e shtunë 8 maj 2021
e shtunë 8 maj 2021

 

 

Gjykata Evropiane e të Drejtave të Njeriut (ECHR) po i bën thirrje Rusisë që të lirojë kritikun e Kremlinit Alexey Navalny.

 

Përmes një deklarate për shtyp të mërkurën, gjykata shprehej se “jep një masë të përkohshme në favor” të zotit Navalny dhe “i kërkon qeverisë ruse që ta lirojë atë”.

 

Vendimi i gjykatës kërkon që opozitari Navalny të lirohet menjëherë, duke paralajmëruar se dështimi për ta bërë këtë do të shënonte një shkelje të Konventës Evropiane për të Drejtat e Njeriut.

 

Gjykata vuri në dukje nenin 39 të rregullores, duke theksuar “natyrën dhe shkallën e rrezikut për jetën e aplikantit”. 44-vjeçari Navalny është burgosur që nga kthimi i tij në Rusi muajin e kaluar. Moska thotë se ai shkeli rregullat e lirimit të tij me kusht ndërsa po kurohej në Gjemani nga një sulm me agjent kimik. Në vitin 2014 ai u dënua për përvetësim, dënim të cilin Gjykata Evropiane e të Drejtave të Njeriut (ECHR) e ka cilësuar të paligjshëm.

 

Zoti Navalny u trajtua në Gjermani pas një sulmi me agjent nervor në Siberi gushtin e shkuar. Ai fajësoi Rusinë për helminin, akuzë e mohuar nga Kremlini.

 

Disa vende perëndimore kanë bërë thirrje për lirimin e opozitarit Navalny, duke kërcënuar vënien e sanksioneve kundër Rusisë mbi këtë çështje.

 

Ministria e Drejtësisë së Rusisë paralajmëroi në një deklaratë se kërkesa nga Gjykata Evropiane e të Drejtave të Njeriut (ECHR) do të përfaqësonte një “ndërhyrje të vrazhdë në sistemin juridik të Rusisë, duke kaluar vijën e kuqe”.

 

ECHR është gjykata ndërkombëtare e Këshillit të Evropës, forumi kryesor i Evropës për të drejtat e njeriut. Në të kaluarën, Rusia ka zbatuar vendimet e kësaj gjykate për të dëmshpërblyer qytetarët rusë që kundërshtuan vendimet e gjykatave ruse, por nuk është përballur asnjëherë me një kërkesë nga gjykata për të liruar dikë të ndaluar.

 

Më shumë

​Përurohet shërbimi i trenave të drejtpërdrejtë të mallrave Wuhan-Milano

Tregtia hekurudhore në rritje të shpejtë midis Kinës dhe Evropës, nga 6363 trena mallrash në vitin 2018, në 12.406 më 2020-n, tani është shtrirë në Itali, me trenin e parë që u nis nga Wuhan tri javë më parë.   Oliviero Fiorini, ekonomist dhe analist tregtar në “ABS Securities” në Milano, i shpjegon “Xinhua” […]

Organizatat ndërkombëtare: Miliona vetë kërcënohen të vdesin nga uria

Organizatat ndërkombëtare kanë vënë alarmin: Më shumë se 34 milionë vetë rrezikojnë të vdesin nga uria. Dhe ky është vetëm fillimi, thuhet në një letër të hapur.   Apeli është urgjent. Në një letër të hapur drejtuar qeverive të botës, 200 organizata ndërkombëtare të botës mes të cilave Save the Children, World Vision, Care […]

Pas vendimit për heqjen e maskës, izraelitët pushtojnë plazhet e Tel Avivit

Mijëra izraelitë pushtuan plazhet e Tel Avivit pasi autoritetet njoftuan se maskat e fytyrës për parandalimin e COVID-19 nuk ishin më të nevojshme për t’u mbajtur në ambiente të hapura.   Më shumë se gjysma e popullsisë është plotësisht e vaksinuar në Izrael, në një nga fushatat më të shpejta të vaksinimit kundër COVID-19 […]

Përsëri pa sukses përpjekja e mjekëve për të vizituar Navalnin

Në Rusi, katër mjekë të një lëvizjeje të pavarur që mbështet udhëheqësin opozitar rus Aleksei Navalni tentuan përsëri pa sukses të martën të vizitonin aktivistin në pavionin e kujdesit intensiv në burgun ku po vuan dënimin. Keqësimi i gjendjes shëndetësore të zotit Navalni ka shqetësuar aktivistët vendas si dhe Perëndimin. Përkrahësit e tij […]

  • © 2017 Albanian Profile Të gjitha të drejtat e rezervuara