e shtunë 17 prill 2021
e shtunë 17 prill 2021

 

U hap sot proçesi i Gjykatës

Ndërkombëtare të Hagës ndaj ish kreut të trupave ushtarake serbo-boshnjake Radko Mlladiç, i dënuar në shkallën e parë me burgim të përjetshëm për rolin e tij, veçanërisht në genocidin e Srebenicës. Seancat kanë qënë shtyrë ngaqë Mlladiç ka pësuar një operacion kirurgjik për shkak të një tumori në zorrën e trashë dhe më pas ka qënë i prekur edhe nga Covid-19.

I quajturi “Kasapi i Ballkanit”, ka apeluar dënimin e parë me burgim të përjetshëm për genocid, krime lufte dhe krime kundër njerëzimit gjatë luftës së Bosnjës (1992-1995),e cila shkaktoi 100 mijë të vdekur dhe 2,2 milionë të shpërngulur e të pastrehë.

Mlladiç ka të drejtën të flasë 10 minuta në përfundim të seancës gjyqësore, por avokatët e tij kanë paralajmëruar se ai është i sëmurë dhe ka probleme me kujtesën (!!!). Por ai nuk pati asnjë vështirësi të deklarojë se nuk arrin ta ndjekë seancën përmes kufjeve dhe kjo përbëka një rrisk të mohimit të drejtësisë ndaj tij.

Edhe i biri i kriminelit të Ballkanit, Darko Mlladiç, i përmbahet të njejtit version; sipas tij, i ati nuk ka energji për ta ndjekur proçesin.

Nga ana e saj, gjykata nuk mori parasysh kërkesën e të dënuarit dhe të avokatëve të tij.

Krimet e bëra nga Mlladiç dhe seërbët e tij klasifikohen njëzëri si krimet më të shëmtuar të njohur ndonjëherë nga njerëzimi. Masakra e Srebenicës në veçanti, konsiderohet si masakra më çnjerëzore e kryer në truallin europian që pas Luftës së Dytë Botërore. U vranë dhe u masakruan tetë mijë burra dhe djem, me një akt të vetëm dhe u përdhunuan gratë, vajzat dhe motrat e tyre, përveçse u dogjën dhe shkatërruan shtëpitë.

Radko Mlladiç është një ndër liderët kryesorë të proçesuar nga drejtësia ndërkombëtare për krime kundër njerëzimit dhe krime lufte, përveç liderit politik të serboboshnjakëve, Radovan Karaxhiç (i dënuar edhe ai me burgim të përjetshëm) dhe ish presidentit të Jugosllavisë Slobodan Milosheviç, i cili vdiq nga pushimi i zemrës pa mbyllur ende proçesin.

Përfaqësuesët e viktimave nuk janë lejuar të shkojnë në Hagë për shkak të pandemisë, por kanë mbajtur qëndrimet e tyre përmes shtypit boshnjak dhe intervistave të shumta. Ndërsa heshtje nga pala serbe. E kuptueshme, përderisa Serbinë e drejtojnë ende politikanë të tillë si Ivica Daçiç i cili ka deklaruar hapur se këta mostra të dënuar nga Gykata Ndërkombëtare e Hagës janë, as më pak e as më shumë, por “heronj të popullit serb”.

Më shumë

Zyrtarët e BE të shqetësuar me sundimin e ligjit në Turqi

Zyrtarët e lartë të Bashkimit Evropian kanë shprehur shqetësimin e tyre të thellë për nivelin e respektimit të të drejtave të njeriut në Turqi.   Ata i thanë presidentit turk, Recep Tayyip Erdogan se, BE-ja shpreson në lidhje me të ngushta me Turqinë, mirëpo kjo do të varet nga përmirësimi që do të […]

Debatet rreth censusit në Maqedoninë e Veriut

Procesi i regjistrimit të popullsisë që po mbahet për diasporën e Maqedonisë së Veriut ka mobilizuar edhe faktorët politikë me thirrjet për t’u regjistruar, ndërsa opozita maqedonase po bën thirrje për shtyrjen e procesit për shkak të pandemisë së koronavirusit. Deri më tani janë regjistruar mbi 150 mijë qytetarë me origjinë nga Maqedonia e […]

1 vjetori i anëtarësimit të Maqedonisë së Veriut në NATO

Maqedonia e Veriut po shënon 1 vjetorin e anëtarësimit në NATO. Me këtë rast, në një ceremoni që u mbajt në një kazermë të Shkupit, tre aeroplanë ushtarakë të Aleancës fluturuan mbi kryeqytetin e vendit, ndërsa pjesëtarë të ushtrisë së Maqedonisë së Veriut shfaqën pjesë të stërvitjeve para krerëve të institucioneve më të larta […]

RMV, deri sot janë regjistruar rreth 150.000 persona nga diaspora

Deri në orën 8 të këtij mëngjesi, përmes ueb-aplikacionit për vetë-regjistrim janë evidentuar 148.719 persona të regjistruar nga diaspora, informoi Enti Shtetëror i Statistikave. Si edhe deri më tani, shumica e emigrantëve të regjistruar nga vendi janë nga Zvicra, Gjermania dhe Italia, ndërsa numri i personave të regjistruar është shumë më i ulët […]

  • © 2017 Albanian Profile Të gjitha të drejtat e rezervuara