e diel 25 korrik 2021
e diel 25 korrik 2021

 

Në ishullin grek Lesbos mbyllen ëndrrat e shumë refugjatëve që synojnë Europën. Udhëtimi i mëtejshëm drejt kontinentit është i pamundur. Por traineri i futbollit, Evangelos Spanos së paku u jep shpresë disave.

 

Me ekipin e futbollit të themeluar prej tij me refugjatët „FC Cosmos” trajneri amator, Evangelos Spanos zbulon talentet nga Afrika e Azia duke u zgjuar atyre shpresa për një karrierë si profesionistë.

 

Mbetjet e strehimores së refugjatëveMoria në Lesbosshihen ende. Mbi 12.000 vetë kanë jetuar në të dhe zonat përreth. Derisa në shtator 2020 shopërtheu zjarri. Paul Asema Yongo nga Kameruni kaloi këtu dy vjet – një periudhë e tmerrshme, që 20 vjeçari nga Kameruni as që do ta kujtojë, na thotë. Sot ai me shumë mundim e gjen vendin, se ku flinte atëherë dhe na e tregon. Madje ai sheh edhe përdhe edhe copëzat e filxhanit të tij të çajit të thyer. “Filxhanin ma kishte dhuruar Spanos”, thotë Paul.

 

Evangelos Spanos është trajneri amator i futbollit më i njohuri në Lesbos. E po ashtu ai është edhe shpëtimtari i Paulit. Sepse falë grekut Paul është sot sulmues në ekipin e futbollit të Aiolikos. Ekipi i ishullit sivjet vetëm për pak e humbi shansin të kualifikohej në ligën e dytë greke. Një sukses, që i dedikohet edhe tre lojtarëve të rinj; të arratisur nga Afrika. Po ashtu edhe trajnerit të tyre. Që 55 vjeçari angazhohet në ishull, kjo nuk entuziazmon këdo ndër banorët e ishullit. Ka pasur edhe prindër grekë, që i kanë çregjistruar fëmijët e tyre nga ekipi i të rinjve, na thotë Spanos.

 

„Ishte një problem. Por unë i thashë vetes, të bëjnë si të duan. Unë jam mësues. Dua t’u mësoj jo vetëm sportin të rinjve, por t’u përçoj atyre edhe vlerat e sjelljes. Si respektin dhe solidaritetin. Një shok grek i ekipit pas stërvitjes e çon gjithmonë me makinë në shtëpi Paulin.

 

Rimëkëmbje dhe perspektiva pas odisesë së vuajtjeve

 

Ai banon tani me lojtarë të tjerë në një godinë, që ka qenë dikur hotel. Edhe ai i është mirënjohës trainerit Spanos, si edhe Zotit na thotë. Një bibël është e vetmja gjë që i ka mbetur atij që prej arratisë nga dhuna politike në atdheun e tij Kamerun. „Ata i vranë prindërit e mi përpara syve të mi. Mua më torturuan dhe më rrahën. Ishte shumë e rëndë për mua. Nuk mund të flas për këtë…”

 

Vetëm futbolli i ndihmon atij. E po ashtu edhe traineri Spanos. Klubi Cosmos quhet ekipi, në të cilin Spanos fton dy herë në javë të rinj nga strehimorja e refugjatëve Karatepe në Lesbos. Për të rinjtë, shumica e të cilëve janë arratisur vetëm pa prindërit drejt Europës, kjo është nga të paktat mundësi për të dalë një herë nga kampi. Kushtet në Karatepe janë shumë më të mira se dikur në Moria. Por ata kanë mbetur këtu të bllokuar. Shqyrtimi i kërkesës së tyre për azil mund të zgjasë me vite në Greqi.

