e enjte 27 janar 2022
e enjte 27 janar 2022

 

Kur kanë ngelur edhe 9 ditë nga përfundimi i censusit të popullsisë në Maqedoninë e Veriut, sulme kibernetike janë shënuar në tentativë për kompromentuar dhe bllokuar sistemin e të dhënave.

 

Për momentin drejtuesit e Entit për Statistikë shprehen se e kanë tejkaluar problemin, por frikësohen se kjo mund të ndodhë përsëri, në nëntë ditët e fundit që kanë ngelur.

 

“Për momentin e kemi tejkaluar problemin dhe procesi i regjistrimit po vazhdon pa pengesa. Por nuk mund ta them me siguri nëse një sulm i tillë ndaj rrjetit tonë nuk do të ndodhë përsëri”, Apostoll Simovski, drejtor i Entit për Statistikë.

 

Sulmi ndaj faqes së internetit të Entit për statistikë, po bëhet nëpërpjet klikimit njëherazi nga mijëra persona nga vende të ndryshme të botës. Kjo valë klikimesh pengon funksionimin normal të faqes e cila ka kapacitet për të pranuar më pak vizitorë online se sa ato që janë duke e sulmuar.

 

Ekipe të sektorit të IT-së po e ndihmojnë Entin për Statistika që ti luftojë këto sulme derisa të mbarojë procesi i regjistrimit.

 

“Kemi regjistruar të ashtuquajtura sulme DDOS në ueb faqen e Entit shtetëror për statistikë. Janë marrë masat e duhura. Ne kemi ekip, I cili është duke punuar bashkë me Entin për statistika në mënyrë që procesi të vazhdojë normalisht. Por ne po vazhdojmë edhe hetimin lidhur me sulmet se prej ku vijnë dhe kush qëndron pas tyre”,  tha Toni Angellovski, zëdhënës i policisë.

 

Deri tani Maqedonia e Veriut ka regjistruar 1 milion e 212 mijë e 339 persona. Janë shënuar 378 mijë e 033 familje dhe 516 mijë e 787 banesa. Nga diaspora janë regjistruar vetëm 193 mijë e 982 persona.

 

Regjistrimi po shkakton bujë pasi të drejtat entike të qytetarëve varen prej numrit apo përqindjes së tyre.

 

Ka reagime edhe nga politikanë nga Bullgaria, të cilët deklarojnë se të paktën 130 mijë shtetas maqedonas kanë pasaporta bullgare dhe duhet të deklarohen si bullgarë, por janë në presion që të mos e bëjnë këtë.

 

Sipas rezultateve të fundit të regjistrimit të popullsisë në vitin 2002, në Maqedoninë e Veriut jetonin mbi 2 milionë banorë. Prej tyre 64 për qind janë maqedonas, mbi 25 për qind shqiptarë, rreth 4 për qind turq, mbi 2,6 për qind Romë, rreth 1,8 për qind serbë, më pak se 1 për qind boshnjakë dhe vlleh.

 

Më shumë

Zgjedhjet lokale: Bilall Kasami kryetar i Tetovës

Partia opozitare në Maqedoninë e Veriut, VMRO-DPMNE, shpalli të dielën mbrëma fitoren në shumicën e komunave në raundin e dytë të zgjedhjeve për pushtetin lokal.   Ndërsa nga partitë shqiptarë, Bashkimi Demokratik për Integrim tha se është fituese në këto zgjedhje, ndonëse humbi Tetovën që vlerësohet si komuna me e rëndësishme për shqiptarët […]

Maqedonia e Veriut shënon 30 vjetorin e pavarësisë

Me rastin e festimit të kësaj dite, në qendër të kryeqytetit do të parakalojnë punonjësit shëndetësorë, sportistët, zjarrfikësit, policia dhe ushtarët, minatorët, fermerët, vullnetarët e Kryqit të Kuq, si dhe ansamble kombëtare dhe shoqatat kulturore dhe artistike.   Festa qendrore do të jetë e hapur para Kuvendit duke filluar nga ora 17:30 dhe […]

Digjet spitali në Tetovë – viktima dhe të plagosur

Një zjarr përfshiu të mërkurën mbrëma spitalin në Tetovë ku ishin të shtrirë të sëmurë nga COVID-19 duke lënë pas vetes viktima të dhe të plagosur.   Ministri i Shëndetësisë i Maqedonisë së Veriut, Venko Filipçe, tha se deri tash janë konfirmuar 10 viktima, por numri mund të rritet.   Në Tetovë ndodhet […]

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

  • © 2017 Albanian Profile Të gjitha të drejtat e rezervuara