e premte 3 dhjetor 2021
e premte 3 dhjetor 2021

 

Xhamia e parë në Athinë, kryeqytetin e Greqisë, u hap për për komunitetin mysliman pas një procesi 14-vjeçar planifikimi dhe ndërtimi.

 

Në deklaratën e bërë nga Ministria greke e Arsimit dhe Çështjeve Fetare, përdoret shprehja “Xhamia e Athinës u hap për obligime duke filluar nga data 2 nëntor 2020 dhe do të zbatohen masat e distancës dhe to shëndetësore në kuadër të masave që parashikohen ndaj Covid-19”.

 

Njoftohet se kanë përfunduar të gjitha rregullimet e nevojshme për sigurinë, pastërtinë, mbrojtjen dhe shërbimet e tjera të xhamisë ku do të mund të falet namazi 5 herë në ditë.

 

Bëhet e ditur se ceremonia zyrtare e xhamisë do të zhvillohet në një datë të mëtejshme për shkak të llojit të ri të koronavirusit (Covid-19), kurse për shkak të kësaj epidemia është kufizuar pjesëmarrja deri në 9 persona gjatë lutjeve të përditshme.

 

Imami i parë i xhamisë është 49-vjeçari qytetar grek me origjinë marokene, Mohammed Zaki.

 

Sekretari i Përgjithshëm për Çështjet Fetare të Greqisë, George Kalaitzis, në deklaratën e tij tha: “Përpjekjet e gjata që nga viti 2006 të qeverive të njëpasnjëshme në vend kanë përfunduar. Greqia jep një mesazh të qartë mbi demokracinë dhe lirinë e fesë brenda dhe jashtë vendit.” .

 

Kisha ortodokse greke nuk e kishte kundërshtuar projektin, edhe pse kishte shprehur rezervat e saj.

 

Ndërtimi i xhamisë, u sipërmor nga një konsorcium katërsh pas vendimit të marrë nga ana e Parlamentetit të Greqisë në gusht të vitit 2016. Xhamia u ndërtua në një territor në pronësi të Komandës së Forcave Detare në lagjen Votanikos të kryeqytetit.

 

Xhamia, e cila ka një përmasë prej rreth 850 metra katrorë dhe kapacitet prej 350 personash, nuk ka minare.

 

Xhamia, e cila përfshin një kënd lojërash dhe shatërvan në pjesën e oborrit, u ndërtua me një buxhet prej 887 mijë eurosh.

 

Administrata e xhamisë do t’i dorëzohet një bordi administrativ me 7 anëtarë, i përbërë nga dy zyrtarë shtetëror nga Ministritë e Arsimit dhe Financave, dy punonjës të bashkisë, një gjykatës i gjykatës së lartë, si dhe dy përfaqësues të komuniteteve myslimane.

 

Athina nuk ka pasur një xhami zyrtare që kur detyroi forcat pushtuese otomane të largoheshin rreth 200 vjet më parë. Ndërtimi i saj nisi në vitin 2017, por xhamia është ngritur me një arkitekturë të ulët, duke shkaktuar ankesa nga besimtarët.

 

Ajo ka formën e një magazine, është ndërtuar me mure alumini dhe nuk ka minare.

 

“Kam përshtypje të ndryshme për shkak se nga njëra anë kemi një xhami publike, por në anën tjetër duket që është një xhami për qytetarë të dorës së dytë. Sikurse mund të duket, ambienti brenda saj tregon mënyrën si shteti i percepton myslimanët. Kjo nuk do të kishte ndodhur kurrë me një kishë”, tha Anna Stamou, përfaqësuese e Shoqatës Myslimane të Greqisë.

 

 

Më shumë

Greqia nuk heq dorë nga dëmshpërblimi për pasojat e Luftës së Dytë Botërore

Një tjetër konflikt po lind brenda kufijve të Europës dhe është ai mes Greqisë dhe Gjermanisë.   Kjo pasi qeveria helene përsëriti kërkesën për negociata mbi dëmshpërblimin e dëmit të shkaktuar nga Gjermania në Luftën e Dytë Botërore.   “Çështja nuk mbyllet deri kur kërkesat tona të plotësohen”, tha zëdhënësi i Ministrisë së Jashtme […]

Greqia zyrtarizon zgjerimin me 12 milje në Jon

Këshilli i Lartë i Shtetit të Greqisë miratoi Dekretin Presidencial për zgjerimin e ujërave territoriale në detin Jon deri në 12 milje.     Dekreti përfshin hapësirën në zonën veriore të detit Jon, të ishujve të Jonit e deri në Kepin e Tenaro në Peloponez. Lajmin e ka publikuar e para gazeta greke “To […]

SHBA nuk i njeh kufijtë e rinj të Greqisë

Departamenti Amerikan i Shtetit, përmes një raporti për kongresin, që nuk ia njeh Greqisë zgjerimin e ujërave territoriale me 12 milje. Sipas gazetës greke “Ekathimerini” kur e njoftoi për herë të parë synimin për t’u zgjeruar me 12 milje në Detin Jon në Gusht të këtij viti, kryeministri Kiriakos Mitsotakis tha se kjo ishte […]

Hap dyert xhamia e parë në Athinë

Xhamia e parë në Athinë, kryeqytetin e Greqisë, u hap për për komunitetin mysliman pas një procesi 14-vjeçar planifikimi dhe ndërtimi.   Në deklaratën e bërë nga Ministria greke e Arsimit dhe Çështjeve Fetare, përdoret shprehja “Xhamia e Athinës u hap për obligime duke filluar nga data 2 nëntor 2020 dhe do të zbatohen […]

  • © 2017 Albanian Profile Të gjitha të drejtat e rezervuara