 

Por tani ata kanë një perspektivë. Paul u jep atyre një shembull: Që ai luan për një ekip të kategorisë së tretë dhe punon si asistent trajner në Cosmos, kjo e ka ndihmuar Paulin për të marrë lejen e qendrimit. Kjo e bën krenar edhe Evangelos Spanos. Suksesi i punës së tij, shpreson ai, do t’i bindë edhe bashkëatdhetarët e tij, që të kenë mirëkuptim për të rinjtë refugjatë shpesh herë të traumatizuar: „Ne mund t’u ndihmojmë atyre, mund të ndryshojmë sjelljen e tyre, që ata të bëhen më të mirë. Në mënyrë që të dinë të orientohen në shoqërinë greke. Popullsia lokale mund ta shohë, që ata nuk ndryshojnë shumë prej nesh.”

 

Paul ka qëllime të reja. Ishulli Lesbos është një stacion i ndërmjetëm. Ai ëndërron për një karrierë si profesionist në ndonjë nga klubet e qyteteve të mëdha në Gjermani apo në Francë.

 

Mirënjohje ndërkombëtare për trajnerin e angazhuar

 

Në kafenenë e klubit të Aiolikos Paulin e duan. Por ndër grekët në Lesbos ka ende grindje për refugjatët. BE planifikon të hapë një qendër të re pranimi për refugjtët – shumica e banorëve janë kundër.

 

Traineri Spanos nuk dorëzohet madje, ai gëzon mirënjohje ndërkombëtare për angazhimin e tij. Edhe shoqata europiane e futbollit, UEFA e ka mbështetur atë ndërkohë. „Kur të rinjtë vijnë këtu, ata janë të mbyllur e shpesh herë bëhen edhe agresivë. Pastaj ne shohim se si ata e marrin veten nga dita në ditë, u rikthehet buzëqeshja e fillojnë të bisedojnë me të tjerët. Eshtë bukur ta përjetosh këtë.” Spanos gjithmonë është i gatshëm t’u ndihmojë të rinjve – edhe kur ata largohen në klube të tjera në Greqi apo në Europë. Ndonëse jo të gjitha ëndrrat e futbollistëve mund të realizohen, ai u ka ofruar atyre një perspektivë në fushën e futbollit – në ishullin Lesbos e edhe përtej tij. DW

 

Më shumë

Një udhëtim me barinjtë e fundit nomadë të Greqisë: Një trashëgimi e gjelbër, në zhdukje

Praktika e qëndrueshme bujqësore e kullotjes së deleve daton mijëra vite më parë. Ne takojmë njerëz që e mbajnë gjallë traditën, pavarësisht presionit nga bujqësia e turizmi i industrializuar dhe ndryshimet klimatike.   Gjatë 53 viteve, Eleni Tzima dhe bashkëshorti i saj Nasos Tzimas i kanë ndërtuar kullotat e tyre ndërmjet një distance […]

Grekët braktisin Athinën pak orë para mbylljes

Këto pamje vijnë sot nga Athina. Trafiku në rrugët nacionale është rritur ndjeshëm sot pasi shumë athinas po largohen nga kryeqyteti për në fshatrat e tyre, pak para bllokimit për shkak të koronavirusit, që nis nesër në 06.00 të mëngjesit, deri më 30 nëntor.   Mediat greke raportojnë se nga ora 6.00 deri në […]

Greqia në karantinë për herë të dytë

Kryeministri grek Kyriakos Mitsotakis ka njoftuar sot një bllokim tre javor në të gjithë vendin, në përpjekje për të ndaluar një rritje agresive të infeksioneve me Covid-19. Ky bllokim do të jetë i dyti për Greqinë dhe do të hyjë në fuqi nga e shtuna në mëngjes. Gjatë kësaj bllokade kombëtare, të gjitha dyqanet […]

Masat kufizuese, Greqia ndahet më dysh, maska me detyrim në çdo ambient, ora policore shtrihet në gjithë vendin

Masat do të hyjnë në fuqi nga 3 nëntori Ndër masat e reja Covid-19 të njoftuara nga Kryeministri Mitsotakis të Shtunën për të frenuar përhapjen e pandemisë ishin mbyllja totale e restoranteve, aktivitetet sportive, si dhe vendet e argëtimit, ndërsa do të ketë një shtetrrethim nga 12 në 5 të mëngjesit.   Bllokimi special, […]

  • © 2017 Albanian Profile Të gjitha të drejtat e rezervuara