Saturday 25 March 2023
Saturday 25 March 2023
Bota

Hong Kong: Nis gjyqi i parë nën Ligjin e ri për siguri kombëtare

 

 

Gjyqi i parë në Hong Kong, nën Ligjin e ri për siguri kombëtare, ka nisur në një proces kontrovers, pa juri.

 

Tong Ying-kit, 24-vjeçar, është deklaruar i pafajshëm për terrorizëm dhe nxitje të ndasive, si dhe për akuzën e lidhur me vozitje të rrezikshme.

 

Tong është arrestuar më 1 korrik të vitit të kaluar, një ditë pasi ka nisur së zbaturi Ligji për siguri kombëtare, i cili është hartuar si përgjigje ndaj protestave masive pro-demokracisë më 2019, të cilat kanë sfiduar udhëheqësinë në Pekin.

 

Ai është akuzuar për vozitje drejt një grupi policësh gjatë një marshi më 2019 dhe për mbajtje të mbishkrimit për “çlirim” të Hong Kongut.

 

Sipas akuzës, ai ka plagosur tre zyrtarë policorë.

 

Ai është duke u përballur me proces gjyqësor pa juri, çka përbën devijim nga traditat e ish-kolonisë britanike.

 

Sipas Ligjit të ri për siguri kombëtare, një panel prej tre gjyqtarëve mund ta zëvendësojë jurinë.

 

Ligji, që është kritikuar ndërkombëtarisht, i kthen në vepra penale: thirrjet për shkëputje të territorit, terrorizmin, bashkëpunimin me forcat e huaja dhe përfshin edhe ndëshkimin për burgim të përjetshëm.

 

Autoritetet në Pekin dhe Hong Kong, kanë thënë se legjislacioni ka qenë i nevojshëm për të sjellë stabilitet, por kritikët besojnë se ai synon të heshtë disidentët.

 

Më shumë se 100 persona janë arrestuar nën këtë ligj.

 

Hong Kongu është pjesë e Kinës, mirëpo funksionon sipas organizimit “një shtet, dy sisteme”, çka nënkupton se ky qytet ka sistemin e vet ligjor dhe të drejtat, që përfshijnë atë për liri të shprehjes dhe liri të shtypit.

 

Shumë persona në Hong Kong, ashtu sikurse edhe grupe për të drejta të njeriut në demokracitë perëndimore, kanë akuzuar Pekinin për shkatërrim të lirive dhe autonomisë së këtij qyteti në vitet e fundit.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara