e shtunë 16 tetor 2021
e shtunë 16 tetor 2021

 

Shumë lande federale po krijojnë fakte para diskutimit të radhës në Berlin mbi zbutjen e kufizimeve të Coronas. Në Lindje hapen hotelet, në Bavari kopshtet e birrës dhe Baden-Württemberg-u lejon sporte në natyrë.

 

Qeveria Federale me sa duket dëshiron ta bëjë të varur lehtësimin e mëtejshëm të masave nga zhvillimi i shifrave të infeksionit. Një takim përkatës i kryeministrave të landeve me kancelaren Angela Merkel për të diskutuar se si të procedohet është planifikuar për të mërkurën. Sidoqoftë, disa lande federale tashmë po nxitojnë me masa konkrete të veçuara, për t’u rikthyer në normalitet.

 

Në Bavari, qeveria e landit ka vendosur të hapë përsëri kopshtet e birrës nga data 18 maj, me kushte të caktuara. Kryeministri Markus Söder (CSU) tha pas një mbledhjeje të kabinetit se kufizimi i mëparshëm i daljes nuk do të zbatohet më nga e mërkura. Sipas qeverisë së shtetit, hotelet, apartamentet për pushime dhe sheshet e kampeve mund të përdoren përsëri nga data 30 maj. Edhe institucionet e kohës së lirë si kështjellat dhe parqet argëtuese mund të hapin portat e tyre. Koncepti bavarez gjithashtu siguron relaksim për shkollat, azilet dhe shitësit me pakicë.

 

Bavaria është landi me numrin më të madh të infektimeve me virusin Corona dhe me më shumë vdekje. Söder theksoi se kufizimet e javëve të kaluara kanë qenë një sukses i madh. “Corona është nën kontroll”. Kjo bën të mundur guximin për të ndërmarrë hapa të kujdesshëm drejt hapjes.

 

Vendime të ndryshme

Bremen vendosi të hapë sërish sheshet e lojërave dhe muzetë. Edhe kryetari i Bashkisë së Hamburgut Peter Tschentscher (SPD) tha që Hamburgu është i gatshëm nga e mërkura të ndërmarrë “hapa më të mëdhenj” sesa kohët e fundit në sektorët e shkollave, kopshteve ditore, sporteve dhe gastronomisë. Ai mendon se hapja e hoteleve në maj është “e përfytyrueshme”.

 

Sipas kryeministrit Winfried Kretschmann (Të Gjelbrit), restorantet në Baden-Württemberg gjithashtu mund të shpresojnë për një rihapje së shpejti. Nga java tjetër, sportet në natyrë pa kontakt si tenisi dhe golfi do të lejohen përsëri. Në Saksoni-Anhalt, turizmi duhet të rifillojë gradualisht nga 15 maji. Nga 22 maji, restorantet gjithashtu mund të hapen përsëri. Mecklenburg-Pomerania Perëndimore kishte vendosur që të hënën në mbrëmje që restorantet dhe baret mund të rihapen nga e shtuna. Nga data 18 maj, hotelet, pensionet dhe apartamentet e pushimeve duhet të jenë në gjendje të akomodojnë përsëri mysafirët vendas. Saksonia e Ulët kishte njoftuar më parë se do të rihapte restorantet që nga e hëna. Edhe apartamentet e pushimeve mund të përdoren përsëri.

“Mbajtja e distancës është jeta e re e përditshme”

Instituti Robert Koch (RKI) e vlerëson pozitivisht zhvillimin e numrit të infektimeve me Corona në Gjermani. “Numri i infekstimeve të raportuara vazhdon të ulet. Ky është një lajm shumë i mirë,” tha Presidenti i RKI Lothar Wieler në një konferencë shtypi në Berlin.

Në javët e kaluara, u raportuan në RKI çdo ditë midis 700 dhe 1600 raste. Të hënën ishin 685. Shkalla e riprodhimit vlerësohet aktualisht në 0,71 – kjo do të thotë se mesatarisht jo çdo pacient me Corona e kalon virusin te një person tjetër dhe se patogjeni përhapet më ngadalë. Shumë e rëndësishme për zhvillimin e mëtejshëm është që të respektohen edhe më tej rregullat e distancës. “Mbajtja e distancës është rutina e re e përditshme,” tha Wieler. “Kjo me siguri do të na shoqërojë edhe për disa muaj të tjerë.” DW

6 maj 2020

Më shumë

Pak gatishmëri në BE për pranimin e refugjatëve nga Afganistani

Ministrat e Brendshëm të BE kërkojnë samit të jashtëzakonshëm lidhur me qëndrimin ndaj refugjatëve nga Afganistani. Fillimisht do të pranohen afganët, që kanë qenë bashkëpunëtorë të Perëndimit dhe hasin në rrezik akut.   Ministri i Brendshëm me periudhën më të gjatë në detyrë në BE u apeloi në ndërgjegje homologëve të tij. „Ne duhet […]

Cila do të jetë politika e jashtme gjermane nën një kancelar Armin Laschet?

Konservatori Laschet dëshiron ta zhvillojë Evropën me një bërthamë shtetesh vullnetare, të orientuara te Gjermania dhe Franca. Ai ka për ushtrinë, Kinën e Rusinë pikëpamje të ndryshme nga Të Gjelbrit, shkruan Auron Dodi. Fjalimi programatik i Armin Lashetit, kryetarit të partisë së kancelares Merkel, CDU dhe kandidatit për kancelar të CDU/CSU-së i drejtohej si […]

Konferenca e së ardhmes: Bashkimi Europian pyet qytetarët

Për një vit qytetarët e Bashkimit Europian do shprehin mendimin e tyre, kurse politikanët premtojnë t’i dëgjojnë. Por çfarë do të bëhet realitet nga këto ide? Eksperimenti me “konferencën e së ardhmes” në BE ka filluar.   Presidenti francez, Emmanuel Macron e sheh veten si babain e “konferencës për të ardhmen e Europës”. Këtë […]

Ushtarët paralajmërojnë për “luftë civile” në Francë

Një revistë e krahut të djathtë në Francë tha se mbi 100,000 njerëz kanë nënshkruar një letër të hapur të një grupi ushtarësh në shërbim, që paralajmërojnë për kërcënimin e luftës civile në Francë.   Letra, e publikuar të dielën vonë në “Valeurs Actuelles”, e akuzon Qeverinë për “koncesione” ndaj islamizmit dhe thotë se […]

  • © 2017 Albanian Profile Të gjitha të drejtat e rezervuara