e mërkurë 18 maj 2022
e mërkurë 18 maj 2022

 

Një grup i grave në Afganistan protestuan për rikthimin e të drejtave të tyre për arsim dhe punësim të cilat janë kufizuar pasi talebanët morën administrimin e vendit, raporton Anadolu Agency (AA).

 

Rreth 15 gra u mblodhën në parkun Shahr-e Naw që ndodhet në qendër të Kabulit dhe hodhën slogane duke mbajtur në duar pankarta.

 

Gratë kërkuan heqjen e pengesave me të cilat përballen në jetën e tyre sociale, të arsimit dhe punës që nga marrja e administratës së vendit nga talebanët më 15 gusht.

 

Në pankarta ka slogane si “Heshtja e botës turpëruese”, “Nuk ka shoqëri pa gra”, “Barazia gjinore është zhvillimi i Afganistanit”, “Ushqim, punë, liri, pjesëmarrje në politikë”, “Përse është i heshtur komuniteti ndërkombëtar, a nuk e dëgjoni zërin e grave afgane?”, “Mbroni të drejtat e grave afgane. Të drejtat e grave janë të drejtat e njeriut”.

 

Protesta u mbështet edhe nga disa meshkuj dhe fëmijë që ishin të pranishëm në park.

 

Shukriye Sadat, në një deklaratë në protestë tha se nga administrata talebane kanë bërë shumë përpjekje për të marrë leje për protestën, por nuk kanë mundur ta marrin këtë.

 

“Ardhja në qeveri me forcë është e mundur, por të fitosh zemrën e popullit nevojitet mirëkuptim. Na dëgjoni ne gratë. Talebanët rrëzohen nëse vazhdojnë me këtë logjikë tiranike. Atë që thoni sot (talebanët) nuk përfaqësojnë mendimin e përgjithshëm të popullit”, tha Sadat.

 

Ndërsa Rahime Nevruzi i bëri thirrje komuniteti ndërkombëtar që të mos qëndrojë i heshtur kundër shkeljeve të të drejtave të grave në Afganistan.

 

Duke bërë të ditur se janë shkatërruar arritjet për gratë në 20 vitet e fundit, Nevruzi shtoi se “Gratë në Afganistan nuk mund të marrin pjesë në politikë. Nuk ka siguri dhe punë. Dyert e shkollave janë të mbyllura për nxënëset femra. Komuniteti ndërkombëtar, duhet të hapë vulën e heshtjes në buzët e tyre”.

 

Po ashtu edhe Arun Ziveri i cili jeton në Kabul vuri në dukje se si një mashkull mbështet të drejtat e grave të cilat përballen me kufizime të ndryshme në jetën sociale.

 

“Kisha dëshirë të marr pjesë në protestë dhe të ngre zërin tim. Kërkoj nga bashkëkombasit e mi që të qëndrojnë në anën e grave. Të bëjnë që zëri i tyre të dëgjohet”, shtoi Ziveri.

 

Protesta zgjati rreth një orë në mjedisin ku nuk kishte asnjë forcë talebane.

 

Rikujtohet se në protestat e mëparshme të grave forcat talebane ndërhynë.

 

Pasi talebanët morën kontrollin në vend, për gratë u njoftua që të mos shkojnë në punë deri në një njoftim të dytë.

 

Në të njëjtën mënyrë aktivitetet në shkollat fillore dhe të mesme filluan vetëm për meshkujt.

 

Shumë universitete shtetërore në vend aktualisht janë të mbyllura dhe është ende e paqartë shkuarja e femrave në universitet nëse hapen. Ndërsa për universitetet private kufizimet në fjalë janë më fleksibël.

 

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara