Ikjet nga LSI – Zv.kryetari Luan Rama: Nuk jemi të shqetësuar, duhet të dalim të vetëm në zgjedhje

Vendimi për t’ju bashkuar Partisë Socialiste i ish-ministrit të Drejtësisë, Nasip Naço, figura qendrore e Lëvizjes Socialiste për Integrim në Berat, nuk është goditja e parë që merr partia me karakter familjar e Ilir Metës dhe Monika Kryemadhi.

Në nëntor të vitit 2019, deputeti i LSI-së, Lefter Koka, një person me peshë të madhe politike në qarkun e Durrësit,

Në prill të vitit 2018, LSI-në e braktisi një tjetër deputet me peshë në Fier. Bëhet fjalë për deputetin Robert Bitrin, i cili u largua nga LSI.

Ndërkaq, me Partinë Socialiste ka kaluar edhe një nga figurat kryesore të LSI. Bëhet fjalë për Spartak Brahon, një nga njerëzit më të besuar të Ilir Metës, në vitet 2011-2013. Braho i është bashkuar Partisë Socialiste prej dy mandatesh. Fillimisht, Braho ishte në rolin e ndërmjetësit për mbarëvajtjen e koalicionit. Por, pasi drejtimin partisë e mori Monika Kryemadhi, Braho është distancuar totalisht nga LSI.

Zëvendëskryetari i LSI-së, Luan Rama në një intervistë për Euronews Albania nga Vlora duke folur për situatën e përmbytjes së qytetit tha se në tetë vite qeverisje, politikat e Ramës kanë qenë të orientuara në vjedhjen e fondeve publike dhe jo tek shërbimi për qytetarët.

Ai u shpreh se LSI-ja do të bëjë një fushatë model, ndërsa shtoi me bindje se kryeministri Rama do të marrë goditje të fortë në zgjedhjet e 25 prillit. Sipas tij, edhe vetë shefi i qeverisë e ka të qartë humbjen e zgjedhjeve në qytetin e Vlorës.

“LSI është e angazhuar për të bërë një fushatë model, që qytetarët duhet të kuptojnë që të votojnë për Vlorën. Në tetë vjet, të qeverisjes së një klani korruptiv dhe kriminal, në Vlorë është eksperimentuar duke vjedhur fondet publike. Fasada dhe idetë virtuale në 3D, që prezanton kryeministri, nuk janë gjë tjetër, por përpëlitje e fundit të tij në dëshpërimin e madh, dhe ai e di se goditjen kryesore do ta marrë nga Vlora”, tha ai.

I pyetur se si do të garojnë në zgjedhje të vetëm në listë apo jo, zv.kryetari Luan Rama tha se LSI-ja duhet të dalë me emrat dhe me programin e saj.

“Ne jemi në një proces intensiv kontakti me qytetarët për të evidentuar njerëzit që do duhet të kandidojnë. Në vlerësimin tim, LSI, si një forcë me identitetin e vet duhet t’u ofrohet qytetarëve me programin dhe me emrat e saj”, u shpreh ai.

• 

  Basha në Kuvend, Berisha në referendum, kundër njëri tjetrit

• 

  Berisha sfidon Bashën; hyn me të vetët në selinë e PD-së

• 

  Kuvendi i Berishës, shkarkon Bashën

• 

  Çarja e PD/ Basha mbush sallën Anti-Foltore, Berisha: Kuvendi i 11 Dhjetorit në Air Albania

• 

  Dy kuvendet e PD, si po përgatiten strukturat për 11 dhe 18 dhjetorin

• 

  “O Sali o hero, Amerika ty të do!”/ Shpërthejnë demokratët në New Jersey. Berisha: U shpalla non-grata prej lobimit të Soros dhe Ramës