e mërkurë 19 janar 2022
e mërkurë 19 janar 2022

 

Njëra prej dhjetra raketave që Hamas ka lëshuar nga Rripi i Gazës në drejtim të Tel Avivit ka goditur një zonë të banuar pranë selisë së Ambasadës shqiptare.

Selia diplomatike e Shqipërisë ndodhet në zonën Ramat Gan në veri të Tel Avivit. Nga sulmi me raketa në mbrëmjen e së premtes ka gjetur vdekjen një izraelit, ndërkohë që disa persona të tjerë janë plagosur.

“Sulm me raketë në Ramat Gan pranë Ambasadës shqiptare. Shumë të shqetësuar nga sulmet pa dallim të Hamas mbi Izraelin. Civilët e të dyja palëve duhet të mbrohen dhe kjo situatë duhet të marrë fund sa më parë”, thuhet në reagimin e Ambasadës shqiptare në Izrael.

Në të njëjtën zonë ndodhen edhe selitë e disa ambasadave të tjera ndërkombëtare, mes të cilave edhe ajo austriake, që gjithashtu ka reaguar.

“Sapo shpërtheu një raketë në Ramat Gan, pranë Ambasadës austriake. Fatmirësisht jemi mirë të gjithë. Kjo duhet të marrë fund menjëherë”, thuhet në reagimin e Ambasadës austriake.

Ramat Gan ndodhet në veri të Tel Avivit dhe asnjëherë më parë nuk ka qenë objekt sulmesh me raketa nga Rripi i Gazës për shkak të distancës së madhe gjeografike. Por, sulmet e fundit tregojnë se Hamas ka rritur kapacitetin duke zotëruar tashmë edhe raketa me rreze të mesme veprimi deri në 200 kilometra distancë.

Autoritetet izraelite nga ana tjetër kanë marrë disa masa duke ndaluar lëvizjen e qytetarëve nga veriu i vendit në drejtim të qendrës dhe jugut, pranë kufirit me Gazan, ndërkohë që paralajmëron se mund të mbyllë në çdo moment hapësirën ajrore dhe ndalojë fluturimet për të shmangur viktimat mes civilëve.

Më shumë

Kuvendi i Berishës, shkarkon Bashën

Partia Demokratike ndodhet në një krizë të thellë ekzistenciale. Shenjat e krizës janë të dukshme. PD është sot e përçarë keqazi.   Demokratët janë rrjeshtuar në dy grupime kundërshtare: njëri me mbështetës të Sali Berishës, ish-liderit historik të PD, të shpallur “Person non grata” nga qeveria amerikane për “vepra korrupsioni që minojnë demokracinë në […]

“Non-grata”, Berisha shkon me ‘Foltoren’ në SHBA

Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA.   Takimi do të zhvillohet me video-konferencë njësoj sikur të […]

Shqipëri – Kosovë, pa ndalesa në kufi!

Në mbledhjen e përbashkët të dy qeverive, Kosovës dhe Shqipërisë që po mbahet sot në Elbasan, ministri i Brendshëm Bledi Çuçi shpjegoi tre marrëveshjet e arritura. Tre marrëveshjet synojnë lehtësimin e lëvizjes së qytetarëve në të dy anët e kufirit. “Dua ta filloj nga kjo e fundit që ka të bëjë me lejet e […]

Berisha për Zërin e Amerikës: Unë do marr PD-në, nuk bëj parti tjetër

Ish kryeministri dhe drejtuesi i Partisë Demokratike, Sali Berisha përjashton në mënyrë kategorike, krijimin e një force të re politike. Në një intervistë për Zërin e Amerikës, ai shprehet i bindur se kuvendi i thirrur prej tij dhe mbështetësve të tij më 11 dhjetor do të shënojë një rithemelim të kësaj partie të […]

  • © 2017 Albanian Profile Të gjitha të drejtat e rezervuara