, kanë mbetur edhe rreth 150 kilometra, nga të cilat 120 kilometra janë në ujërat daneze dhe 30 kilometra në ujërat gjermane.

 

 

Më shumë

Itali. betohet qeveria e drejtuar nga Mario Draghi

Mario Draghi u betua si Kryeministri i ri i Italisë me një ceremoni të posaçme në Pallatin Quirinal në Romë, duke shënuar fillimin e një epoke të re në politikën italiane.   Ish-shefi i Bankës Qendrore Europiane, mbërriti tre minuta para për ceremoninë që u mbajt nën masa të rrepta parandalimi të koronavirusit.   […]

Arrestimi i Aleksei Navalni – Parlamenti Europian: Të ndalet ndërtimi i “Nord Stream 2”

Ligjvënësit e Bashkimit Europian pritet të miratojnë të enjten një rezolutë, e cila u bën thirrje vendeve të bllokut të ndalin punimet për ndërtimin e gazsjellësit Nord Stream 2, projekt që do të siguronte furnizimin me gaz natyror të Europës nga Rusia. Ky zhvillim vjen si përgjigje ndaj arrestimit të kritikut të Kremlinit Aleksei […]

Itali – Në vend të vaksinës anti-covid, iu injektojnë ujë fiziologjik (serum)

Një skandal ka ndodhur në spitalin Rovereto të Italisë, ku punonjësve shëndetësor i kanë injektuar ujë fiziologjik (serum) në vend të vaksinës kundër Covid-19.   Ngjarja mund të ketë përfshirë 5 ose 6 persona, por nuk dihet konkretisht se sa mjekë dhe infermierë kanë marrë dozën e parë të vaksinës dhe kujt i është […]

Besniku i Merkelit fiton: Armin Laschet në krye të CDU

Armin Laschet, i njohur si besniku i Merkelit fitoi garën për kryetar të partisë konservatore, CDU. Me 59 vjeçarin Laschet, CDU-ja pritet të vazhdojë kursin e qendrës.   Armin Laschet arriti në raundin final pas largimit të kandidatit të tretë nga gara, Norbert Röttgen, të marrë 521 vota kundër kandidatit Friedrich Merz që mori […]

  • © 2017 Albanian Profile Të gjitha të drejtat e rezervuara